LEVI 1:5 - AMÜSÜH HÜM CL Bible (BSI)

⁵ Atungpuh miki apinü shiwüh pung ju alaksahbah, tüsho Aron tsührü amükeamrübonü thiyih lubah ayübah, tüsho kingaün sadam khuh phüyi tüsho khimyam lunglim yüzah limrobo kheak rhakkihbah.

LEVI 1:5 Iomraidhean Croise

2 KIUTHSÜYUKHEAN 35:11

Arünü phungho-thünio namfimihnunubo ju laksahbah Levirünü aküp lü, tüsho amükeamrübonü athiyih rhaka bah.

ABEKHIT 29:11

Ashorupung khimyam ching yüzahpung kheak Atungpuh mikinü ju laksahang.

ABEKHIT 29:16

Ju laksahang tüsho athiyih lubah kingaün sadam alala mükamde rhakkihang.

ABEKHIT 40:6

Ashorupung arüngkhimyam ching yüzahpung ki taka kingaünpü sadam zoang.

ISAIA 52:15

Junangde apinü trükshih ahihdo müyinnimshihbah; api dünkheaknü kiulongthsürübo arü mün yihdobah; tümütüsho arü ki müthakhi arünü angübah, tüsho arünü musokhi anikhitbah.

EZEKIEL 36:25

Inü nü kheak ke amüsüh rhakkihbah, tüsho mümüsühkhibo chingnü nü müsühbah, tüsho nü sangthsübo alala chingnü inü nü müsühbah.

EZEKIEL 43:18

Judüki apinü I ki tha: Mihtsürü tsührü, Atungpuh Thrünpuhnü ha thachoh: Harü ha kingaün sadam thsungkheak thiyuzüngbo lah: Ju kheaknü taka kingaünpü tüsho ju kheak thiyih rhakkihpü ha lahmusu nimung,

LEVI 1:11

Apinü ju kingaünpung akulimpeangnü alaksahbah, tüsho Aron tsührü amükeamrübonü kingaünpung khuh phüyi ching athiyih rhakkihbah.

LEVI 1:15

Amükeambuhnü ju handarübah aku rhoshaka kingaünpung kheak takbah, tüsho athiyih kingaünpung yean dungkihbah.

LEVI 16:15

Jushu apinü mihtsürübo thsungkheak neak kingaünpü mihnu laksahbah, tüsho khim zhindokhi khüp athiyih handarübah, tüsho moshi thiyih rhaka bahkhi ruk, akhidopü kheak tüsho tangzüng sangdan mikhuh ching rhaka bahbah.

LEVI 17:11

Tümüde shih ju thiyih ching lah; tüsho kingaün sadam kheak nüsa rhangdung dünthsükhipü inü nüsa kilim jihdo; tümüde thiyihnü nüsa rhangdung thsungkheak dünthsükhichoh.

LEVI 3:13

tüsho apinü aku kheak akhahnü nimbah Atungpuh shorupung khimyam müngühnü alaksahbah. Aron tsührü amükeamrübonü kingaünpung thrip phüyi ching athiyih rhakkihbah.

LEVI 3:2

Apinü kingaün jihkhi shiwüh ku kheak akhahnü animbah tüsho Atungpuh shorupung khimyam ripit kinü alaksahbah. Aron tsührü amükeamrübonü kingaünpung thrip phüyi ching thiyih hiua bahbah,

LEVI 3:8

tüsho apinü akhah aku kheak nimbahle Atungpuh shorupung khimyam müngühnü alaksahbah; Aron tsührü amükeamrübonü kingaün thrip phüyi ching athiyih rhakkihbah.

LEVI 4:29

Apinü akhah aku kheak nimbah tüsho taka kingaünbe laksahpung kinü alaksahbah.

LEVI 4:33

tüsho apinü akhah aku kheak nimbah tüsho taka kingaünbe laksahpung kinü alaksahbah.

LEVI 4:7

Amükeambuhnü thiyih khürü lubah Atungpuh shorupung khimyam ching arhümthüneakhi kingaünpung juhbo kheak bukkihbah, tüsho aningkhi thiyih ju khimyam ripit ki lakhi taka kingaünpung jing kheak dungkihbah.

MIKA 6:6

“Tümü lubah inü Atungpuh miki arüba, tüsho achang kheak Thrünpuh miki khukningba? Inü kam khülang bankhi moshi nunubonü taka kingaünpü api miki lubah arüba shi?

WÜHKHE 18:17

Tüshe akhuhde anukhi moshibo, namfimihnu tüsho mihnubo a mürhokhitlokhuk; harübo amüsüh ah. Nünü harü thiyih kingaün sadam kheak rhakkihang, tüsho amüdangkebo ju monü taka kingaünde Atungpuh kilim arhümthüneashang.

IBRI 10:11

Tüsho amükeamrü abannü nimung aban api tankih rhimo ching küyimkishe neak hande mutsokhukbe ju ruk lang laksah-a kingaünkhi alochode jihchoh.

IBRI 12:24

tüsho aso tangzüng limburü Jisu kilim, tüsho Abel thiyih kheaknü alü muzhode athakhi arhakkihkhi thiyih kilim.

1 PETER 1:2

Abuh Thrünpuhnü akhujungde amokhitkhi tüsho Jisu Khrista ki mihyuanipü tüsho api thiyih rhakkihpü Menü atsangkhitkhi: Amüthsüm tüsho mungtsü nüsa kilim alü kamshang.

1 SAMUEL 1:25

Judüki arünü moshipung ju laksah, tüsho khungarü ju Eli kilim bebah arü.