LEVI 17:5 - AMÜSÜH HÜM CL Bible (BSI)

⁵ Ha yukhüm amütsan ju Israel mihtsürünü shiwüh thulu ching laksahkhi Atungpuh kilim handarübah. Arünü ashorupung khimyam ripit ki amükeambuh kilim jihbah tüsho mungtsü kingaün jihbah.

LEVI 17:5 Iomraidhean Croise

THRÜNTAN 21:33

Abrahamnü Beersheba ching tamarisk sang khülang khim tüsho ju ching apinü akheam müla Thrünpuh, Atungpuh mung ji.

THRÜNTAN 22:13

Judüki Abrahamnü zünga kheah, tüsho api dunglim namfimihnupung khülang sangrung ching ajuhbo kheaknü wukloa lakheah. Abrahamnü yü tüsho namfimihnupung ju lubah api tsührü müthri taka kingaünkhi jih.

THRÜNTAN 22:2

Judüki Thrünpuhnü tha, “Nünü muzhode alakhi, nü tsührü khülang lang alakhi Isak bebah Moria lomi lim yüang, tüsho inü nü ki thapü lakhi awungbo lung khülang kheaknü api taka kingaünkhi jihang.”

THRÜNTAN 31:54

Judüki Jakobnü awung kheak shuhmülanga kingaünkhi jih, tüsho yikhap tsühpü api keoniorübo ji. Arünü yikhap ju tsüh tüsho tsüngreroro awung kheak bin.

1 KIULONG THSÜRÜ 14:23

Tümüde arünü she arü thsungkheak awung achangbo, dungjingbo, tüsho Ashera mejakbo awung achang tüsho sangdung phüyakbo khüp thsü;

1 KIULONG THSÜRÜ 3:2

Tütüshe mihtsürübonü achang dangpungbo kheaknü laksah-a kingaün, tümütüsho Atungpuh mung thsungkheaknü thüyam müthsüyide alakheah.

1 KIULONG THSÜRÜ 3:3

Solomonnü abuh David yakzanbo ching tsahde Atungpuh muzho; tüshe apinü she achang dangpungbo kheak laksah-a kingaün tüsho rhümthüneabe jih.

2 KIULONG THSÜRÜ 16:4

Apinü achang dangpungbo, awungbo kheak, tüsho sangdung aphüyak aban khüp laksah-a kingaün tüsho rhümthüneabe tak.

2 KIULONG THSÜRÜ 17:10

arünü arü thsungkheak awung abande tüsho sangdung aban khüp dungjingbo tüsho Ashera sangthsübo khima zo;

2 KIUTHSÜYUKHEAN 28:4

Apinü achang dangpungbo, awungbo kheak tüsho sangdung phüyak aban khüp laksah-a taka kingaünkhibo jih.

ABEKHIT 24:5

Judüki apinü Israel athunu mihtsürü yüshih, tüsho arünü taka kingaünkhi tüsho moshipungbo laksah-a Atungpuh kilim mungtsü kingaün jih.

EZEKIEL 20:28

Küyimki inü arü kilim jihpü alokhikhi lomi ching arü bedarükhea tüsho arünü awung achang yungsho ayüniuniu sangdung ngükhea, ju ching arünü laksah-a kingaün, I bukakhiukpü thsüde kingaün jih, arü yo arhümthüneabebo jih tüsho arü yo ayungbe kingaünbo dungabah.

EZEKIEL 22:9

Nüsa mihtsürü khürü asheshihpü akeangyu tharü lah. Arü khürünü sangthsü kingaünkhibo tsühchoh tüsho yüliyürarü lah.

EZEKIEL 43:27

Küyimki harü nimungbo hobanü, nimung tizheah ninü rünbah amükeamrübonü nü yo taka kingaünbo tüsho mungtsü kingaün sadam kheak jihbah; tüsho inü nü leangkhibah, Atungpuh Thrünpuhnü thachoh.

EZEKIEL 44:15

Tüshe Levirü amükeamrübo Zadok tsühsoniusobo, Israel mihtsürübo tsophülapchoki, sherünü I yo arüngakopung neakchonü, I tankihpü I thüninde arübah; tüsho arünü amüdang tüsho athiyih jihpü I ki zhipbah, Atungpuh Thrünpuhnü thachoh.

LEVI 17:4

ju ashorupung khimyam ripit ki Atungpuh kilim thsambah thsüde handarünü müjihsho thiyih ju buh mihtsürü kheak labah; apinü thiyih bukdo; tüsho mihtsürü ju Thrünpuh mihtsürü bolungnü khekhita bahbah.

LEVI 17:6

Amükeambuhnü thiyih ju ashorupung khimyam ching kingaünpung yean mühide arhakkihbah tüsho amüdang taka arhümthüneashihde Atungpuh asühshihbah.

YUZÜNGTHALO 12:2

Nüsanü yankhita bahpü lakhi trükshihbonü arü thrünpuhbo tankihkhi dangpungbo müzüng achangbo ching awungbo tüsho sangdung aphüyak bukkhüp lakhibo alala thsümünima bahjang.