LEVI 13:3 - AMÜSÜH HÜM CL Bible (BSI)

³ Amükeambuhnü apang küp kheak kihkhi mü ju kheahramde akheahbah; tüsho mü akhiukkhi ching anam müyedo kambahle mü ju pang küp kheaknü sükde yüzah-a lasho, ju apham tukthsü labah; küyimki amükeambuhnü kheahramde akheahbanü api mümüsüh de athabah.

LEVI 13:3 Iomraidhean Croise

THRÜNTAN 13:3

Tüsho apinü Negeb chingnü hantsahmusubah Bethel le Ai dükeak akhuhlim anihbuh khimyam lapung Bethel khiungde yü,

EZEKIEL 16:30

Wuto Atungpuhnü thachoh, nünü achih mühanrü müzammüramrü nangde harü alala rhimodo.

EZEKIEL 44:23

Arünü I mihtsürü ki amüsüh tüsho amümüsüh dükeak thsangyubah, tüsho künangde amümüsüh tüsho amüsüh dükeak mütsanmükhibanü arü ki huhbah.

HOSEA 7:9

Khiungkerünü asühmüh muyuabahdo, tüshe apinü ju mümükheah; api kuyü lakride buyiuka lah, tüshe apinü ju mümükheah.

LEVI 10:10

Nünü amüsüh tüsho amümüsüh dükeak, tüsho amüsühkhitkhi tüsho mümüsühkhitkhi dükeak shihcham thsübeah;

LEVI 13:10

amükeambuhnü akheahjihbah, tüsho küp kheak mü ju müyedo kamde nam müyede kamsho, tüsho nütlosho,

LEVI 13:2

Küyimki mihtsürü khürü pang kheak abümkhi yungsho jukrüpa yungsho areak kihba, tüsho ju pang küp kheak apham tukthsü kambanü, ju buh amükeambuh Aron yungsho atsührü amükeamrü khülang kilim bedarübah.

LEVI 13:20

amükeambuhnü akheahjihbah, tüsho ju küp alunglim sükde ngüsho tüsho nam müyedo kamsho, amükeambuhnü api mümüsüh de athabah; ju phanjakkhuh chingnü kinkhitde akhiukkhi apham tukthsü ah.

LEVI 13:4

Tüshe pang küp kheak areak ju müyesho, tüsho küp lunglim müyüzahsho, tüsho ju kheak anam mümüyesho, amükeambuhnü tukthsü kihkhi mihtsürü ju nimung thüne thsungkheak büthsüde azobah.

LEVI 13:8

Kheaküshe amükeambuhnü api kheahjihbah, tüsho ju bua lasho ju buh ju mümüsüh de athabah; ju apham tukthsü ah.

LEVI 14:37

tüsho mokri ju akheahbah. Ju ching phüyakdo yungsho mamde mokri kihbah rhü alunglim tsühde ayüzahpü lasho,

LEVI 14:54

Ha apham tukthsü thsungkheaknü yakzan; mükhüt,

LEVI 14:56

tüsho abümkhi yungsho azüngrüpkhi yungsho areak akhiukkhi,

LEVI 5:3

Mihtsürü khülangnü amümüsühkhi mihtsürü qiusho, ju tümütümü thsüthsü she qiubah mümüsühde akambe qiusho, tüsho apinü ju müyima lasho api mümüsühde akambah tüsho amülim thsübah.

HAGGAI 2:11

Wuto Atungpuhnü ha thachoh: Ha yakzan mütsanmükhipü amükeamrü ki keokhiang:

MALAKI 2:7

Tümüde amükeamrü münküpbonü mükheahmudu aheangbah, tüsho mihtsürübonü api mün chingnü yakzan yimbeah, tümüde api Wuto Atungpuh yunithsürü ah.

MATHI 16:19

Inü nü kilim yinmi kiulongthsü mükhipbebo jihbah, tüsho tümüpürü nünü alomi kheak rhükbanü yinmi ching rhükbah, tüsho tümüpürü nünü alomi kheak trünbanü yinmi ching trünbah.”

JOHAN 20:23

Nüsanü khürü ki neak bahjihsho, jurü bahjihdo; nüsanü khürü neak mübahjihsho, jurü mübahjih.”

YUNIRÜBO RHIMO 20:28

Nüsa le Amüsüh Menü nüsa aheangrü kamshihkhi namfimihnu boto tüsho api tsührü thiyih hode nihbuh yo kamkhi Thrünpuh borü kümpü kurhangang.

ROMRÜ KILIM PAULNÜ ATHRÜTKHI KIHÜM HUHTANYU 7:7

Dale tüsho isanü tümü thaba? Yakzan ju neak a de? Jude yung! Tütüshe yakzan hode yungkhülaa inü neak mümükheah-a labah. Yakzannü, “Nünü düyihnelune,” de müthakhülaa inü mümükheahpü lakheah.

1 TIMOTHI 1:20

Arü bolung mathruajipü anikhitshihpü thsüde inü amünean kilim jihkhi ju Mymenia tüsho Alexander ah.

2 TIMOTHI 3:13

mihtsürü amütsü tüsho rükmütsürü a mülapyukde tüsho mülapyukabahde amütsü chingnü amütsübe kambah.

IBRI 13:7

Nüsa ki Thrünpuh yu tharü nüsa limberübo lümkhitang; arü rhangdung ching akuk ngükhi lümakheahang, tüsho arü akin kheahkhiang.

AMIKHEAKAKHIUKKHI 2:23

tüsho inü anihbe tsührübo shika sheshihbah. Tüsho borübo alalanü lümkhi tüsho mulong yimbuh ju I ah de amükheahbah, tüsho inü nüsa aban kilim rhimobonü athülünkhi jihbah.