LEVI 10:9 - AMÜSÜH HÜM CL Bible (BSI)

⁹ “ Nü tüsho nü tsührübonü yukhu yungsho püpü amüshangbe yungbah I shorupung khimyam ching düyüzah; jude thsüsho, nüsa ashebah. Ha nüsa lün alala ching yakzan khülang labah.

LEVI 10:9 Iomraidhean Croise

ABEKHIT 27:21

Ashorupung khimyam, zhindokhim wungdo lim tangzüng sangdan miki, Aron tüsho api tsührübonü arenü yapsu khiungde Atungpuh miki tsünpung takanua zobah. Ha Israelrü thsung thsüde arü lünkhe amuyung yakzan thsükhi labah.

MÜCHITMUDU 20:1

Yukhu ju luhmüne, amüshangbe ju arhungangüm, tüsho shepü hadürünü bephülapde tsochonü lümlung larü yung.

ISAIA 28:7

Harü she yukhunü amülim kamdo tüsho phapkenü ayingyingshihkhi lah; amükeamrü tüsho wukihrü phapkenü amülim kamchoh, arü yukhunü yingyingabahdo, arü phapkenü yingyingshihchoh; arünü michih ching lakmihchoh, arünü mahkhapkhi ching jing mükhechoh.

EZEKIEL 44:21

Amükeamrünü khikzhakpung alungbe ching yüzahchoki yukhu muyung.

HOSEA 4:11

Müzammüram, yukhu, tüsho yukhu asonü anikhitkhi lude tsodo.

LEVI 10:8

Atungpuhnü Aron ki tha,

LEVI 3:17

Ha nüsa lünbo, nüsa lapung alala ching kamruhroro yakzan labah; nüsanü amüdang yungsho athiyih mütsühbeah.

WÜHKHE 6:20

tüsho amükeambuhnü jurü Atungpuh ki müleamde kingaünbah; mihnupung khüh tüsho apho ju amükeambuh thsungkheaknü amüsüh kingaün, yakzan yande ju amükeambuh yo thsübah. Jushu, Naziritbuhnü yukhu yungpü kuklah.

WÜHKHE 6:3

apinü yukhu tüsho phapke chingnü achamkhibeah; apinü yukhu tüsho püpü phapke chingnü athsükhi muyung, tüsho kurungaso ke muyung yungsho kurungaso aphüyak yungsho akungkhi mütsüh.

LUKNÜ ATHRÜTKHI THIYUSHEAK-ATSÜ HUHTANYU 1:15

Tümüde api ju Atungpuh miki ato labah, tüsho yukhu yungsho amüshangbe muyung. Api ju abe nuyam chingnü Amüsüh Menü mide alabah.

EFISIA 5:18

Tüsho yukhunü dümüshang, tümüde ju athsümünimbe lah; tüshe Menü mishang.

1 TIMOTHI 3:3

amüshangrü, yungsho asungsungrü yung tüshe azhihayihde, murukachihde, tüsho sho mümuzhorü thsübeah.

1 TIMOTHI 3:8

Junangde tankihrübo ju yakli atsü tüsho kurhangrü thsübeah; mulo mahne, yukhu yungrü, yungsho sho muzhorü müthsübeah;

1 TIMOTHI 5:23

Kheakü ke müthsün düyung, tüshe nü buk mütsükhi tüsho kheakü kheakü tukthsükhi hode kurungaso ke anüknük yungang.

TITA 1:7

Tümüde borü limberü ju Thrünpuh rhimo atoathüprü a le, areak mükihde alabeah; api ju bukmüke yungsho asungsung yungsho amüshangrü yungsho athsümünim yungsho alü thsüpü bukmükhüt mülabeah,