LEVI 10:1 - AMÜSÜH HÜM CL Bible (BSI)

¹ Aron tsührübo Nadab tüsho Abihu, ane abande mophuru lua mo takkihbahle rhümthüneabe yuk, tüsho ju Atungpuh kilim jih. Tüshe mo ju mümüsühkhi lakheah, tümüde Atungpuhnü ane ki ju jihshihpü thiyukhüm müjih.

LEVI 10:1 Iomraidhean Croise

1 KIULONG THSÜRÜ 18:38

Judüki Atungpuh mo aki tüsho taka kingaünkhi sang, lung, asungthulung aniuabah, tüsho wungkeru kiukhi ching ke she kungabahshih.

MUNGSHIKHÜN 141:2

Nü miki I tamkhüntamnü ju rhümthüneabe nangde, I khah shuhkihkhi ju arelim tamkhüntamnü nangde lashang.

ABEKHIT 24:1

Atungpuhnü Mosa ki tha, “Nü le Aron, Nadab le Abihu, tüsho Israel azothsürü 70 I kilim atuang tüsho limshu chingnü kingaünang.

ABEKHIT 24:9

Judüki Mosa, Aron, Nadab, Abihu, tüsho Israel azothsürü 70 wutu,

ABEKHIT 27:3

Awah wupü keangkihphüh tüsho mokhih müjipbe, müsühmüra-phuru, tsapdüthreang tüsho mophühbo thsang; phühlung alala müwayinchinü thsang.

ABEKHIT 28:1

“Kheakü nü khiung Aron tüsho api tsührübo Nadab, Abihu, Eleazar tüsho Ithamar I ki amükeamrü thsüde tankihpü Israelrü bolungnü bede arang.

ABEKHIT 31:11

tüsho amüsüh dangpung thsungkheak mujude-mokhitbe müdangke tüsho jinjinlak. Inü nü ki thiyukhüm jihkhi nangde arünü jurü thsübah.”

ABEKHIT 37:29

Apinü thüneabe nangde düsahde mujude-müsühkhitbe müdangke amüsüh tüsho thüneabebonü jinjinlak müthsün thsü.

ABEKHIT 38:3

Apinü kingaün sadam phühlung alala thsü: keangkihphüh, mokhihmüjipbe, müsühmüra-phuru, tsapdüthreang tüsho mophühbo thsü; phühlung alala müwayinchinü thsü.

ABEKHIT 40:27

tüsho Atungpuhnü thiyukhüm jihkhi nangde apinü ju kheak rhümthüneabe tak.

ABEKHIT 6:23

Aronnü Amminadab tsührü tüsho Nashon niurü Elisheba aniube thsüpü lu; tüsho alibenü api kilim Nadab, Abihu, Eleazar tüsho Ithmar zübejih.

ABEKHIT 8:27

Isanü nimung mahsam limtsahde sunglo ching yüanü tüsho apinü isa ki thiyukhüm jihkhi yande Atungpuh isa Thrünpuh kilim laksah-a kingaünanü.”

JEREMIA 19:5

tüsho arünü arü tsührübo Baal kilim taka kingaünpü Baal thsungkheak awung achang dangpungbo thsü, küpünü thiyukhüm müjih yungsho yakzan müthsü, yungsho I lüm ching müzahkhi la.

JEREMIA 32:35

Inü arü ki thiyukhüm müjihjih she, yungsho Juda neak yihbeakshihpü arünü ha athraneanbe rhimopü I lüm ching mülalashe arü tsührübo tüsho tsührübebo Molek kilim jihpü arünü Hinnom Tsührü Jindükhün ching Baal achang dangpungbo thsü.

JEREMIA 44:15

Judüki arü niuberübonü püpürü thrünpuhbo kilim rhümthüneabe takchoh de mükheahrü, athrürü alala, tüsho amukhungrü ato miki zhiprü aliberübo alala, Ijip lomi Pathros ching larü mihtsürü alalanü Jeremia ki alo:

JEREMIA 44:8

Tümüde nüsa lapü arükhi Ijip ching nüsa khahnü arhimokhi püpürü thrünpuhbo ki kingaünkhinü I bukakhiukshihcho? Nüsa thsümünimba de tüsho lomi trükshih alala bolung muthrumünean tüsho münedung kamba de?

JEREMIA 7:31

Tüsho arünü Hinnom Tsührü Jindükhün ching Topheth de alakhi achang dangpungbo arü tsührübo mo ching takpü thsüchoh–küpü inü arü ki thiyukhüm müjihkhea, yungsho I lüm ching marükhi la.

LEVI 16:1

Aron tsührü athrürü mahnenü mümüsühkhi mo kingaünkhi hode ane Atungpuhnü asheshihshu Atungpuhnü Mosa ki tha;

LEVI 16:12

apinü Atungpuh miki kingaün sadam kheaknü mo takpung ching mokhih zahde alubah tüsho tsüde anitkhi rhümthüneabe müyikhüh lubah Amüsüh Dangpung ki arübah.

LEVI 22:9

Amükeamrü alalanü inü ajihkhi yuzüngbo anibah. Jude müthsüsho arübonü ju müneankhinü neak yihbeakbah tüsho ashebah: I Atungpuhnü arü müsühkhit.

LEVI 9:24

Atungpuh kilimnü mo akhiuk tüsho kingaünpung kheak lakhi taka kingaünkhi tüsho müdangmurubo aniuabah. Küyimki mihtsürübonü ju ngükhea, arü alalanü zhi tüsho arü miro mükhümabah.

WÜHKHE 16:46

Jumonü Mosanü Aron ki tha, “ Mophuru khülang kingaün sadam kheaknü lubah ju ching mo tüsho arhümthüneabe yukang tüsho ju nahde lubahle boto kilim yübah arü thsungkheak dünthsükhiang; tümüde bukakhiukkhi Atungpuh kheaknü wukhiukdo. Arüm tankihabahdo.”

WÜHKHE 26:61

Tüsho Nadab le Abihu ane Atungpuh miki mümülükhi mo jihchoki sheabah.

WÜHKHE 4:18

Kohath guk trükbo Levirü lungnü düsheabahshih;

YUZÜNGTHALO 12:32

Inü tümüpürü nüsa ki thiyukhüm jihchonü ju rhimopü kümkangang; nüsanü ju ching düyukajak yungsho yihkhita she dübah.

YUZÜNGTHALO 17:3

shepünü tsode yünü püpürü thrünpuhbo tankihde inü thiyukhüm müjihkhi ani, khinu yungsho thüning kheak lakhi khürü kingaünbanü;

YUZÜNGTHALO 4:2

Inü thiyukhüm jihkhi yu kheak nüsanü alü düyuk, yungsho yihkhita dübah, junangde nüsanü inü thiyukhüm jihkhi, Atungpuh nüsa Thrünpuh yukhüm zobah.

IBRI 9:4

Ju ching rhümthünea takbe suna kingaün sadam tüsho sunanü alüpdokhi tangzüng sangdan lakheah. Ha sangdan ching ju manna zahkhi suna pangjiphüh, apungkhi Aron tso, tüsho tangzüng lungbeakbo lakheah;