LEVI 10:11 - AMÜSÜH HÜM CL Bible (BSI)

¹¹ tüsho Mosa hode Atungpuhnü arü kilim yakzanbo jihkhi nüsanü Israelrü ki huhang.”

LEVI 10:11 Iomraidhean Croise

2 KIUTHSÜYUKHEAN 15:3

Kim ashangkhüh Israel a thiyuro Thrünpuh mübede, thsangyurü amükeamrü mübede, tüsho yakzan mübede alakheah;

2 KIUTHSÜYUKHEAN 17:9

Arünü arü lung Atungpuh yakzan hüm shuhbah Juda kiutobo alala ching yü tüsho mihtsürübo ki thsangyu.

2 KIUTHSÜYUKHEAN 30:22

Hezekianü Atungpuh tankihkhi ju anikhitkhi atsü huhrü Levirü alala ki mulong toshihde asuk. Jumonü mihtsürübonü Atungpuh arü jipürü Thrünpuh kilim mungtsü kingaün tüsho makshe jihde nimung thüne thünio jimpung tsüh.

NEHEMIA 8:2

Jumonü Ezranü khinu thüne atan nipü amukhungrü miki hande arü– athrürübo, aliberübo, tüsho azürü alalanü tsüde anikhit.

NEHEMIA 8:8

Mihtsürübonü anikhitpü thsüde arünü Thrünpuh yakzan ju yihphülapde thathünaka huh.

JEREMIA 18:18

Judüki arünü tha, “Arang, isanü Jeremia azhihde rhimoanü tümüde amükeamrü kilimnü thsangdan yungsho lümlung larü kilimnü lümthiyan, yungsho wukihrü kilimnü thiyu müdükheak. Arang, isanü api azhihde athabebo handaranü, tüsho isanü api yu tümü she maninü.”

JEREMIA 2:8

“Atungpuh küching la?” de amükeamrübonü mütha. Yakzanshuhrübonü I mümükheah; Yakzanshuhrübonü I azhihde lakmih; wukihrübonü Baal hode müchit, tüsho alü mülakhi kukruk dunglim yü.

MALAKI 2:7

Tümüde amükeamrü münküpbonü mükheahmudu aheangbah, tüsho mihtsürübonü api mün chingnü yakzan yimbeah, tümüde api Wuto Atungpuh yunithsürü ah.

MATHI 28:20

inü nüsa ki thiyukhüm jihkhi alala anipü arü ki thsangyuang; tüsho kheahang, I nüsa lung kamruhroro, lün akheam khiungde alabah.”

YUNIRÜBO RHIMO 20:27

tümüde inü nüsa ki Thrünpuh lümkhi alala zhiyukpü müdukiuhlo.

YUZÜNGTHALO 17:10

Atungpuhnü amokhitkhi dangpung ching arünü nü ki mütsande athakhi yande nünü kümkangde rhimoang.

YUZÜNGTHALO 17:11

Arünü yakzan yu mütsande nüsa ki thsangyukhi tüsho mahkhapkhi yande nüsanü rhimoang; nüsanü tsülim yungsho huzulim anguhde nüsa ki thakhi kheaknü dütso.

YUZÜNGTHALO 24:8

“Apham akhiukchoki kümkangang, junangde düshihde kheahyukang tüsho amükeamrü Levirünü nüsa ki thsangyukhi yande rhimoang; inü arübo kilim thiyukhüm jihkhi nangde, nüsanü kümkangde rhimoang.

YUZÜNGTHALO 33:10

Arünü Jakob ki nü yuzüngbo tüsho Israel ki nü yakzan thsangyubah; arünü nü miki arhümthüneabe yukbah, tüsho nü kingaün sadam kheak taka kingaünbah.

1 TESALONIKA 4:2

Tümüde Atungpuh Jisu hode isanü nüsa kilim thsangdankhi tümü jihkheanü nüsanü mükheahlah.