LEVI 1:4 - AMÜSÜH HÜM CL Bible (BSI)

⁴ Apinü taka kingaünkhi ku kheak akhah nimbah, tüsho api neak thsükhiabahkhi kingaün dün leangkhibah.

LEVI 1:4 Iomraidhean Croise

ABEKHIT 28:38

Ha Aron kingkang kheak labah, tüsho Israelrünü müsühkhitde ajihkhi amüsüh thsambahbo ching mülimkhi apinü ahanbah. Ju Aron kingkang kheak mutuklode alabah, junangde arübo ju Atungpuh ki aleangkhikhukbe labah.

ABEKHIT 29:10

“ Moshipung ju ashorupung khimyam mikhuh lude arang, tüsho Aron le atsührübonü arü khah aku kheak nimbah.

ABEKHIT 29:15

“Nünü namfimihnupung 1 luang, tüsho Aron le atsührübo khah aku kheak nimkihbah.

ABEKHIT 29:19

“Namfimihnupung püpü luang, tüsho Aron le atsührübonü arü khah aku kheak nimkihbah.

ABEKHIT 29:33

Arü amüsüh-tsangkhitpü dünthsükhi harü jihchungkhibo arünü atsühbah. Tüshe püpürünü a jurü mütsüh, tümütüsho jurü amüsüh ah.

ISAIA 56:7

harü inü I yo amüsüh wung ching bedarübah, tüsho I tamkhüntamnü yam ching arü asühde kamshihbah; arünü taka kingaünkhi tüsho arünü shuhmülanga jihkhibo I kingaün sadam kheak leangkhibah; tümüde I yam ju trükshih mihtsürü alala thsungkheak tamkhüntamnü yam de ajibah.

EZEKIEL 45:15

tüsho Israel rimlopung chingnü, namfimihnu 200 aban chingnü namfimihnu 1 labah. Ha kingaünbo ju arü dünthsükhipü hi kingaün, taka kingaün, tüsho mungtsü kingaün labah, Atungpuh Thrünpuhnü thachoh.

DANIEL 9:24

“Thünenü shu nerü kambo ju nü mihtsürü tüsho amüsüh kiuto thsungkheak akhua zojihlah: alakmihkhi banshihpü, neak kheamshihpü, amülim dünthsükhipü, lün thsungkheak thiyuro-lungki hanyukpü, michih tüsho wukihrü chido yümdopü, tüsho khide Amüsüh Dangpung müsükhitpü lah.

LEVI 16:21

Apinü akhah ane chido mihnu ku kheak nimde Israel tsührünü ayihbeakkhi amülim alala, azhihde thiyuzüng thsümünimkhi alala, tüsho arü neak thsükhibah, tüsho akhukhita lubuhnü mihnu bebah yünü sunglo ching dükhebah.

LEVI 16:24

tüsho apinü amüsüh dangpung ching junü kemüyihbah nihbuh khimmih yih-a lubah. Jushu apinü anihbuh neak tüsho mihtsürübo neak dünthsükhipü wukhiukbah taka kingaünkhi jihbah.

LEVI 22:21

Tüsho küyimki khürünü mungtsü kingaün Atungpuh kilim shuhmülanga jihbanü, alokhikhi thsüthsü yungsho mulongkhi kingaünpü thsüthsü, aleangkhipü thsüde moshi yungsho namfimihnu bolungnü lapha mükihkhi jihbeah.

LEVI 22:27

Küyimki moshipung yungsho namfimihnu yungsho mihnu adrebanü, abe lung nimung thüne labah; tüsho atizheah nipünü ründe Atungpuh kilim taka kingaünpü aleangkhikhukkhi thsübah.

LEVI 3:13

tüsho apinü aku kheak akhahnü nimbah Atungpuh shorupung khimyam müngühnü alaksahbah. Aron tsührü amükeamrübonü kingaünpung thrip phüyi ching athiyih rhakkihbah.

LEVI 3:2

Apinü kingaün jihkhi shiwüh ku kheak akhahnü animbah tüsho Atungpuh shorupung khimyam ripit kinü alaksahbah. Aron tsührü amükeamrübonü kingaünpung thrip phüyi ching thiyih hiua bahbah,

LEVI 3:8

tüsho apinü akhah aku kheak nimbahle Atungpuh shorupung khimyam müngühnü alaksahbah; Aron tsührü amükeamrübonü kingaün thrip phüyi ching athiyih rhakkihbah.

LEVI 4:15

tüsho boto ching azothsürübonü aku kheak arü khahnü animbah, tüsho ju ching laksahbah.

LEVI 4:20

Apinü neak kingaün jihchoki moshipung akhualokhi nangde, ha moshipung kheak she arhimobah, tüsho ha ruk apinü mihtsürübo neak dünthsükhipü jihbah, tüsho arübo neak bahjihbah.

LEVI 4:24

Apinü akhah aku kheak nimbah tüsho taka kingaünbe laksahpung, Atungpuh mikinü alaksahbah. Ha neak kingaün ah.

LEVI 4:26

Mungtsü kingaün ching amüdang shuhmülanga jihkhi ruk apinü amüdang kingaünpung kheak takbah; junangde amükeambuhnü anihbuh dünkheak shuhmülanga jihbah, tüsho api neak bahjihbah.

LEVI 4:29

Apinü akhah aku kheak nimbah tüsho taka kingaünbe laksahpung kinü alaksahbah.

LEVI 4:31

Mungtsü kingaünbe chingnü amüdang yihkhitkhi ruk apinü amüdang yihkhitbah, tüsho amükeambuhnü ju kingaünpung kheak arhümthüneakhinü Atungpuh asühshihpü takbah, hanangde neak dünthsükhibah, tüsho api neak bahjihbah.

LEVI 4:33

tüsho apinü akhah aku kheak nimbah tüsho taka kingaünbe laksahpung kinü alaksahbah.

LEVI 4:35

Tüsho apinü mungtsü kingaün thsungkheak laksahkhi namfimihnu kheaknü amüdang yihkhitkhi ruk, amüdang yihkhitbah, tüsho Atungpuh kilim taka kingaünkhibo lung thsürubah amükeambuhnü kingaünpung kheak takbah. Hanangde amükeambuhnü mihtsürü neak dünthsükhijihbah, tüsho api neak bahjihbah.

LEVI 4:4

Apinü moshipung ju Atungpuh shorupung khimyam ripit ki bedarübah, akhahnü aku kheak nimbah, tüsho ju ching Atungpuh mikinü alaksahbah.

LEVI 5:6

tüsho apinü ayihbeakkhi neak dünkheak neak kingaün mihnu bolungnü namfimihnu dre yungsho mihnu Atungpuh kilim handarübah; tüsho amükeambuhnü api neak dünthsükhibah.

LEVI 6:7

Amükeambuhnü mihtsürü neak dünthsükhibah tüsho apinü alakmihkhi neak bahjihbah.

LEVI 8:14

Neak kingaünpü Mosanü moshipung handarü, tüsho Aron le atsührübonü arü khah aku kheak nimkih.

LEVI 8:18

Jushu, Mosanü taka kingaünpü mihnupung handarü, tüsho Aron le atsührübonü arü khah aku kheak nimkih.

LEVI 8:22

Jushu, Mosanü amükeamrübo müsühkhitpü mihnupung mahnepü handarü, tüsho Aron le atsührübonü arü khah aku kheak nimkih.

LEVI 9:7

Tüsho Mosanü Aron ki tha, “ Kingaünpung ki phünide yüliang, tüsho nüsa le mihtsürübo münean dünthsükhipü neak kingaün tüsho taka kingaünkhi jihang. ATU NGPUH NÜ thiyukhüm jihkhi nangde mihtsürübo neak dünthsükhijang.”

WÜHKHE 15:25

Jumonü amükeambuhnü Israelrü tsührü boto dünthsükhide neak bahjihbah tümüde ju müreanglimnü yihbeak; arübonü taka kingaünkhi tüsho müreanglimnü ayihbeakkhi neak kingaün Atungpuh miki handarübah.

WÜHKHE 15:28

Jumonü küyimki mihtsürü khülangnü Atungpuh miki müreanglimnü neak yihbeakbanü api müsühkhitde amükeambuhnü dünthsükhibah; tüsho api neak bahjihbah.

WÜHKHE 25:13

tüsho ha api le anihbuh tsühsoniuso kheak akheam mülakhi amükeam trük thsüpü tangzüngkhi labah, tümütüsho apinü nihbuh Thrünpuh thsungkheak mulongkhit, tüsho Israel mihtsürü thsungkheaknü dünthsükhijih.’ ”

WÜHKHE 8:10

Junangde nünü Levirübo Atungpuh miki bedarang, tüsho Israelrü tsührü athrünkhinü arü khah Levirü kheak nimbah;

WÜHKHE 8:12

Levirübonü arü khah moshipung mahne ku kheak nimbah; khülang neak kingaün jihbah tüsho püpü ju taka kingaünbah, junü Levirü müsühkhitkhi rhimobah.

ROMRÜ KILIM PAULNÜ ATHRÜTKHI KIHÜM HUHTANYU 12:1

Jumonü keoniorübo, Thrünpuh mihmüthsüm hode inü nüsa ki tuthsukchoh: Api tankihkhi ching tsangkhitde tüsho api asühshihde Thrünpuh kilim nüsa rhangdung kingaün jihang. Ha nüsanü ajihpü lakhi thiyuro kingaün ah.

ROMRÜ KILIM PAULNÜ ATHRÜTKHI KIHÜM HUHTANYU 3:25

Thrünpuhnü akin hode thiyihnü dünthsükhishihpü, api thiyuro-lungki huhpü arüshih, tümütüsho akhuhlim yihbeakkhi neakbo api arümkheamkhinü Thrünpuhnü khenoabahjih–

ROMRÜ KILIM PAULNÜ ATHRÜTKHI KIHÜM HUHTANYU 5:11

Ju lang yung, tüshe shepü hode kheakü isa tsüarihkhi leangkhia la, isa Atungpuh Jisu Khrista hode Thrünpuh lung she isa asühachihchoh.

FILIPI 4:18

Inü khiukde tüsho alü she leangkhido; nüsanü amühahkhi thsambahbo rhümthünea kingaün aleangkhikhukbe, shuhmülanga jihbe tüsho Thrünpuh asühshihbe Epaphrodita kilimnü leangkhibah I suhdahde lah.

IBRI 10:4

Tümüde moshipungbo tüsho mihnubo thiyihnü neakbo hande atsopü amukuk ah.

1 JOHAN 2:2

api ju isa neak dünthsükhikhi lah, tüsho isa thsungkheak lang yung tüshe alomiküp athrünkhi thsungkheak ah.