LEVI 11:39 - AMÜSÜH HÜM CL Bible (BSI)

³⁹ Nüsanü atsühbe shiwüh khürü shebahle, khürünü ashemi qiusho arelim khiungde mümüsühde akambah,

LEVI 11:39 Iomraidhean Croise

EZEKIEL 4:14

Judüki inü tha, “Jude yung, Wuto Atungpuh ! Inü küyimkishe I müneana mükheah. I athunu kinü kheakü khiungde inü küyimkishe ashekhi yungsho mütüm shiwühbonü athonakkhi mütsühakheah. Mümüsühkhi shih tümü she I mün ching yüzah-a mükheah.”

LEVI 11:24

Tüsho hade athsükhinü nüsa mümüsühde akambah; sherünü loriloko ashemibo qiubanü arelim khiungde mümüsüh.

LEVI 11:28

tüsho shepünü ashemi ju ahanbanü akhimmih müsühbah tüsho arelim khiungde mümüsühkhi labah, jurübo nüsa thsungkheaknü mümüsüh.

LEVI 11:31

Loriloko alala bolungnü harü nüsa thsungkheaknü mümüsüh; sherünü jurü ashemi kheak qiubanü arelim khiungde mümüsüh.

LEVI 11:38

tüshe kenü müjih kheak pangsho tüsho ashemi ju kheak keamsho, müjih ju mümüsüh.

LEVI 11:40

tüsho khürünü ashekhi shih ju tsühsho, apinü akhimmih müsühbeah, tüshe api arelim khiungde mümüsüh; khürünü ashemi hansho khimmih müsühabahbeah, tüshe api arelim khiungde mümüsühkhi labah.

LEVI 14:46

Khürükhüh thüyam rihdoa lachoki yüzahsho api arelim khiungde mümüsühkhi labah.

LEVI 15:15

Amükeambuhnü khülang neak kingaün jihbah tüsho püpü ju taka kingaünbah. Hanangde apinü amüyeanbuh müsühkhitpü Atungpuh miki dünthsükhibah.

LEVI 15:5

Tüsho shepünü ju buh yapkiu qiubanü nihbuh khimmih müsühbah, kemüyihbah tüsho arelim khiungde mümüsühkhi labah.

LEVI 15:7

Shepünü amüyeanbuh pang kheak qiubanü nihbuh khimmih müsühbah tüsho kemüyihbah, tüsho api arelim khiungde mümüsühkhi labah.

LEVI 16:26

Tüsho Azazel kilim mihnu dükhea yüshihbuhnü akhimmih müsühbah tüsho pang müyihbah, jushu lang api binpung ching azahlopü kuklah.

LEVI 17:15

Mihtsürü khürü, Israel yungsho khiungkerü thsüthsü akeangnü ashekhi shiwüh yungsho mütüm shiwühnü anguhsahkhi shih shepünü atsühbanü akhimmih müsühbeah, kemüyihbeah tüsho api arelim khiungde mümüsühkhi labah, tüsho api amüsüh kambah.

LEVI 22:4

Aron tsührü-tsührü bolung apham yungsho pang chingnü amüyeanrü shenü she nihbuh mümüsühkhityi khiungde amüsüh kingaünkhi mütsüh. Shepünü ashemi yungsho ke müyeanrü kheak qiubanü mümüsüh,

LEVI 22:6

Shepünü hadürü kukruk qiubanü api arelim khiungde mümüsühkhi labah tüsho api pang kenü müyihamübahsho amüsüh kingaünkhi apinü mütsüh.

LEVI 22:8

Apinü shiwüh akeangnü ashekhi yungsho mütüm shiwühnü anguhsahkhi shih tümü she mütsüh; junü api müneanjihbah: I Atungpuh ah.

WÜHKHE 19:11

Shepünü ashemi kheak qiubanü api nimung thüne mümüsühkhi labah.

WÜHKHE 19:16

Sherübonü thulu ching thsühnuknü alaksahkhi khürü yungsho mihtsürü ro, yungsho kiuyuk qiubanü nimung thüne mümüsühkhi labah.

WÜHKHE 19:7

Jushu amükeambuhnü nihbuh khimmih müsühbah tüsho kemüyihbah, tüsho anükhüh labah api binkheampung ching arübah; amükeambuh ju arelim khiungde mümüsühkhi labah.