LEVI 17:15 - AMÜSÜH HÜM CL Bible (BSI)

¹⁵ Mihtsürü khürü, Israel yungsho khiungkerü thsüthsü akeangnü ashekhi shiwüh yungsho mütüm shiwühnü anguhsahkhi shih shepünü atsühbanü akhimmih müsühbeah, kemüyihbeah tüsho api arelim khiungde mümüsühkhi labah, tüsho api amüsüh kambah.

LEVI 17:15 Iomraidhean Croise

ABEKHIT 22:30

Nünü nü moshipungbo tüsho namfimihnubo she ju ruk thsang. Abe lung nimung thüne labah; atizheah nipü nünü I kilim jihang.

ABEKHIT 22:31

“Tüsho nü I mihtsürü amüsüh labah: nünü thulu ching arishiwühnü anguhsahkhi shih tümü dütsüh; nünü ju khihnu kilim jipa bahang.

EZEKIEL 4:14

Judüki inü tha, “Jude yung, Wuto Atungpuh ! Inü küyimkishe I müneana mükheah. I athunu kinü kheakü khiungde inü küyimkishe ashekhi yungsho mütüm shiwühbonü athonakkhi mütsühakheah. Mümüsühkhi shih tümü she I mün ching yüzah-a mükheah.”

EZEKIEL 44:31

Wuhnu yungsho shiwüh, akeangnü ashekhi yungsho shiwühbonü anguhsahkhi amükeamrübonü mütsüh.

LEVI 11:24

Tüsho hade athsükhinü nüsa mümüsühde akambah; sherünü loriloko ashemibo qiubanü arelim khiungde mümüsüh.

LEVI 11:25

Tüsho sherünü jurü ashemibo khürü lang she ahanbanü apinü nihbuh khimmih müsühbah tüsho arelim khiungde mümüsühkhi labah.

LEVI 11:27

Tüsho shiwühbo ajing phüyi kihbah jinglungnü atsahkhibo nüsa thsungkheaknü mümüsüh; sherünü ju ashemi qiubanü arelim khiungde mümüsühkhi labah,

LEVI 11:28

tüsho shepünü ashemi ju ahanbanü akhimmih müsühbah tüsho arelim khiungde mümüsühkhi labah, jurübo nüsa thsungkheaknü mümüsüh.

LEVI 11:31

Loriloko alala bolungnü harü nüsa thsungkheaknü mümüsüh; sherünü jurü ashemi kheak qiubanü arelim khiungde mümüsüh.

LEVI 11:32

Judürü ashemi tümükhüh kheak lang she keamkihsho ju mümüsühde akambah, ju sang kukruk, khimmih, shihküp, yungsho shungliukhim thsüala, yihnübe kukruk tümütümü thsüthsü she ke ching thsambeah, tüsho arelim khiungde mümüsühde alabah; jushu müsühde akambah.

LEVI 11:39

Nüsanü atsühbe shiwüh khürü shebahle, khürünü ashemi qiusho arelim khiungde mümüsühde akambah,

LEVI 11:40

tüsho khürünü ashekhi shih ju tsühsho, apinü akhimmih müsühbeah, tüshe api arelim khiungde mümüsüh; khürünü ashemi hansho khimmih müsühabahbeah, tüshe api arelim khiungde mümüsühkhi labah.

LEVI 15:10

Ju buh mihtsürünü abinkhibo kheak shepünü aqiubanü api arelim khiungde mümüsühkhi labah; tüsho shepünü jurü kukruk hanbanü akhimmih müsühbah, tüsho kemüyihbah, tüsho arelim khiungde mümüsühkhi labah.

LEVI 15:21

Shepünü anihbe yapkiu qiubanü akhimmih müsühbah tüsho kemüyihbah, tüsho arelim khiungde mümüsühkhi labah.

LEVI 15:5

Tüsho shepünü ju buh yapkiu qiubanü nihbuh khimmih müsühbah, kemüyihbah tüsho arelim khiungde mümüsühkhi labah.

LEVI 22:8

Apinü shiwüh akeangnü ashekhi yungsho mütüm shiwühnü anguhsahkhi shih tümü she mütsüh; junü api müneanjihbah: I Atungpuh ah.

LEVI 7:24

Ashelimnü ashekhi shiwüh yungsho ari-shiwühnü anguhsahkhi müdang mütsühbeah, tüshe yihnüpü khürü ching yukpü kuklah.

WÜHKHE 19:19

Amüsüh mihtsürü junü amüneankhi kheak nimung mahsam tüsho nimung thüne nipü ching rhakkihbah; tüsho nimung thüne nipü ching api müsühkhitbah, khimmih müsühbah tüsho kemüyihbah, tüsho arelim api amüsüh labah.

WÜHKHE 19:21

Ha arü thsungkheak lün yo yakzan lah. Shepünü amüsühkhitbe ke rhakbanü khimmih müsühbah; tüsho shepünü amüsühkhitbe ke qiubanü arelim khiungde müneana labah.

WÜHKHE 19:8

Tüsho shepünü ju takbanü nihbuh khimmih müsühbah tüsho kemüyihbah, tüsho arelim khiungde mümüsühkhi labah.

YUZÜNGTHALO 14:21

Nüsanü tümükhüh akeangnü ashekhi dütsüh; nüsanü ju nüsa kiuto ching lakhi hanrü ki jihpü kuklah, junangde apinü ju tsühbah, yungsho nüsanü ju khiungkerü ki yinjang; tümüde nüsa ju Atungpuh nüsa Thrünpuh kilim amüsüh mihtsürü ah. Nüsanü mihnu nunu abe niuhke ching dükhiung.

AMIKHEAKAKHIUKKHI 7:14

Inü api ki alo, “Atobuh, nünü mükheahlah.” Tüsho apinü I ki tha, “Arübo thsümütsü ato chingnü akhiukkheah; arünü arü shulünkhimbo Namfimihnunu thiyih chingnü müsühbah müyedo kamshih.