LEVI 11:45 - AMÜSÜH HÜM CL Bible (BSI)

⁴⁵ Tümüyungde I nüsa Thrünpuh thsüpü thsüde, nüsa Ijip lo chingnü bekhitbuh Atungpuh ah; jumonü nüsa müsühde laang, tümütüsho I amüsüh ah.

LEVI 11:45 Iomraidhean Croise

THRÜNTAN 17:7

Tüsho nü le nü dunglim nü tsühsoniusobo Thrünpuh thsüpü, inü I le nü tüsho nü dunglim nü tsühsoniuso lünbo dükeak akheam müla tangzüng zobah.

ABEKHIT 19:10

Judüki Atungpuhnü Mosa ki tha, “ Mihtsürübo kilim yüang tüsho khihni le shido arü tsangkhitang, tüsho arü khimmih müsühshang.

ABEKHIT 19:6

Tüsho nüsa ju I kilim amükeamrü kiulongthsü tüsho amüsüh trükshih khülang thsübah. Harü yubo ha nünü Israelrü ki thaang.”

ABEKHIT 20:2

“I nüsa Ijip lomi, azhorü yamkhün chingnü abekhitbuh Atungpuh nüsa Thrünpuh ah.

ABEKHIT 22:30

Nünü nü moshipungbo tüsho namfimihnubo she ju ruk thsang. Abe lung nimung thüne labah; atizheah nipü nünü I kilim jihang.

ABEKHIT 6:7

tüsho inü I mihtsürü thsüpü nüsa lubah, tüsho I ju nüsa Thrünpuh thsübah; I ju Ijip azhorü kuhi chingnü nüsa bekhitbuh Atungpuh nüsa Thrünpuh ah de nüsanü amükheahbah.

HOSEA 11:1

Küyimki Israel azürü lakhea, inü api muzhokheah, tüsho I tsührü nangde Ijip chingnü jikhit.

LEVI 11:44

Tümüyungde I Atungpuh nüsa Thrünpuh ah; jumonü nüsabo müsühkhitang, tüsho müsühde laang, tümütüsho I amüsüh ah. Alo kheak abüde atsahbe lorilokobo dünkheaknü müneana dulu.

LEVI 11:46

Jumonü, ha rhangdung lakhi shiwühbo tüsho wuhnubo, ke ching labe alala, tüsho alo kheak tsahbe alala dünkheaknü yakzan ah.

LEVI 19:2

Israel trükbo ki thaang: Nüsa müsühde laang, tümüde I Atungpuh nüsa Thrünpuh amüsüh ah.

LEVI 19:36

Sangkhik dükde, wuh-a adünbe dükde, keluh tüsho adünarabebo nüsanü dükde ahoribeah: I nüsa Ijip lomi chingnü bede akhiukbuh Atungpuh nüsa Thrünpuh ah.

LEVI 20:7

Jumonü nüsa müsühkhitang, tüsho müsühde laang; tümüde I Atungpuh nüsa Thrünpuh ah.

LEVI 22:33

tüsho I nüsa Thrünpuh thsüpü thsüde inü nüsa Ijip lomi chingnü bekhit: I Atungpuh ah.

LEVI 25:38

I Atungpuh nüsa Thrünpuhnü nüsa kilim Kanan lo jihpü tüsho nüsa Thrünpuh thsüshihpü nüsa Ijip lomi chingnü bekhit.

LEVI 26:45

Tüshe arü ki inü arü jipürü kheak tangzüngkhi lümkhitbah, arübo inü trükshih miki Ijip chingnü I arü Thrünpuh thsüpü bekhit: I Atungpuh ah.

WÜHKHE 15:40

tüsho I yukhümbo lümkhitde arhimobah, tüsho nüsa Thrünpuh kilim müsühde alabah,

1 TESALONIKA 4:7

Tümüde Thrünpuhnü mümüsühde alapü yungde amüsüh ching lapü isa jikheah.

JIHUSUA 24:19

Tüshe Jihusuanü mihtsürübo ki tha, “Nüsanü Atungpuh mütankihkhukpü labah tümüde api amüsüh Thrünpuh, api mükthsü Thrünpuh; nüsanü alakmihkhi yungsho neakbo apinü mübahjih.

1 PETER 1:16

tümütüsho ha thrüta lah, “Nüsa amüsüh labeah, tümüde I amüsüh ah.”

1 SAMUEL 2:2

“Atungpuh nangde sheshe Amüsüh müla, nü hobah sheshe müla; isa Thrünpuh nangde sheshe Lung müla.

1 SAMUEL 6:20

Judüki Beth-shemesh mihtsürübonü tha, “Shepünü ha amüsüh Thrünpuh, Atungpuh müngüh zhipkhukba? Ha chingnü sangdan she kilim yüshihba?”