LEVI 14:4 - AMÜSÜH HÜM CL Bible (BSI)

⁴ amükeambuhnü wuhnu arhang amüsüh mahne handarüpü thiyukhüm jihbah, ju lung cedar sang, shungliu amürüm, tüsho monam sangkhah;

LEVI 14:4 Iomraidhean Croise

MUNGSHIKHÜN 51:7

Monamnü I müsühjang, tüsho I müsühde akambah; I müsühjang, tüsho I phürüm kheaknü amüyebe labah.

ABEKHIT 12:22

Tüsho nüsanü monam düchi khülang lubah müsühmüraphuru ching lakhi thiyih ching thsamang, tüsho ripit kumung le khimdopü dungjing mahne kheak rhapkihang. Tüsho nüsa sheshe ha yam ripit hode yapsu khiungde duwukhiuk.

LEVI 1:14

Atungpuh kilim taka kingaünpü ju wuhnu thsüsho, müthrithrümpü yungsho chithüreku nunu thsübeah.

LEVI 12:8

Alibenü namfimihnunu müjihkhuksho, anihbenü müthrithrümpü mahne yungsho chithüreku mahne handarübeah, khülang ju taka kingaünpü tüsho püpü ju neak kingaün thsungkheak, tüsho amükeambuhnü anihbe münean dünthsükhipü ju kingaün jihbah, tüsho alibe müsühkhitbah.

LEVI 14:5

jushu amükeambuhnü wuhnu khülang ju alo phüh ching ke khipleangkhi zahkhi mi kheaknü alaksahpü thiyukhüm jihbah.

LEVI 14:6

Tüsho apinü wuhnu arhang lung, cedar sang, shungliu amürüm tüsho monam le alaksahkhi wuhnu thiyih ching yuka thsambah.

LEVI 5:7

Tüshe apinü namfimihnu yungsho mihnu müjihkhuksho, apinü neak shaklopü müthrithrümpü mahne yungsho chithüreku mahne Atungpuh kilim, khülang neak kingaün tüsho püpü ju taka kingaünpü thsungkheak hande arübah.

WÜHKHE 19:18

Amüsüh mihtsürü khülangnü monam lubah ke ching thsambah, khimyam, phühbo, ju kheak larü mihtsürü yungsho aro, alaksahkhi, ashekhi yungsho kiuyuk qiurü kheak rhakkihbah.

WÜHKHE 19:6

Tüsho amükeambuhnü cedar sang, monam tüsho amürüm liu lubah moshi takkhi mo phulung jipyukbah.

IBRI 9:19

Tümüde küyimki yakzan yukhüm Mosanü mihtsürü alala ki khipkhitkhea, apinü ke bede moshinunu le mihnubo thiyih lubah alamlam-hing mürüm tüsho monam sangkhah kheaknü küpqiu le mihtsürübo alala kheak rhakkih.