LEVI 14:21 - AMÜSÜH HÜM CL Bible (BSI)

²¹ Tüshe mihtsürü ju zhochihrü thsübahle ju dükhüh müjihkhuksho, apinü anihbuh dünthsükhipü thsungkheaknü namfimihnunu pung khülang lang anihbuh dünkheak ashaklo kingaün handarübah, ju amükeambuh thsungkheaknü Atungpuh kilim müleamde ajihkhi labah, tüsho hi kingaün jihpü ayikangkang atsüdak muluk shihcham thürü ching khülang lung müdangke tüsho müdangke pungdüchi shihchamkhüh jihbeah;

LEVI 14:21 Iomraidhean Croise

JOB HU H T ANYU 34:19

Shepünü yakzanshuhrübo ki jakmükheahcho, zhochihrü kheaknü alü alarü ki wüntre müjihcho, tümüde arü alala api khah rhimo ah.

MÜCHITMUDU 17:5

Shepünü zhochihrü luhmünechonü api Thrünrü mükhemükimchoh; shepünü thsümütsürü kheah-a münejihchonü müthsümüchidüa mutso.

MÜCHITMUDU 22:2

Alarü tüsho zhochihrü rukhüh shoruachihchoh; Atungpuh ju arü alala thrünrü ah.

EZEKIEL 46:7

apinü moshipung lung hi kingaün epha 1 tüsho namfimihnupung lung epha 1 jihbah, tüsho namfimihnunu lung a apinü akukkhi thülün, epha aban müdangke pungdüchi 1 jihbah.

LEVI 1:14

Atungpuh kilim taka kingaünpü ju wuhnu thsüsho, müthrithrümpü yungsho chithüreku nunu thsübeah.

LEVI 12:8

Alibenü namfimihnunu müjihkhuksho, anihbenü müthrithrümpü mahne yungsho chithüreku mahne handarübeah, khülang ju taka kingaünpü tüsho püpü ju neak kingaün thsungkheak, tüsho amükeambuhnü anihbe münean dünthsükhipü ju kingaün jihbah, tüsho alibe müsühkhitbah.

LEVI 14:10

Tüsho nimung atizheah nipü apinü lapha mükihkhi namfimihnunu kam khülang bankhi dre khülang, hi kingaün thsungkheaknü ayikangkang atsüdak muluk shihcham thürü ching shihcham mahsam lung müdangke thsürubah, tüsho müdangke pungdüchi shihchamkhüh handarübah.

LEVI 14:22

kheaküshe apinü ajihkhukpü lakhi müthrithrümpü mahne yungsho chithüreku mahne jihbeah; khülang ju neak kingaünpü tüsho püpü ju taka kingaünpü thsungkheak.

LEVI 27:8

Thiyuchihchimpü mihtsürü ju khide zhochihkhi hode adün mode müjihkhuksho, apinü mihtsürü ju amükeambuh ki bedarübah, tüsho mihtsürü junü ajihkhukpü thsüde amükeambuhnü adün keamkhide akhubah.

LEVI 5:11

Tüshe apinü müthrithrümpü mahne yungsho chithüreku nunu mahne hande marükhuksho, apinü ayikangkang atsüdak khahngak 1 neak kingaünpü handarübah. Apinü müdangke thsüthsü rhümthüneabe thsüthsü ju ching muyuk, tümüde ha neak kingaün ah.

LEVI 5:7

Tüshe apinü namfimihnu yungsho mihnu müjihkhuksho, apinü neak shaklopü müthrithrümpü mahne yungsho chithüreku mahne Atungpuh kilim, khülang neak kingaün tüsho püpü ju taka kingaünpü thsungkheak hande arübah.

LUKNÜ ATHRÜTKHI THIYUSHEAK-ATSÜ HUHTANYU 6:20

Tüsho apinü ajingyanrübo kilim zünga kheahbah tha, “Nüsa zhochihrü asühpü, tümüde Thrünpuh kiulongthsü nüsa yo.

2 KORINT 8:12

Tümüde thsakhama lasho, amülakhi yande yungde, mihtsürü ju tümü lanü ju yande aleangkhikhukbe lah.

2 KORINT 8:9

Tümüde nüsanü isa Atungpuh Jisu Khrista amüthsüm mükheahlah, junangde api alarü thsüa lalashe, anihbuh mülamüthsükhinü nüsa alarü kampü thsüde nüsa dünkheaknü api zhochihrü kam.

1 SAMUEL 2:8

Apinü zhochihrü asungthulung chingnü bemusuchoh; apinü mülamüthsürü awah mujung kheaknü, arübo kiulongthsürü tsührü lung binshihpü tüsho müretahkhi binkiu yamrüplurüp lushihpü shuhkihchoh. Tümüde alomi dungjingbo ju Atungpuh yo ah, tüsho jurü kheak apinü alomiküp zo. @SP ACE=