LEVI 14:10 - AMÜSÜH HÜM CL Bible (BSI)

¹⁰ Tüsho nimung atizheah nipü apinü lapha mükihkhi namfimihnunu kam khülang bankhi dre khülang, hi kingaün thsungkheaknü ayikangkang atsüdak muluk shihcham thürü ching shihcham mahsam lung müdangke thsürubah, tüsho müdangke pungdüchi shihchamkhüh handarübah.

LEVI 14:10 Iomraidhean Croise

ABEKHIT 29:40

Namfimihnunu akhuhbe lung wheat yikangkang atsüdak khahngak 1 ching oliv müdangke pungdüchi 1 yukbah jihang. Yukhu pungdüchi 1 kingaünde dunga bahang.

LEVI 1:10

Mürangkhüh mihtsürü khülangnü namfimihnubo yungsho mihnubo lungnü taka kingaünkhi jihsho, ju lapha mükihkhi pung thsübeah:

LEVI 1:3

Apinü ajihkhi shiwüh ju taka kingaünpü thsüsho, apinü lapha mükihkhi pung handarübeah. Ju Atungpuhnü leangkhikhukpü thsüde Atungpuh shorupung khimyam lunglim yüzah limro zoshang.

LEVI 14:11

Amükeambuhnü mihtsürü tüsho kingaünbo lubahle Atungpuh shorupung khimyam ripit ki yübah.

LEVI 14:12

Jushu amükeambuhnü namfimihnunu pung khülang tüsho müdangke pungdüchi shihchamkhüh lubah ashaklo kingaün jihbah; apinü jurü müleamde Atungpuh kilim amükeambuh thsungkheak jihbah.

LEVI 14:15

Amükeambuhnü müdangke pungdüchi shihcham khürü lubahle anihbuh müyi huzulim bukkihbah,

LEVI 14:21

Tüshe mihtsürü ju zhochihrü thsübahle ju dükhüh müjihkhuksho, apinü anihbuh dünthsükhipü thsungkheaknü namfimihnunu pung khülang lang anihbuh dünkheak ashaklo kingaün handarübah, ju amükeambuh thsungkheaknü Atungpuh kilim müleamde ajihkhi labah, tüsho hi kingaün jihpü ayikangkang atsüdak muluk shihcham thürü ching khülang lung müdangke tüsho müdangke pungdüchi shihchamkhüh jihbeah;

LEVI 2:1

Mihtsürü khürünü Atungpuh kilim hi kingaün jihsho apinü akhuhde ayikangkang kamde chuthünakang. Apinü ju ching oliv müdangke tüsho rhümthüneabe yukang,

LEVI 2:11

Nüsanü hi kingaün Atungpuh kilim jihkhibo ching phaüm düyuk; tümüde Atungpuh kilim taka kingaünkhi ching phaüm yungsho mukhuke mahoribeah.

LEVI 2:13

Hi kingaün aban ching thimi yukang, tümüde thiminü nüsa le Thrünpuh dükeak tangzüng zokhi huhchoh; nüsanü nüsa kingaün alala ching thimi yukang.

LEVI 23:13

Ju lung nüsanü ayikangkang khahngak 2 ching oliv müdangke yukbah hi kingaün jihde arhümthüneakhinü Atungpuh asühshihbah; tüsho yukhu she pungdüchi 1 kingaün jihbah.

LEVI 4:32

Neak kingaün thsungkheaknü apinü namfimihnu handarüsho lapha mükihkhi dre thsübeah,

LEVI 9:1

Nimung atizheah nipü Mosanü Aron le atsührübo tüsho Israel azothsürübo ji,

WÜHKHE 28:20

Nüsanü ayikangkang lung oliv müdangke yukbah hi kingaün jihpü ju: moshipung 1 thsungkheak khahngak 3, namfimihnupung thsungkheak khahngak 2;

WÜHKHE 6:14

Tüsho apinü Atungpuh kilim lapha mükihkhi shiwüh mahsam jihbah: taka kingaünpü kam khülang bankhi namfimihnunu pung tüsho neak kingaünpü kam khülang bankhi namfimihnunu dre, tüsho mungtsü kingaün thsungkheak mihnupung khülang de ajihbeah,

WÜHKHE 7:43

api kingaün ju arüngyam ching adünkhi yande shekel 130 dünkhi shotoyinchi phuru 1 tüsho shekel 70 dünkhi shotoyinchi müsühmüra-phuru 1, ane chido hi kingaünpü thsüde ayikangkang lung müdangke bede mide yuk;

MATHI 8:4

Tüsho Jisunü api ki tha, “Aniang, nünü she ki dütha; tüshe nü limro ching yüang, amükeamrü ki nü huhang, tüsho Mosa yukhüm yande arü ki mütsan thsüpü thsambah jihang.”

MARK 1:44

Tüsho apinü anihbuh ki tha, “Nünü she ki tümü dütha; tüshe nü limro ching yübah amükeamrü ki huhang, tüsho nü müsühkhitkhi dünkheak Mosanü thiyukhüm jihkhi nangde rhangdung-yumütsan thsüde kingaün jihang.”

LUKNÜ ATHRÜTKHI THIYUSHEAK-ATSÜ HUHTANYU 5:14

“Tüsho she ki she müthapü apinü arü ki tha; tüshe Mosanü thiyukhüm jihkhi nangde mihtsürübo ki thiyumütsan thsüpü amükeamrübo ki yübah huhang tüsho nü müsühkhitpü kingaün khülang jihang” de tha.

JOHAN 1:29

Ashidopü Johannü api kilim Jisu arüde ngü, tüsho tha, “Kheahang, alomi neak hande atsokhi Thrünpuh namfimihnunu!

JOHAN 6:33

Tümüde Thrünpuhnü ajihkhi yikhap ju yinmi chingnü akichoh tüsho alomi ching rhangdung jihchoh.”

JOHAN 6:51

I ju yinmi chingnü akikhi rhangdung tsühyungbe. Khürünü ha tsühyungbe tsühsho api lünnü alabah, tüsho inü alomi rhangdung thsungkheak jihpü lakhi yikhap ju I shih.”

1 PETER 1:19

tüshe lapha yungsho areak mükihkhi namfimihnunu nangde, Jisu shoto thiyih hode ah.