LEVI 11:44 - AMÜSÜH HÜM CL Bible (BSI)

⁴⁴ Tümüyungde I Atungpuh nüsa Thrünpuh ah; jumonü nüsabo müsühkhitang, tüsho müsühde laang, tümütüsho I amüsüh ah. Alo kheak abüde atsahbe lorilokobo dünkheaknü müneana dulu.

LEVI 11:44 Iomraidhean Croise

MUNGSHIKHÜN 99:5

Atungpuh isa Thrünpuh shuhkihang, tüsho api müphü-dubopung ki kingaünang, tümüde api amüsüh ah.

MUNGSHIKHÜN 99:9

Atungpuh isa Thrünpuh shuhkihang, tüsho api amüsüh wung kheak kingaünang; tümüde Atungpuh isa Thrünpuh ju amüsüh ah.

ABEKHIT 16:12

“Israelrünü dapdapneangneangkhi inü sodo. Arü ki asukang, ‘Shuhyini ching nüsanü shih tsühbah, tüsho yapsu yikhapnü nüsa bukthsübah. Tüsho I Atungpuh nüsa Thrünpuh ah de nüsanü amükheahbah.’ ”

ABEKHIT 19:10

Judüki Atungpuhnü Mosa ki tha, “ Mihtsürübo kilim yüang tüsho khihni le shido arü tsangkhitang, tüsho arü khimmih müsühshang.

ABEKHIT 19:6

Tüsho nüsa ju I kilim amükeamrü kiulongthsü tüsho amüsüh trükshih khülang thsübah. Harü yubo ha nünü Israelrü ki thaang.”

ABEKHIT 20:2

“I nüsa Ijip lomi, azhorü yamkhün chingnü abekhitbuh Atungpuh nüsa Thrünpuh ah.

ABEKHIT 22:30

Nünü nü moshipungbo tüsho namfimihnubo she ju ruk thsang. Abe lung nimung thüne labah; atizheah nipü nünü I kilim jihang.

ABEKHIT 22:31

“Tüsho nü I mihtsürü amüsüh labah: nünü thulu ching arishiwühnü anguhsahkhi shih tümü dütsüh; nünü ju khihnu kilim jipa bahang.

ABEKHIT 23:25

Junangde nüsanü Atungpuh nüsa Thrünpuh tankihbah, tüsho apinü nüsa yikhap tüsho ke müngühjihbah. Tüsho inü nüsa bolungnü tukthsüdukram lude atsobah.

ABEKHIT 6:7

tüsho inü I mihtsürü thsüpü nüsa lubah, tüsho I ju nüsa Thrünpuh thsübah; I ju Ijip azhorü kuhi chingnü nüsa bekhitbuh Atungpuh nüsa Thrünpuh ah de nüsanü amükheahbah.

ISAIA 43:3

Tümüde I Atungpuh nü Thrünpuh, Amüsüh Israel Thrünpuh, nü Khümkhitbuh. Inü nü rhokhitpü Ijip, nü müthri Ethiopia tüsho Seba jihchoh.

ISAIA 51:15

Tümüde I Atungpuh nü Thrünpuh, shepünü keto chamnakcho, junangde ahukde abükcho– Wuto Atungpuh ju api mung lah.

LEVI 10:3

Jumonü Mosanü Aron ki tha, “Atungpuhnü athakhi ju ha: I phünide arürü abannü I müsühkhitkhi kheak wüntre jihbeah; tüsho mihtsürübo alala ki I müretahshihbeah.” Tüshe Aronnü düsheak makhiukde la.

LEVI 11:43

Abüde atsahbe lorilokobo hode nüsa zangrü athraneanbe dükam; nüsanü harü hode zangrü müneana lude mümüsühkhi dükam.

LEVI 18:2

Israelrü mihtsürübo ki thaang, I Atungpuh nüsa Thrünpuh.

LEVI 19:10

Nüsa kurungasolu ching lumüdümkhi yungsho ayokhikhi mopü düyülo; jurübo zhochihrü mihtsürübo tüsho khiungkerübo khilim zojang. I Atungpuh nüsa Thrünpuh.

LEVI 19:2

Israel trükbo ki thaang: Nüsa müsühde laang, tümüde I Atungpuh nüsa Thrünpuh amüsüh ah.

LEVI 19:3

Nüsa mihbüm abannü berü tüsho buhrü wüntreang, tüsho I yukhüm yande amuni mungbeah. I Atungpuh nüsa Thrünpuh.

LEVI 19:4

Sangthsübo kilim dürholo yungsho nüsa thsungkheak düthsü: I Atungpuh nüsa Thrünpuh.

LEVI 20:26

Tüsho nüsa I kilim amüsüh, tümüde I Atungpuh amüsüh, tüsho nüsa I yo kamshihpü thsüde inü nüsa püpürü trükshih bolungnü bemuwuh.

LEVI 20:7

Jumonü nüsa müsühkhitang, tüsho müsühde laang; tümüde I Atungpuh nüsa Thrünpuh ah.

LEVI 21:8

Jumonü arübo amüsüh ah de khejang, tümüde arünü nüsa Thrünpuh tsühyungpü jihchoh; arübo nüsa kilim amüsüh labah, tümüde I Atungpuh ; I nü müsühkhitjihbuh, amüsüh ah.

AMOS 3:3

Mümüyüpachihde mahne rukhüh tsahcho de?

WÜHKHE 15:40

tüsho I yukhümbo lümkhitde arhimobah, tüsho nüsa Thrünpuh kilim müsühde alabah,

MATHI 5:48

Jumonü yinmi ching nüsa Abuh khiukdahkhi nangde nüsa khiukdahde laang.

YUZÜNGTHALO 14:2

Tümüde Atungpuh nüsa Thrünpuh kilim nüsa amüsüh mihtsürü ah, tüsho alomi mihtsürü alala kurungkheak lakhit atsübe Atungpuhnü api thsungkheak nüsa mokhit.

1 TESALONIKA 4:7

Tümüde Thrünpuhnü mümüsühde alapü yungde amüsüh ching lapü isa jikheah.

JIHUSUA 24:19

Tüshe Jihusuanü mihtsürübo ki tha, “Nüsanü Atungpuh mütankihkhukpü labah tümüde api amüsüh Thrünpuh, api mükthsü Thrünpuh; nüsanü alakmihkhi yungsho neakbo apinü mübahjih.

1 PETER 2:9

Tüshe nüsa amokhitkhi trük, kiulongthsü amükeamrü, amüsüh trükshih, Thrünpuh mihtsürü, junangde amiting chingnü nüsa amüyinsahbe ayin ching jikhitkhi amüyinsahbe api rhimobo nüsanü akhipkhitbah.

AMIKHEAKAKHIUKKHI 22:11

Amütsü rhimorünü judü lang amütsü rhimoshang, tüsho amüneanrünü müneanshang, thiyuro-lungkirünü alim rhimoang, tüsho amüsührünü müsühde laang.”

1 SAMUEL 2:2

“Atungpuh nangde sheshe Amüsüh müla, nü hobah sheshe müla; isa Thrünpuh nangde sheshe Lung müla.

1 SAMUEL 6:20

Judüki Beth-shemesh mihtsürübonü tha, “Shepünü ha amüsüh Thrünpuh, Atungpuh müngüh zhipkhukba? Ha chingnü sangdan she kilim yüshihba?”