LEVI 10:6 - AMÜSÜH HÜM CL Bible (BSI)

⁶ Tüsho Mosanü Aron le atsührüne Eleazar tüsho Ithamar ki tha, “ Nüsa mulong rozhaklah de akheahkhitshihpü thsüde nüsa ku düdukiu, tüsho khimmih dürukrüp, jude thsüsho nüsa ashebah tüsho Atungpuh bukakhiukkhi boto alala kheak yükihbah. Tüshe nü keoniorü tüsho Israelrü yamkhün alalanü, Atungpuhnü monü ataksahshihkhi dünkheak mulong rozhakpü kuklah.

LEVI 10:6 Iomraidhean Croise

2 SAMUEL 24:1

Kheaküshe Israel kheak Atungpuhnü bukakhiuk, tüsho apinü arü azhihde David ki ajuhde tha, “Yüang, Israel tüsho Juda mihtsürü kheang.”

EZRA 7:5

Abishua tsührü, Phinehas tsührü, Eleazar tsührü, Aron amükeambuh tsührü lakheah.

ABEKHIT 33:5

Tümüde Atungpuhnü Mosa ki tha, Israelrü ki thaang, “Nüsa anihnih mihtsürü ah. I nüsa lung anükhüh kheak lang she yükhülaa, inü nüsa shahde adükheakshihbah. Kheakü nüsa zülubo yihkhitang, tüsho nüsa kheak tümü rhimobanü inü apungkhibah.”

ABEKHIT 6:23

Aronnü Amminadab tsührü tüsho Nashon niurü Elisheba aniube thsüpü lu; tüsho alibenü api kilim Nadab, Abihu, Eleazar tüsho Ithmar zübejih.

JEREMIA 7:29

Nüsa ku hüta bahang; awungbo kheak tüzhoang, tümüde api bukakhiukshihkhi lün Atungpuhnü bahyukdo tüsho mihabahdo.

LEVI 13:45

Mihtsürü shepü apham tukthsü kihbanü khim arukthünakkhi phuyubah, tüsho kuyü mushude mün hümbahle zhiang, “ Mümüsüh, mümüsüh!”

MIKA 1:16

Nüsanü asühkhi tsührübo thsungkheak tüzhode kuyü hütang; nüsanü müleangtopü nangde rakrak hütang tümüde arübo nüsa kheaknü ramtso ching yüdo.

WÜHKHE 1:53

tüshe Levirübo a kingaün yam neakde ju mühi arü binkheampungbo thsübah, junangde shenü phünide marü tüsho Israelrü kheak shikpü I bukmakhiukshih.”

WÜHKHE 14:6

Tüsho Nun tsührü Jihusua tüsho Jephunne tsührü Kaleb, lomi zütakheah lung benenü khimmih thorüp,

WÜHKHE 16:22

Tüsho anenü mi zhinbahle tha, “O Thrünpuh mihtsürü me alala Thrünpuh, mihtsürü khülang neak dün, boto alala kheak nü bukakhiukba de?”

WÜHKHE 18:5

Tüsho Israel mihtsürü kheak bukakhiukkhi mülaloshihpü thsüde nünü arüngyam tüsho kingaün sadam hahmülang rhimo alala thsang.

WÜHKHE 20:25

Aron tüsho atsührü Eleazar bebahle Hor wung ching atuang;

WÜHKHE 5:18

Tüsho amükeambuhnü alibe ku lokhijihbah Atungpuh miki zhipshihbah, tüsho alümkhitbe kingaün anihbe khah ching yukjihbah, ju mükthsükhi dünkheak hi kingaün. Tüsho amükeambuhnü akhah ching muthrumünean handarübe ke akhüh shuhbah.

YUZÜNGTHALO 33:9

shepünü abuh tüsho abe ki, ‘Inü arü mümükheah’ de athakhea; apinü akhiung bahyuk tüsho atsührübo mümükheahde kam. Tümüde arünü nü yu ani tüsho nü ki tangzüngkhi zo.

JIHUSUA 22:18

Kheakü nüsanü api yanpü thsungloba de? khihni nüsanü Atungpuh azhihsho, apinü shido Israel boto alala kheak bukakhiukbah.

JIHUSUA 22:20

Zera tsührü Akhan nü muthrua bahkhi kukruk lukhi dünkheaknü Israel trük alala thsümüchi ngükhi yung de? Anihbuh neak dünkheaknü api lang ashekhi yung.”

JIHUSUA 7:1

Jirikho chingnü tümükhüh lang she lusho asheshihbah de Atungpuhnü thiyukhüm jihkhi ju Israelrü bolung Akhannü mani, jumonü Atungpuhnü Israelrü kheak bukakhiuk. (Akhan ju Judarü Zabdi tsührü Karmi tsührü tüsho Zera guk chingnü alakheah.)

JIHUSUA 7:11

Israelnü neak yihbeakdo! Inü arü ki thiyuchihchimkhi arünü thsümünimdo; arünü muthrumüneankhi kukruk khürü lua lah, tüshe ju ahüh-a, müyimde nihbuh kukruk ching yukdo.