LEVI 17:10 - AMÜSÜH HÜM CL Bible (BSI)

¹⁰ Israelrü khürü yungsho nüsa bolung larü khiungkerü shepünü thiyih tsühbanü, Atungpuhnü api azhihde bukakhiukbah tüsho api nihbuh mihtsürü bolungnü khekhita bahbah.

LEVI 17:10 Iomraidhean Croise

THRÜNTAN 9:4

Tüshe nüsanü rhangdung-thiyih bede shih mütsühbeah.

2 SAMUEL 23:17

tümüde apinü tha, “Inü ha rhimopü thsüde I Thrünpuhnü danjang. Nihbuh rhangdung shuhmülanga jihde ayürü mihtsürü thiyih inü ayungkhukbea de?” Jumonü apinü muyung. Athrungrü mahsamnü harü rhimo.

MUNGSHIKHÜN 34:16

Atungpuh miro ju alomi ching arü mülümkhitde akampü amütsü rhimorü azhihde lah.

ABEKHIT 30:33

Shepünü thüneabe ha ruk thsüba tüsho amükeamrü kheak hode shepünü ayukbanü api ju nihbuh mihtsürü bolungnü khekhita bahbah.’ ”

JEREMIA 21:10

Tümüde inü ha kiuto azhihde amütsü thsungkheak I miro anguhdo tüsho atsü thsungkheak yung, Atungpuhnü thachoh: Ha Babilon kiulongthsüpuh khah ching jihbah, tüsho apinü monü atakbah.

JEREMIA 44:11

Jumonü Wuto Atungpuh , Israel Thrünpuhnü ha thachoh: Inü Juda alala kheamshihpü, nüsa kheak thsümütsü handarüpü lümkihlah.

EZEKIEL 14:8

Inü ju mihtsürü azhihde I miro anguhbah tüsho api ju amütsan khülang tüsho münedung kamshihbah. Inü I mihtsürü bolungnü api khekhita bahbah. Judüki I Atungpuh de nünü mükheahbah.

EZEKIEL 15:7

Arü azhihde I miro kheahbah. Arübo mo chingnü akhiukkhiuk she, monü judü lang arü aniubah. Tüsho küyimki arü azhihde I miro kheahba, I Atungpuh de nünü mükheahbah.

EZEKIEL 33:25

Jumonü arü ki thaang, Atungpuh Thrünpuhnü ha thachoh: Nüsanü thiyih bede shih tsühchoh, tüsho sangthsübo ki nüsa mükbo züngkihchoh, tüsho thiyih bukchoh; dale nüsanü alo ju amükühba de?

EZEKIEL 44:7

Nüsanü athraneanbe rhimokhi lungnü nüsanü mulong tüsho shih tsütamübahkhi khiungkerü I arüngyam ching beyukde nüsanü tsühyungpü, amüdang tüsho athiyih jihchoki I arüngyam müneanjih tüsho nüsanü I ki tangzüngkhi thsümünim.

LEVI 17:11

Tümüde shih ju thiyih ching lah; tüsho kingaün sadam kheak nüsa rhangdung dünthsükhipü inü nüsa kilim jihdo; tümüde thiyihnü nüsa rhangdung thsungkheak dünthsükhichoh.

LEVI 19:26

Shih tümü she athiyih zahde dütsüh. Nüsanü müchitmudu yungsho thümüthiyi dahori.

LEVI 26:17

Inü I miro nüsa azhihde akheahbah, tüsho nüsa riribonü nüsa laksahbah, nüsa thraneanrünü nüsa kumung yakzan shuhbah, tüsho nüsa müshamrü mülalashe nüsa alihde atsobah.

LEVI 3:17

Ha nüsa lünbo, nüsa lapung alala ching kamruhroro yakzan labah; nüsanü amüdang yungsho athiyih mütsühbeah.

AMOS 9:4

Tüsho arünü ramtso ching arü riri miki yüyü she, ju ching inü nukshang ki thiyukhüm jihbah, tüsho junü arü laksahbah; tüsho inü arü kheak athsümünim thsungkheaknü I mükbo kheahkihbah tüsho atsü thsungkheak yung.

YUNIRÜBO RHIMO 15:20

ju müthri isanü arü ki sangthsübo kilim kingaünkhi amümüsüh mütsühpü, müzammüram müyihbeakpü, tüsho athünitsahkhi shiwüh yungsho thiyih mütsühpü thrütbeah.

YUNIRÜBO RHIMO 15:29

junangde nüsanü sangthsü kingaünkhi, thiyih, athünitsahkhi, tüsho müzammüram chingnü akümkangbah. Nüsanü harü chingnü tsokhide lasho tsüde arhimobah, tsüde laang.”

YUZÜNGTHALO 12:16

“Nüsanü athiyih lang dütsüh; nüsanü ju ke nangde alo kheak dunga bahang.

YUZÜNGTHALO 12:23

Nünü athiyih lang mütsühpü mütsanang tümüde thiyih ju rhangdung, tüsho nünü rhangdung ju shih lung mütsühbeah.

YUZÜNGTHALO 15:23

Nüsanü athiyih lang mütsüh; nüsanü ju ke nangde alo kheak buka bahang.

IBRI 10:29

Shepünü Thrünpuh tsührü jing khüp jungde, api tsangkhitkhi tangzüng thiyih müneankhea, tüsho amüthsüm Me mükhemükimrü küdükhüh she athsümüchipü thülünba de nüsanü lümcho?

1 SAMUEL 14:32

jumonü thirithsürübonü arünü ayankhikhi lim nanachihde yü, tüsho namfimihnu, moshipung tüsho moshi nunubo lubah alo kheaknü laksah; tüsho thirithsürübonü jurübo athiyih bede tsüh.

1 SAMUEL 14:33

Judüki ha Saul kilim thiyusheak jih-a lakheah, “ Kheahang, thirithsürübonü athiyih bede atsühkhi hode Atungpuh azhihde neak yihbeakdo.” Tüsho apinü tha, “Nüsanü mihyumanide rhimodo; I ki ha kheak lung ato phülahde arang.”