LEVI 14:8 - AMÜSÜH HÜM CL Bible (BSI)

⁸ Apham kihbuhnü akhimmihbo müsühbahle ku hütabahbah, tüsho kemüyihbah; jushu api amüsüh kambah. Api binpung ching yüzahpü kuklah, tüshe anihbuh khimyam aleanglim nimung thüne labeah.

LEVI 14:8 Iomraidhean Croise

2 KIUTHSÜYUKHEAN 26:21

Kiulongthsüpuh Uzzia ju anihbuh shekhi nimung khiungde apham kih, tüsho apham kihkhinü thüyam büthsüde la, tümüde api Atungpuh yam chingnü chamchitabah. Api tsührü Jotham ju kiulongthsüpuh yam ching aberü thsüde, lomi mihtsürü yakzan shuhde alakheah.

ABEKHIT 19:10

Judüki Atungpuhnü Mosa ki tha, “ Mihtsürübo kilim yüang tüsho khihni le shido arü tsangkhitang, tüsho arü khimmih müsühshang.

ABEKHIT 19:14

Judüki Mosanü müzüng kheaknü mihtsürübo kilim akibah tsangkhitjih tüsho arünü arü khimmihbo müsüh.

LEVI 11:25

Tüsho sherünü jurü ashemibo khürü lang she ahanbanü apinü nihbuh khimmih müsühbah tüsho arelim khiungde mümüsühkhi labah.

LEVI 14:20

tüsho amükeambuhnü taka kingaün tüsho hi kingaünkhi kingaün sadam kheak jihbah. Hanangde amükeambuhnü api thsungkheak dünthsükhibah, tüsho api ju amüsüh kambah.

LEVI 14:9

Kheaküshe apinü nimung athüne nipü akuyü, mükhühnam, müknam, tüsho apang kheak kihkhi nam alala hütabahbeah; apinü khimmih müsühbahle kemüyihbah, tüsho api müsühde akambah.

LEVI 15:13

Mihtsürü amüyeankhi chingnü thsüngushu, apinü amüsühkhitpü thsungkheaknü nimung thüne aleangbah tüsho jushu akhimmih müsühbah tüsho akhipleangkhi kenü kemüyihbah, tüsho api amüsüh kambah.

LEVI 8:6

Mosanü Aron tüsho atsührübo khuhto ching bedarü tüsho arüngako kemüyihjih.

WÜHKHE 6:9

Mihtsürü zukleangnü api mikinü shebahle, junü anihbuh kuyü amüsühkhitkhi müneanjihsho, apinü akuyü ju api müsühkhitpü nimung hütabahbah; nimung athüne nipü apinü ahütbah.

WÜHKHE 8:7

Tüsho nünü arü ki ha ruk müsühkhitang: arü kheak amüsühkhitbe ke rhakkihang tüsho arübo pang athrünkhi hütabahshang tüsho khimmihbo müsühshang, tüsho arübo amüsüh labah.

YUZÜNGTHALO 21:12

nünü alibe nü yam lim bede arübah, tüsho anihbenü akuyü hütbah tüsho müzan lambah.

1 PETER 3:21

tüsho ha ke ju kheakü nüsa khümkhitkhi baptikhi amütsan lah–pang chingnü dükhüh throa bahkhi yung tüshe Thrünpuh kilim lümkhi atsünü thiyuchihchimkhi lah. Jisu Khrista arhang kamlokhi hode nüsa khümkhitchoh,

AMIKHEAKAKHIUKKHI 7:14

Inü api ki alo, “Atobuh, nünü mükheahlah.” Tüsho apinü I ki tha, “Arübo thsümütsü ato chingnü akhiukkheah; arünü arü shulünkhimbo Namfimihnunu thiyih chingnü müsühbah müyedo kamshih.