LEVI 13:45 - AMÜSÜH HÜM CL Bible (BSI)

⁴⁵ Mihtsürü shepü apham tukthsü kihbanü khim arukthünakkhi phuyubah, tüsho kuyü mushude mün hümbahle zhiang, “ Mümüsüh, mümüsüh!”

LEVI 13:45 Iomraidhean Croise

THRÜNTAN 37:29

Judüki Reubennü shingkung lim alode yü, tüshe Josep ju shingkung ching mülade alakheah; tüsho apinü akhimmihbo thorüp.

2 SAMUEL 13:19

Tüshe Tamarnü aku kheak awah yihkih, tüsho anihbenü aphuyukhi khim ashang ju thorüp; alibenü akhah aku kheak yihkihbah achangnü tripde tsoabah.

2 KIULONG THSÜRÜ 7:3

Kheakü apham kihrü mihtsürü 4 kiuto chipi ripit aleanglim lakheah, arü khülangnü khülang ki tha, “Tümüde isa ashe khiungde ha kheak binpü?

JOB HU H T ANYU 1:20

Judüki Jobnü asürü, api yo shulünkhim thorüp, api ku hüt, tüsho alo kheak khukningbah kingaün.

JOB HU H T ANYU 42:6

Jumonü inü I mükhemükimchoh tüsho asungthulung le awahbo chingnü mulong müthrichoh.

MUNGSHIKHÜN 51:3

Tümüde inü alakmihkhibo inü mükheahlah, tüsho kamruhroro I neak I miki lah.

MUNGSHIKHÜN 51:5

Kheahang, amülimkhi ching zübedo, I neak ching I benü I mübünkeangde kam.

ISAIA 52:11

Tsoang, tsoang, ha chingnü wukhiukang! mümüsühkhi tümü düqiu; nüsa sherünü Atungpuh pungphuru hanla, ha bolung chingnü wukhiukang, nüsa tsangkhitang.

ISAIA 6:5

Tüsho inü tha, “ I ayokhe, I mülatsan, tümüde I a münküp mümüsühkhi mihtsürü ah, tüsho I a münküp mümüsühkhi mihtsürü bolung lah: tütüshe I müknü Wuto Atungpuh , kiulongthsüpuh ngüdo!”

ISAIA 64:6

Isa alala mümüsührü nangde kamdo, tüsho isa thiyurolungki rhimo alala amüneankhi khim nangde lah. Isa alala sangyü nangde kamshihchoh, tüsho isa amülimnü apung nangde isa yünde tsochoh.

JEREMIA 3:25

Isanü achih ngükhi ching lunga yapanü, tüsho isanü wüntre mülakhinü isa lüpdoshang; isa le isa jipürübo, isa athunuchokinü khihni khiungde isanü Atungpuh isa Thrünpuh azhihde neak yihbeakdo; tüsho isanü Atungpuh isa Thrünpuh yu manidebahdo.”

JEREMIA 36:24

Tütüshe kiulongthsüpuh yungsho api yamlarü harü yu sorü shenü she mütre, yungsho arü khimmih muthonak.

TÜZHOKHI 4:15

Mihtsürübonü arü ki zhi, “Tsoabahang! Nüsa mümüsüh!” “Tsoabahang! Tsoabahang! Isa düqiu!” Küyimki arübo tsode tüsho rümde alakhea, trükshih bolung mihtsürübonü tha, “Arübo kheaküa ha ching mülakhuk.”

EZEKIEL 24:17

Mükhihde düsüknimang; asherü thsungkheak midütrip. Nü kuhingbe hingang, tüsho nü jingbo ching jingkhümpübo yukang; nü münküp achangbe düyihdo yungsho mahmi-jimpung dütsüh.

EZEKIEL 24:22

Tüsho inü rhimokhi nangde nüsanü arhimobah; nüsanü nüsa münküp achangbe düyihdo yungsho mahmi-jimpung dütsüh.

JOEL 2:13

Nüsa khimmih yungde nüsa mulong yihthünakang. Atungpuh , nüsa Thrünpuh kilim rholoang, tümüde api ju mihmuzho tüsho mihmüthsüm, arünnü bukakhiukchoh, tüsho düküngde amuzhopü suhdahde lah tüsho thsümüchi chingnü lümalochoh.

LEVI 10:6

Tüsho Mosanü Aron le atsührüne Eleazar tüsho Ithamar ki tha, “ Nüsa mulong rozhaklah de akheahkhitshihpü thsüde nüsa ku düdukiu, tüsho khimmih dürukrüp, jude thsüsho nüsa ashebah tüsho Atungpuh bukakhiukkhi boto alala kheak yükihbah. Tüshe nü keoniorü tüsho Israelrü yamkhün alalanü, Atungpuhnü monü ataksahshihkhi dünkheak mulong rozhakpü kuklah.

LEVI 13:44

api ju apham kihrü mihtsürü ah, api mümüsüh; amükeambuhnü api mümüsüh de athabah; api mü ju aku kheak kihlah.

LEVI 21:10

Achangbe Amükeambuh ju nihbuh keoniorü bolungnü aku kheak müdangke dungkihdo tüsho amükeamrü khimmih phuyupü müsühkhit, jumonü apinü nihbuh kuyü mushude mülabeah yungsho khim murukrüpbeah.

MIKA 3:7

angürübo mungchihbah, tüsho müchitrü achih ngübah; arü alalanü arü münküp muhiudobah, tümüde Thrünpuh kilimnü alojihkhi müla.

WÜHKHE 5:2

Israelrü tsührübo apham kihrü, thiyih müyeanrü, tüsho ashemi qiubah müneankhibo binkheampung chingnü yankhita bahpü thiyukhüm jihang.

LUKNÜ ATHRÜTKHI THIYUSHEAK-ATSÜ HUHTANYU 17:12

Api kiulong khülang ching yüzahchoki, aphamrü mihtsürü 10 limshude zhipbah api shoru.

LUKNÜ ATHRÜTKHI THIYUSHEAK-ATSÜ HUHTANYU 5:8

Tüshe küyimki Simon Peternü ju ngükhea, apinü Jisu mukhukbo ki khukningde tha, “I kinü chamachihang, tümüde I a aneakrü mihtsürü ah, O Atungpuh.”