LEVI 1:9 - AMÜSÜH HÜM CL Bible (BSI)

⁹ tüshe bukningbo le ajingbo apinü kenü müsühabahbeah. Tüsho amükeamrünü ju alala Atungpuh asühshihpü kingaün sadam kheaknü arhümthüneade atakbah.

LEVI 1:9 Iomraidhean Croise

THRÜNTAN 8:21

Atungpuhnü arhümthüneakhi münim tüsho api mulong chingnü tha: “Mihtsürü dünkheaknü, api azükinü mulong amütsü laa lalashe, kheaküa inü alo muthrumünean müthsü. Tüsho inü arhimokhi nangde rhangdung lakhi lorilokobo küyimkishe müdükheakshih.

1 KIUTHSÜYUKHEAN 6:34

Elkana tsührü, Jeroham tsührü, Eliel tsührü, Toa tsührü,

2 KIUTHSÜYUKHEAN 4:6

Apinü müsühmüra-phuru thsü, tüsho tsülim peang 5 zo, tüsho huzulim peang 5 zo. Harü ching arünü taka kingaünbe müsüh. Kekung ju amükeamrübo thsungkheak müsühmürapung lakheah.

MUNGSHIKHÜN 51:6

Kheahang, nünü alunglim thiyuro lunechoh, tüsho jika lakhi ching nünü I ki lümlung mükheahshihbah.

MUNGSHIKHÜN 66:15

Inü namfimihnu kingaün sadam kheak takpü jihbah; inü moshipungbo tüsho mihnubo jihbah, tüsho mokhüh thüning lim yükihbah.

ABEKHIT 12:9

Arhangnü yungsho ke ching khiungbah dütsüh, tüshe aku, ajingbo tüsho bukningbo bede ngubah tsühang.

ABEKHIT 29:18

Jushu namfimihnupung abümnü kingaün sadam kheak takang. Haju Atungpuh kilim arhümthüneade monü taka kingaünkhi ah.

ABEKHIT 29:25

Jushu arü khah chingnü jurübo luang tüsho Atungpuh kilim monü arhümthüneade taka kingaünkhi lung kingaün sadam kheak takang.

JEREMIA 4:14

O Jirusalem, mihbukmuyuk chingnü mulong müsühang, junangde nü khümkhitbah. Nü lümkhi amütsü külokhüh nü kheak laba?

EZEKIEL 20:28

Küyimki inü arü kilim jihpü alokhikhi lomi ching arü bedarükhea tüsho arünü awung achang yungsho ayüniuniu sangdung ngükhea, ju ching arünü laksah-a kingaün, I bukakhiukpü thsüde kingaün jih, arü yo arhümthüneabebo jih tüsho arü yo ayungbe kingaünbo dungabah.

EZEKIEL 20:41

Inü nüsa trükshihbo chingnü bekhitchoki tüsho nüsa hiumüzütpung lomi chingnü bemukhungchoki rhümthüneabe nangde nüsa leangkhibah, tüsho trükshih miki nüsa bolung I amüsüh huhbah.

EZEKIEL 40:38

Chipiripit mükü ching khimdopü bede akhiungshak khülang, taka kingaünbe müsühpung lakheah.

LEVI 1:13

tüshe apinü bukning le jingkhahbo kenü amüsühbah, tüsho amükeambuhnü alala lua kingaünpung kheak Atungpuh ki taka kingaün jihbah. Ha taka kingaünkhi rhümnü Atungpuh asühshihchoh.

LEVI 1:17

Apinü muthokhitshihde aghidükeangne kheak tholobah apang ju athorüpbah, tüsho alala kingaünpung sang kheak takbah. Ha taka kingaünkhi rhümnü Atungpuh asühshihchoh.

LEVI 2:16

Tüsho amükeambuhnü achukhi hi tüsho müdangke chingnü mümihpü shihcham tüsho rhümthüneabebo bede lubah Atungpuh kilim taka kingaünbah.

LEVI 2:2

tüsho Aron tsührü amükeamrübo kilim lubah arüshang. Amükeambuhnü ayikangkang müyikhüh tüsho müdangke le rhümthüneabe alala lubah thiyuchihchimkhi amütsan Atungpuh kilim jihkhi kingaünpung kheaknü taka kingaünbah. Ha taka kingaünkhi rhümnü Atungpuh asühshihchoh.

LEVI 2:9

Amükeambuhnü mümihpü shihcham hi kingaün chingnü ayihkhitbah, tüsho apinü ju kingaünpung kheaknü atakbah. Ha taka kingaünkhi rhümnü Atungpuh asühshihchoh.

LEVI 3:11

Tüsho amükeambuhnü Atungpuh kilim jihkhi tsühyungpü kingaün ah de kingaünpung kheak takbah.

LEVI 3:5

Amükeamrübonü harü alala taka kingaünkhibo lung kingaünpung kheak yihkih-a takbah. Ha taka kingaünkhi rhümnü Atungpuh asühshihchoh.

LEVI 4:31

Mungtsü kingaünbe chingnü amüdang yihkhitkhi ruk apinü amüdang yihkhitbah, tüsho amükeambuhnü ju kingaünpung kheak arhümthüneakhinü Atungpuh asühshihpü takbah, hanangde neak dünthsükhibah, tüsho api neak bahjihbah.

LEVI 6:14

Hi kingaün yakzan: Aron tsührübonü Atungpuh miki kingaünpung kheak jihbah.

LEVI 8:21

Tüsho bukningbo le ajingbo kenü müsühabahshu, Mosanü mihnupung apang abümnü kingaünpung kheak taka kingaünde arhümthüneakhinü Atungpuh asühshih; ju Atungpuhnü Mosa ki thiyukhüm jihkhi yande rhimo.

LEVI 8:28

Tüsho Mosanü jurü arü khah chingnü lubahle müsühkhitkhi kingaün thsüde taka kingaünkhi mi kheak yihkih-a tak; ha kingaünkhi rhümnü Atungpuh asühshih.

LEVI 9:14

Tüsho apinü bukningbo le ajingbo müsüh tüsho kingaünpung kheak lakhi taka kingaünbe mi kheak yihkih-a tak.

ZEKARIA 13:7

“ O nukshang, I yo namfimihnu neakrü azhihde asürang, I lung larü mihtsürü azhihde,” Wuto Atungpuhnü thachoh. Namfimihnu neakrü shikang, junangde namfimihnubo hiumüzütbah; inü aninibo azhihde I khah rholobah.

WÜHKHE 15:3

tüsho nüsanü Atungpuh kilim taka kingaünkhi yungsho shuhmülanga kingaünkhinü thiyuchihchim yungsho amulongkhi kingaün yungsho akhukhitkhi thünio dünjishihde, moshi yungsho mihnu bolungnü Atungpuh kilim arhümthüneade ajihpü thsüsho,

WÜHKHE 28:11

Khinu aban akhuhbe nimung nüsanü Atungpuh kilim harü taka kingaünang: moshipung nunu 2, mihnupung 1, tüsho kam khülang bankhi lapha mükihkhi namfimihnunu 7;

WÜHKHE 28:7

Tüsho namfimihnunu abande ayungbe kingaün nangde kingaün sadam kheak ayungbe pungdüchi 1 dungkihang.

WÜHKHE 28:8

Namfimihnunu püpü ju nüsanü arelim jihang; ju nüsanü yapsu thsakhamkhi hi kingaün tüsho ayungbe kingaünbo lung jihang. Ha monü taka kingaünde Atungpuh kilim arhümthüneashihkhi lah.

2 KORINT 2:15

Tümüde isa ju akhümkhitrü tüsho adükheakrü bolung Thrünpuh kilim Khrista yo arhümthüneabe nangde lah.

EFISIA 5:2

Tüsho Khristanü isa muzhode tüsho isa thsungkheaknü rhümthüneade Thrünpuh kilim api shuhmülanga jihkhi nangde amuzho ching laang.

YUZÜNGTHALO 12:27

Tüsho nünü taka kingaünkhi shih tüsho thiyih Atungpuh nü Thrünpuh kingaün sadam kheak kingaünang; tüsho nünü laksah-a kingaünkhi thiyih ju Atungpuh nü Thrünpuh kingaün sadam kheak bukkihang, tüsho nünü shih ju tsühang.

FILIPI 4:18

Inü khiukde tüsho alü she leangkhido; nüsanü amühahkhi thsambahbo rhümthünea kingaün aleangkhikhukbe, shuhmülanga jihbe tüsho Thrünpuh asühshihbe Epaphrodita kilimnü leangkhibah I suhdahde lah.