LEVI 16:14 - AMÜSÜH HÜM CL Bible (BSI)

¹⁴ Apinü moshipung thiyih anükhüh lubah tüsho akhidopü tsülimpeang ayingkhingnü arhakkihbah; tüsho apinü tangzüng sangdan mikhuh ki thüne ki rhaka bahbah.

LEVI 16:14 Iomraidhean Croise

LEVI 16:19

Ayingkhing kheaknü athiyih khürü kingaünpung kheak thüne ki rhakkihbah. Hanangde apinü Israel mihtsürübo neak chingnü throde müsühkhitbah.

LEVI 4:17

ju ching ayingkhing thsambah, tüsho amüsüh khim zhinkhi miki thüne ki rhakbah.

LEVI 8:11

Atungpuh kilim müsühkhitpü thsungkheaknü apinü müdangke khürü lubah kingaünpung kheak thüne ki rhakkih, tüsho kingaünpung, pungphuru, müsühmüraphuru tüsho kingaün sadam jing kheak mujukih.

WÜHKHE 19:4

amükeambuh Eleazarnü athiyih khürü ayingkhing kheaknü alubah, tüsho arüngyam müngüh thüne ki khuhlangde arheakbah.

IBRI 10:19

Jumonü keoniorübo, Jisu thiyih hode arüngakopung ching isa yüzahpü lale,

IBRI 10:4

Tümüde moshipungbo tüsho mihnubo thiyihnü neakbo hande atsopü amukuk ah.

IBRI 12:24

tüsho aso tangzüng limburü Jisu kilim, tüsho Abel thiyih kheaknü alü muzhode athakhi arhakkihkhi thiyih kilim.

IBRI 9:13

Mümüsühkhi mihtsürü kheak mihnubo le moshipungbo thiyih rhakkhi tüsho moshinunu takkhi wahbonü arü shih mümüsühkhi tsangkhitchosho,

IBRI 9:21

Tüsho ju ruk apinü arüngkhimyam le kingaün ching ahoribe kukrukbo alala kheak thiyih rhakkih.

IBRI 9:25

Yungsho achangbe amükeamrünü nihbuh yo yungkhi thiyih lubah kam aban Khide Amüsüh Dangpung ching yüzahkhi nangde alochode api kingaünpü yinmi ching yüzahkhi yung;

IBRI 9:7

tüshe achangbe amükeamrü lang alungbe khiungshak ching kam ching khülangki yüzah, tüsho api le mihtsürübonü mümükheahde ayihbeakkhi neak dünkheak jihkhi thiyih muludüa müyüzah.