LEVI 14:22 - AMÜSÜH HÜM CL Bible (BSI)

²² kheaküshe apinü ajihkhukpü lakhi müthrithrümpü mahne yungsho chithüreku mahne jihbeah; khülang ju neak kingaünpü tüsho püpü ju taka kingaünpü thsungkheak.

LEVI 14:22 Iomraidhean Croise

MUNGSHIKHÜN 68:13

Nüsa namfimihnu boto bolung lalashe, nüsa shotoyinchinü alüpdokhi müthrithrümpü ghidükeangbo, tüsho anihbe moghidung suna kelülü nangde alabah.”

KHÜNBOLUNGKHÜN 2:14

O I müthrithrümpü, lungto dükeak ching, ajikpung awung-düpheak ching, inü nü miro kheahanü, inü nü düsheak soanü; tümüde nü düsheak niunglah, tüsho nü miro tsülah.

ISAIA 38:14

Kiurürüt yungsho kewüh nangde inü khungchoh, müthrithrümpü nangde inü ashechoh. Akulim kheahkhinü I mükjibo keahdo. O Atungpuh , I junoa lah; I khümkhitang!

ISAIA 59:11

Isa alala kuto nangde ahukchoh; müthrithrümpü nangde isanü ashede tüzhochoh. Isanü thiyuro aleangchoh, tüshe ju ching tümü müla; akhümkhit aleangchoh, tüshe isa kheaknü limshude lah.

JEREMIA 48:28

O Moab ching larübo! Kiutobo bahang, tüsho lungto ching laang, lungku münküp kheak asap shukhi müthrithrümpü nangde thsang.

EZEKIEL 7:16

Rhangdung larü tüsho atsokhitrü alala müzüngbo ching labah, mihbüm aban nihbuh neak dünkheaknü jindükhün müthrithrümpübo nangde ashearabah.

LEVI 14:21

Tüshe mihtsürü ju zhochihrü thsübahle ju dükhüh müjihkhuksho, apinü anihbuh dünthsükhipü thsungkheaknü namfimihnunu pung khülang lang anihbuh dünkheak ashaklo kingaün handarübah, ju amükeambuh thsungkheaknü Atungpuh kilim müleamde ajihkhi labah, tüsho hi kingaün jihpü ayikangkang atsüdak muluk shihcham thürü ching khülang lung müdangke tüsho müdangke pungdüchi shihchamkhüh jihbeah;

LEVI 14:24

Amükeambuhnü ashaklo kingaün jihkhi namfimihnunu tüsho müdangke pungdüchi shihchamkhüh lubahle müleamde Atungpuh kilim jihbah.

LEVI 15:14

Nimung atizheah nipü apinü müthrithrümpü mahne yungsho chithüreku mahne lubah Atungpuh shorupung khimyam ripit ki arübah tüsho jurübo amükeambuh kilim jihbah.

LEVI 5:7

Tüshe apinü namfimihnu yungsho mihnu müjihkhuksho, apinü neak shaklopü müthrithrümpü mahne yungsho chithüreku mahne Atungpuh kilim, khülang neak kingaün tüsho püpü ju taka kingaünpü thsungkheak hande arübah.

WÜHKHE 6:10

Nimung atizheah nipü apinü chithüreku mahne yungsho müthrithrümpü mahne ashorupung khimyam ripit ki amükeambuh kilim handarübah.