LEVI 13:2 - AMÜSÜH HÜM CL Bible (BSI)

² Küyimki mihtsürü khürü pang kheak abümkhi yungsho jukrüpa yungsho areak kihba, tüsho ju pang küp kheak apham tukthsü kambanü, ju buh amükeambuh Aron yungsho atsührü amükeamrü khülang kilim bedarübah.

LEVI 13:2 Iomraidhean Croise

2 SAMUEL 3:29

Amülim ju Joab ku kheak, tüsho abuh yamkhün alala kheak yükihshang; tüsho Joab yamkhün a thiyih müyeankhi yungsho aphamkhi, yungsho tso shuhpü yungsho nukshangnü ashepü yungsho khümzungpü lashang!”

2 KIULONG THSÜRÜ 5:1

Siria kiulongthsüpuh bonungrü wühkenobuh, Naaman ju mungthu mihtsürü tüsho anihbuh putungrünü wüntre jihkhi lakheah, tümütüsho api hode Atungpuhnü Siria kilim akuk ngüshih. Api athrungrü amüzhak mihtsürü thsüa lalashe, aphamrü lakheah.

2 KIULONG THSÜRÜ 5:27

Jumonü Naaman apham ju nü tüsho nü tsühsoniuso kheak lünnü ayükihbah.” Jumonü anihbuh kheak phürüm nangde müyedo apham akhiukbah api mikinü tso.

ISAIA 1:6

Jinglung chingnü, thangphülang khiungde, ju ching atsü müla, tüshe areakbo le mübo tüsho mübo thiyihkhi lah; jurübo mümüsühabah yungsho mürüm, yungsho müdangke mumujude lah.

ISAIA 3:17

Atungpuhnü Zion tsührübebo kubo müshaknü athsünüshihbah, tüsho Atungpuhnü arübo bünkeang kamshihbah.

LEVI 13:1

Atungpuhnü Mosa tüsho Aron ki tha,

LEVI 13:3

Amükeambuhnü apang küp kheak kihkhi mü ju kheahramde akheahbah; tüsho mü akhiukkhi ching anam müyedo kambahle mü ju pang küp kheaknü sükde yüzah-a lasho, ju apham tukthsü labah; küyimki amükeambuhnü kheahramde akheahbanü api mümüsüh de athabah.

LEVI 13:8

Kheaküshe amükeambuhnü api kheahjihbah, tüsho ju bua lasho ju buh ju mümüsüh de athabah; ju apham tukthsü ah.

LEVI 14:3

amükeambuhnü binpung chingnü api bebahle wungdo wukhiukbah akheahbah. Tukthsü ju thsüngua lasho,

LEVI 14:35

thüyam putungpuhnü amükeambuh ki yübah thaang, “I yam ching mokri khürü lakhi ruk ah.”

LEVI 14:56

tüsho abümkhi yungsho azüngrüpkhi yungsho areak akhiukkhi,

MALAKI 2:7

Tümüde amükeamrü münküpbonü mükheahmudu aheangbah, tüsho mihtsürübonü api mün chingnü yakzan yimbeah, tümüde api Wuto Atungpuh yunithsürü ah.

WÜHKHE 12:10

tüsho küyimki amo ju khimyam kumungnü atsokheanü, kheahang, Miriam kheak apham phürüm müyekhi nangde akhiuk. Aronnü Miriam kilim abina kheahshe alibe apham kih-a lakheah.

WÜHKHE 12:12

Nihbuh berü buk chingnü azübechoki shih thripkhüh tsüabahkhi nangde muzhobah alibe ashekhi dükamshih!”

MATHI 8:4

Tüsho Jisunü api ki tha, “Aniang, nünü she ki dütha; tüshe nü limro ching yüang, amükeamrü ki nü huhang, tüsho Mosa yukhüm yande arü ki mütsan thsüpü thsambah jihang.”

MARK 1:44

Tüsho apinü anihbuh ki tha, “Nünü she ki tümü dütha; tüshe nü limro ching yübah amükeamrü ki huhang, tüsho nü müsühkhitkhi dünkheak Mosanü thiyukhüm jihkhi nangde rhangdung-yumütsan thsüde kingaün jihang.”

LUKNÜ ATHRÜTKHI THIYUSHEAK-ATSÜ HUHTANYU 17:14

Jumonü apinü arü ngübah tha, “Yüang, nüsabo amükeamrübo ki huhang.” Junangde arü yübah müsühde kam.

LUKNÜ ATHRÜTKHI THIYUSHEAK-ATSÜ HUHTANYU 5:14

“Tüsho she ki she müthapü apinü arü ki tha; tüshe Mosanü thiyukhüm jihkhi nangde mihtsürübo ki thiyumütsan thsüpü amükeamrübo ki yübah huhang tüsho nü müsühkhitpü kingaün khülang jihang” de tha.

YUZÜNGTHALO 24:8

“Apham akhiukchoki kümkangang, junangde düshihde kheahyukang tüsho amükeamrü Levirünü nüsa ki thsangyukhi yande rhimoang; inü arübo kilim thiyukhüm jihkhi nangde, nüsanü kümkangde rhimoang.

YUZÜNGTHALO 28:27

Ijip ching lakhi phanjakkhuh, mü, müshak rangrangrurubo chingnü müthsüngukhukpü thsüde Atungpuhnü nüsa kheak thsümüchibah.