LEVI 17:11 - AMÜSÜH HÜM CL Bible (BSI)

¹¹ Tümüde shih ju thiyih ching lah; tüsho kingaün sadam kheak nüsa rhangdung dünthsükhipü inü nüsa kilim jihdo; tümüde thiyihnü nüsa rhangdung thsungkheak dünthsükhichoh.

LEVI 17:11 Iomraidhean Croise

THRÜNTAN 9:4

Tüshe nüsanü rhangdung-thiyih bede shih mütsühbeah.

LEVI 1:5

Atungpuh miki apinü shiwüh pung ju alaksahbah, tüsho Aron tsührü amükeamrübonü thiyih lubah ayübah, tüsho kingaün sadam khuh phüyi tüsho khimyam lunglim yüzah limrobo kheak rhakkihbah.

LEVI 16:11

Küyimki Aronnü api tüsho ayamkhün thsungkheak moshipung arü neak dünthsükhipü laksah-a neak kingaün jihbanü,

LEVI 17:12

Jumonü Atungpuhnü Israel yungsho arü bolung lakhi khiungkerübo thsüthsü thiyih zahkhi shiwüh mütsühpü thakheah.

LEVI 17:14

Tümüde rhangdung lakhi shiwüh alala thiyih ching lah, jumonü inü Israel mihtsürü ki tha: Nüsanü tümü shih thiyih she dütsüh, tümüde rhangdung lakhi shih alala thiyih ah. Shepünü atsühbanü khekhita bahbah.

LEVI 4:25

Tüsho amükeambuhnü neak kingaünkhi thiyih khürü ayingkhing kheak thsamkih-a lubah tüsho taka kingaünpung juhbo kheak yihkihbah, tüsho aningkhi thiyih ju taka kingaünpung jing kheak bukkihbah.

LEVI 4:26

Mungtsü kingaün ching amüdang shuhmülanga jihkhi ruk apinü amüdang kingaünpung kheak takbah; junangde amükeambuhnü anihbuh dünkheak shuhmülanga jihbah, tüsho api neak bahjihbah.

LEVI 8:15

Mosanü ju laksahbahle athiyih khürü lu tüsho müsühkhitde ayingkhing kheaknü kingaünpung juhbo kheak yihkih. Tüsho apinü aningkhi thiyih ju kingaünpung jing kheak bukkih. Hanangde apinü dünthsükhide müsühkhit.

MATHI 20:28

Mihtsürü Tsührü she tankihshihpü yung tüshe tankihpü tüsho ahihdo rhokhitpü api rhangdung jihpü arükheah!”

MATHI 26:28

Tümüde ha aso tangzüngkhi, ahihkhüh neak bahjihpü bukkhi I thiyih ah.

MARK 14:24

Tüsho apinü arü ki tha, “Ha ahihkhüh dünkheak thiyih bukkhi tangzüng aso I thiyih ah.

ROMRÜ KILIM PAULNÜ ATHRÜTKHI KIHÜM HUHTANYU 3:25

Thrünpuhnü akin hode thiyihnü dünthsükhishihpü, api thiyuro-lungki huhpü arüshih, tümütüsho akhuhlim yihbeakkhi neakbo api arümkheamkhinü Thrünpuhnü khenoabahjih–

ROMRÜ KILIM PAULNÜ ATHRÜTKHI KIHÜM HUHTANYU 5:9

Jumonü kheaküa api thiyih hode isa alim kamshih, alü thsüde Thrünpuh bukakhiukkhi chingnü apinü isa khümkhitbah.

EFISIA 1:7

Api amüthsüm lakhit ayannü neakbo bahjihkhi api thiyih hode api kheak isa rhokhitkhi lah,

YUZÜNGTHALO 12:23

Nünü athiyih lang mütsühpü mütsanang tümüde thiyih ju rhangdung, tüsho nünü rhangdung ju shih lung mütsühbeah.

KOLOSI 1:14

api hode isa rhokhitkhi, neak bahjihkhi lah.

KOLOSI 1:20

tüsho alomi kheak yungsho yinmi ching thsüthsü, api sangkim thiyihnü mungtsü thsüde api hode anihbuh kheak tsüarihlo.

IBRI 13:12

Junangde Jisu she api thiyih hode mihtsürü tsangkhitpü thsüde chipiripit aleanglim thsünü.

IBRI 9:22

Dükde, yakzan bukkhüp lüpdükhi thiyihnü atsangkhitpü lah, tüsho thiyih mübukkihdüa neak bahkhi müla.

1 PETER 1:2

Abuh Thrünpuhnü akhujungde amokhitkhi tüsho Jisu Khrista ki mihyuanipü tüsho api thiyih rhakkihpü Menü atsangkhitkhi: Amüthsüm tüsho mungtsü nüsa kilim alü kamshang.

1 JOHAN 1:7

tüshe api ayin ching lakhi nangde isanü ayin ching tsahsho, isanü khülangnü khülang ki arihako lah, tüsho api tsührü Jisu thiyihnü neak alala chingnü isa müsühjihchoh.

1 JOHAN 2:2

api ju isa neak dünthsükhikhi lah, tüsho isa thsungkheak lang yung tüshe alomiküp athrünkhi thsungkheak ah.

AMIKHEAKAKHIUKKHI 1:5

tüsho thiyuro thiyumütsan thsübuh Jisu Khrista ashe chingnü arhang kamlokhi akhuhbuh, tüsho alomi ching kiulongthsürübo kurung yakzanshuhbuh kilimnü. Isa muzhobuh tüsho api thiyih hode isa neakbo chingnü isa zuzu kamshihkhi