LEVI 15:13 - AMÜSÜH HÜM CL Bible (BSI)

¹³ Mihtsürü amüyeankhi chingnü thsüngushu, apinü amüsühkhitpü thsungkheaknü nimung thüne aleangbah tüsho jushu akhimmih müsühbah tüsho akhipleangkhi kenü kemüyihbah, tüsho api amüsüh kambah.

LEVI 15:13 Iomraidhean Croise

ABEKHIT 29:35

“Inü nü ki thiyukhüm jihkhi lüpdükhi ayannü nimung thüne lude Aron tüsho api tsührübo amüsühtsangkhit rhimoang.

ABEKHIT 29:37

Kingaün sadam thsungkheak nimung thüne dünthsükhiang tüsho ju müsühkhitang. Jushu kingaün sadam ju khide amüsüh labah, tüsho tümüpürü ju qiubanü amüsüh kambah.

JEREMIA 33:8

Arübonü I azhihkhi amülim neak alala ching inü arü müsühkhitbah, tüsho arü mülimkhi neak tüsho I azhihkhi alala inü arü neak bahjihbah.

LEVI 14:10

Tüsho nimung atizheah nipü apinü lapha mükihkhi namfimihnunu kam khülang bankhi dre khülang, hi kingaün thsungkheaknü ayikangkang atsüdak muluk shihcham thürü ching shihcham mahsam lung müdangke thsürubah, tüsho müdangke pungdüchi shihchamkhüh handarübah.

LEVI 14:8

Apham kihbuhnü akhimmihbo müsühbahle ku hütabahbah, tüsho kemüyihbah; jushu api amüsüh kambah. Api binpung ching yüzahpü kuklah, tüshe anihbuh khimyam aleanglim nimung thüne labeah.

LEVI 15:28

Anihbe thiyih müyeankhi tuklosho, alibenü nimung thüne khebah, tüsho jushu anihbe müsühde akambah.

LEVI 15:5

Tüsho shepünü ju buh yapkiu qiubanü nihbuh khimmih müsühbah, kemüyihbah tüsho arelim khiungde mümüsühkhi labah.

LEVI 8:33

Nüsa müsühkhitkhi arüngako rhimobo mübanyichokia, ashorupung khimyam ripit kinü nüsa mutsode nimung thüne mungang.

LEVI 9:1

Nimung atizheah nipü Mosanü Aron le atsührübo tüsho Israel azothsürübo ji,

WÜHKHE 12:14

Tüshe Atungpuhnü Mosa ki tha, “ Anihbe abuhnü alibe jak kheak mukhiukkih-a lasho, anihbenü nimung thüne mungchih mulubea de? Jumonü anihbe binkheampung aleanglim nimung thüne rihdoa binshang, tüsho jushu alibe belode azahang.”

2 KORINT 7:1

Amuzho müyamrübo, tümütüsho isa harü alokhikhibo lah, pang tüsho me müneankhi lüpdükhi chingnü isanü müsühkhitanü, tüsho Thrünpuh trekhi ching banthsangkhi amüsüh kamanü.

JAKOB 4:8

Thrünpuh thüninang tüsho apinü nü thüninbah. Aneakrübo, nüsa khahbo tüsho mulongbo müsühang, nüsa lümtrüp mihtsürübo.

AMIKHEAKAKHIUKKHI 1:5

tüsho thiyuro thiyumütsan thsübuh Jisu Khrista ashe chingnü arhang kamlokhi akhuhbuh, tüsho alomi ching kiulongthsürübo kurung yakzanshuhbuh kilimnü. Isa muzhobuh tüsho api thiyih hode isa neakbo chingnü isa zuzu kamshihkhi