LEVI 11:40 - AMÜSÜH HÜM CL Bible (BSI)

⁴⁰ tüsho khürünü ashekhi shih ju tsühsho, apinü akhimmih müsühbeah, tüshe api arelim khiungde mümüsüh; khürünü ashemi hansho khimmih müsühabahbeah, tüshe api arelim khiungde mümüsühkhi labah.

LEVI 11:40 Iomraidhean Croise

ABEKHIT 22:31

“Tüsho nü I mihtsürü amüsüh labah: nünü thulu ching arishiwühnü anguhsahkhi shih tümü dütsüh; nünü ju khihnu kilim jipa bahang.

ISAIA 1:16

Nüsa müsühang; nüsa müsühde kamang; nüsanü amütsü rhimokhibo I mük kinü yihkhita bahang; amütsü rhimo arün thsang,

EZEKIEL 36:25

Inü nü kheak ke amüsüh rhakkihbah, tüsho mümüsühkhibo chingnü nü müsühbah, tüsho nü sangthsübo alala chingnü inü nü müsühbah.

EZEKIEL 4:14

Judüki inü tha, “Jude yung, Wuto Atungpuh ! Inü küyimkishe I müneana mükheah. I athunu kinü kheakü khiungde inü küyimkishe ashekhi yungsho mütüm shiwühbonü athonakkhi mütsühakheah. Mümüsühkhi shih tümü she I mün ching yüzah-a mükheah.”

EZEKIEL 44:31

Wuhnu yungsho shiwüh, akeangnü ashekhi yungsho shiwühbonü anguhsahkhi amükeamrübonü mütsüh.

LEVI 11:25

Tüsho sherünü jurü ashemibo khürü lang she ahanbanü apinü nihbuh khimmih müsühbah tüsho arelim khiungde mümüsühkhi labah.

LEVI 11:28

tüsho shepünü ashemi ju ahanbanü akhimmih müsühbah tüsho arelim khiungde mümüsühkhi labah, jurübo nüsa thsungkheaknü mümüsüh.

LEVI 11:39

Nüsanü atsühbe shiwüh khürü shebahle, khürünü ashemi qiusho arelim khiungde mümüsühde akambah,

LEVI 14:46

Khürükhüh thüyam rihdoa lachoki yüzahsho api arelim khiungde mümüsühkhi labah.

LEVI 15:15

Amükeambuhnü khülang neak kingaün jihbah tüsho püpü ju taka kingaünbah. Hanangde apinü amüyeanbuh müsühkhitpü Atungpuh miki dünthsükhibah.

LEVI 15:27

Shepünü jurü qiubanü mümüsüh tüsho khimmih müsühbeah tüsho ke müyihbeah, tüsho api arelim khiungde mümüsühkhi labah.

LEVI 16:26

Tüsho Azazel kilim mihnu dükhea yüshihbuhnü akhimmih müsühbah tüsho pang müyihbah, jushu lang api binpung ching azahlopü kuklah.

LEVI 16:28

Shepünü jurü takbanü akhimmihbo müsühbah tüsho kemüyihabahbah, jushu lang api binpung ching azahlopü kuklah.

LEVI 22:6

Shepünü hadürü kukruk qiubanü api arelim khiungde mümüsühkhi labah tüsho api pang kenü müyihamübahsho amüsüh kingaünkhi apinü mütsüh.

LEVI 22:8

Apinü shiwüh akeangnü ashekhi yungsho mütüm shiwühnü anguhsahkhi shih tümü she mütsüh; junü api müneanjihbah: I Atungpuh ah.

ZEKARIA 13:1

Ju nimung David yamkhün tüsho Jirusalem ching larü thsungkheak arü neak tüsho mümüsühkhi chingnü arü müsühkhitpü kenü khülang yahshungbah.

WÜHKHE 19:19

Amüsüh mihtsürü junü amüneankhi kheak nimung mahsam tüsho nimung thüne nipü ching rhakkihbah; tüsho nimung thüne nipü ching api müsühkhitbah, khimmih müsühbah tüsho kemüyihbah, tüsho arelim api amüsüh labah.

1 KORINT 10:21

Nüsanü Atungpuh pung tüsho arimri pung muyungkhuk. Nüsanü Atungpuh tüsho arimribo dükhüm kheak müyimtsühkhuk.

1 KORINT 6:11

Tüsho hadürü nüsa khürü lakheah. Tüshe Atungpuh Jisu Khrista tüsho isa Thrünpuh Me mung chingnü nüsa müsüh, tsangkhit tüsho alim kamshih.

YUZÜNGTHALO 14:21

Nüsanü tümükhüh akeangnü ashekhi dütsüh; nüsanü ju nüsa kiuto ching lakhi hanrü ki jihpü kuklah, junangde apinü ju tsühbah, yungsho nüsanü ju khiungkerü ki yinjang; tümüde nüsa ju Atungpuh nüsa Thrünpuh kilim amüsüh mihtsürü ah. Nüsanü mihnu nunu abe niuhke ching dükhiung.

1 JOHAN 1:7

tüshe api ayin ching lakhi nangde isanü ayin ching tsahsho, isanü khülangnü khülang ki arihako lah, tüsho api tsührü Jisu thiyihnü neak alala chingnü isa müsühjihchoh.