LEVI 1:3 - AMÜSÜH HÜM CL Bible (BSI)

³ Apinü ajihkhi shiwüh ju taka kingaünpü thsüsho, apinü lapha mükihkhi pung handarübeah. Ju Atungpuhnü leangkhikhukpü thsüde Atungpuh shorupung khimyam lunglim yüzah limro zoshang.

LEVI 1:3 Iomraidhean Croise

THRÜNTAN 22:13

Judüki Abrahamnü zünga kheah, tüsho api dunglim namfimihnupung khülang sangrung ching ajuhbo kheaknü wukloa lakheah. Abrahamnü yü tüsho namfimihnupung ju lubah api tsührü müthri taka kingaünkhi jih.

THRÜNTAN 22:2

Judüki Thrünpuhnü tha, “Nünü muzhode alakhi, nü tsührü khülang lang alakhi Isak bebah Moria lomi lim yüang, tüsho inü nü ki thapü lakhi awungbo lung khülang kheaknü api taka kingaünkhi jihang.”

THRÜNTAN 22:8

Abrahamnü alo, “I tsah-a, taka kingaünpü thsungkheak namfimihnunu Thrünpuhnü ajihbah.” Tüsho anenü rukhüh yü.

THRÜNTAN 8:20

Judüki Noanü Atungpuh kilim kingaün sadam khülang thsü, tüsho amüsüh shiwüh le amüsüh wuhnu aban lubah kingaün sadam kheak taka kingaün jih.

2 KIUTHSÜYUKHEAN 29:32

Amukhungrünü taka kingaünpü handarükhi khekhi ju moshi 70, namfimihnupung 100, tüsho namfimihnunu 200; harü alala Atungpuh kilim taka kingaünpü thsungkheak lakheah.

2 KIUTHSÜYUKHEAN 35:12

Arünü taka kingaünbebo shuhmuwuh-a zo, junangde Mosa hüm ching thrütkhi nangde arünü jipürü gukbo mihtsürübo khunung yande arü kilim jihpü lakheah. Tüsho arünü ju ruk moshibo she kheakrak.

MUNGSHIKHÜN 110:3

Nü thirithsü nimung nü mihtsürübo ju nü rungrü labah; yapsu mükikde ayinke nangde nü mihtsürü athunurü nü kilim amüsüh wungbo kheak arübah.

MUNGSHIKHÜN 40:8

Inü nü lümkhi ching asühchoh, O I Thrünpuh, tüsho nü yakzan I mulong ching lah.”

ABEKHIT 12:5

Nüsa namfimihnunu ju kam khülang bankhi lapha mükihkhi pung labeah. Nüsanü namfimihnu yungsho mihnu bolungnü alupü kuklah.

ABEKHIT 24:5

Judüki apinü Israel athunu mihtsürü yüshih, tüsho arünü taka kingaünkhi tüsho moshipungbo laksah-a Atungpuh kilim mungtsü kingaün jih.

ABEKHIT 29:18

Jushu namfimihnupung abümnü kingaün sadam kheak takang. Haju Atungpuh kilim arhümthüneade monü taka kingaünkhi ah.

ABEKHIT 29:4

Tüsho Aron le atsührübo ashorupung khimyam limro ki bede arang tüsho kemüyihjang.

ABEKHIT 29:42

Ha taka kingaünkhi ju lünnü ashorupung khimyam yüzah limro kheak Atungpuh miki mutukzhakde jihde alabah. Ju ching inü nü shorubah tüsho nü ki asukbah;

ABEKHIT 32:6

Ashidopü arünü mükikde asürübah taka kingaünbo, mungtsü kingaünbo jih; mihtsürübonü atsühpü tüsho ayungpü bin tüsho milimyulimnü apheande wusu.

ABEKHIT 35:21

Tüsho mulongde alarünü arüngkhimyam rhimo mukhungmüdan, tüsho amüsüh khimmihbo thsungkheak Atungpuh kilim kingaün handarü.

ABEKHIT 35:29

Israelrü athrürü tüsho aliberübonü arünü arhimobe Mosa hode thiyukhüm jihkhi thsungkheak amulongrü alalanü mulongkhi kingaün Atungpuh kilim ludarü.

ABEKHIT 35:5

Atungpuh kilim kingaün khülang thsakhamang. Mulong salade alarünü Atungpuh kilim kingaün khülang hande arüshang: suna, shotoyinchi, tüsho müwayinchi;

ABEKHIT 36:3

Arünü arüngkhimyam rhimode ayüpü Israelrünü kingaün hande arükhi alala Mosa kheaknü leangkhi. Tüsho mihtsürübonü yapsu aban mutukzhakde arung kingaün handarü.

ABEKHIT 38:1

Apinü akasia sangnü kingaün sadam achanglim khahnap 3, ayunglim khahnap 5 tüsho atolim khahnap 5 shahrihkhühnü thsü.

ISAIA 1:11

Nüsanü hihdakde laksah-a kingaünkhibo I ki tümü la? Atungpuhnü thachoh; namfimihnupungbo tüsho yimkipkhi shiwühbonü I suhdahde taka kingaündo; inü moshibo yungsho namfimihnunu, yungsho mihnubo thiyih ching masüh.

EZEKIEL 20:40

Tümüde I yo amüsüh müzüng, Israel müzüng kheak, Wuto Atungpuhnü thachoh, ju lomi ching Israel yamkhün lüpdükhinü I tankihbah, tüsho ju ching inü arübo leangkhibah. Ju ching inü nüsa kingaünbo tüsho amokhitkhi nüsa thsambahbo, nüsa yo amüsüh shuhmülanga jihkhi bede yihnüpü labah.

EZEKIEL 40:39

Tüsho chipiripit mükü ching thrip abande dükhüm mahnene lakheah, ju taka kingaün, neak kingaün tüsho laksah-a kingaünpü laksahpung lakheah.

LEVI 1:10

Mürangkhüh mihtsürü khülangnü namfimihnubo yungsho mihnubo lungnü taka kingaünkhi jihsho, ju lapha mükihkhi pung thsübeah:

LEVI 14:10

Tüsho nimung atizheah nipü apinü lapha mükihkhi namfimihnunu kam khülang bankhi dre khülang, hi kingaün thsungkheaknü ayikangkang atsüdak muluk shihcham thürü ching shihcham mahsam lung müdangke thsürubah, tüsho müdangke pungdüchi shihchamkhüh handarübah.

LEVI 16:7

Tüsho apinü Atungpuh shorupung khimyam ripit ki mihnu mahne lubah ayübah.

LEVI 17:4

ju ashorupung khimyam ripit ki Atungpuh kilim thsambah thsüde handarünü müjihsho thiyih ju buh mihtsürü kheak labah; apinü thiyih bukdo; tüsho mihtsürü ju Thrünpuh mihtsürü bolungnü khekhita bahbah.

LEVI 17:8

Tüsho nünü arü ki thaang: Israelrü yungsho nüsa lung lakhi khiungkerünü taka kingaünkhi yungsho püpü shuhmülanga jihkhibo,

LEVI 17:9

ashorupung khimyam ripit ki Atungpuh ki shuhmülanga jihpü hande marüsho, ju mihtsürü Thrünpuh mihtsürü bolungnü khekhita bahbah.

LEVI 23:12

Tüshe hi phung müleamde ajih nimung, nünü lapha mükihkhi namfimihnunu pung kam khülang bankhi Atungpuh kilim taka kingaünang.

LEVI 23:18

Tüsho nüsanü yikhap lung lapha mükihkhi namfimihnunu pung kam khülang bankhitkhi thüne, moshipung khülang, tüsho mihnupung mahne de jihang; jurübo ju hi kingaün tüsho yukhu kingaünkhi bolung taka kingaünde, arhümthüneakhinü Atungpuh asühshihbah.

LEVI 3:1

Küyimki khürünü mungtsü kingaünpü shiwüh jihbanü, Atungpuh miki lapha mükihkhi moshi pung yungsho dre thsübeah.

LEVI 4:15

tüsho boto ching azothsürübonü aku kheak arü khahnü animbah, tüsho ju ching laksahbah.

LEVI 4:23

tüsho anihbuh neak apinü mükheahkhitsho, apinü nihbuh kingaün lapha mükihkhi mihnupung handarübah.

LEVI 4:3

Mujude-müsühkhitkhi amükeambuhnü neak yihbeakde mihtsürübo kurungkheak amakham arüsho, apinü moshipung nunu lapha mükihkhi api neak dün Atungpuh kilim kingaünbah.

LEVI 4:32

Neak kingaün thsungkheaknü apinü namfimihnu handarüsho lapha mükihkhi dre thsübeah,

LEVI 5:15

Khürünü müreanglimnü amüsüh kukruk Atungpuh kilim müjihde lakpheansho, apinü ashaklo kingaün Atungpuh kilim lapha mükihkhi namfimihnu yungsho mihnupung handarübah. Tüsho ju arüngyam ching lakhi düpüt 11.5nü adünang; tüsho ha amülim thsükhi kingaün ah.

LEVI 5:18

Apinü ashaklo kingaün lapha mükihkhi namfimihnu yungsho mihnu pung Atungpuh kilim handarübeah. Ju ashaklo kingaünkhi dün akebah ajihbah, tüsho apinü müreanglimnü ayihbeakkhi neak amükeambuhnü dünthsükhibah, tüsho api neak bahjihbah.

LEVI 6:2

Küyimki nüsa khürünü yamhingrü ki zomukhungkhi yungsho thiyuchihchimkhi ching mülapyukde yungsho ahühmudode, Atungpuh azhihde neak yihbeakbanü yungsho nünü yamhingrü junosho,

LEVI 6:8

Atungpuhnü Mosa ki tha,

LEVI 7:16

Tüshe apinü shuhmülanga jihkhi kingaün ju thiyuchihchim yungsho arung jihkhi kingaün thsüsho, apinü shuhmülanga jihkhi ju ju ninü atsühbeah; tüshe aningkhi ashido she atsühpü kuklah,

LEVI 8:18

Jushu, Mosanü taka kingaünpü mihnupung handarü, tüsho Aron le atsührübonü arü khah aku kheak nimkih.

LEVI 8:21

Tüsho bukningbo le ajingbo kenü müsühabahshu, Mosanü mihnupung apang abümnü kingaünpung kheak taka kingaünde arhümthüneakhinü Atungpuh asühshih; ju Atungpuhnü Mosa ki thiyukhüm jihkhi yande rhimo.

LEVI 9:2

tüsho apinü Aron ki tha, “ Neak kingaün thsungkheak moshipung nunu tüsho taka kingaünpü mihnupung lapha mükihkhibo luang, tüsho Atungpuh miki kingaünang.

ZEKARIA 13:7

“ O nukshang, I yo namfimihnu neakrü azhihde asürang, I lung larü mihtsürü azhihde,” Wuto Atungpuhnü thachoh. Namfimihnu neakrü shikang, junangde namfimihnubo hiumüzütbah; inü aninibo azhihde I khah rholobah.

MALAKI 1:14

Shepü namfimihnu bolung pung la tüsho ju jihpü thiyuchihchimbah Atungpuh kilim lapha kihkhi laksah-a kingaünchonü, rük mütsükhi ju muthrumünean thsang; tümüde I ato kiulongthsürü ah, Wuto Atungpuhnü thachoh, tüsho trükshih bolung I mung wüntre jihchoh.

WÜHKHE 15:3

tüsho nüsanü Atungpuh kilim taka kingaünkhi yungsho shuhmülanga kingaünkhinü thiyuchihchim yungsho amulongkhi kingaün yungsho akhukhitkhi thünio dünjishihde, moshi yungsho mihnu bolungnü Atungpuh kilim arhümthüneade ajihpü thsüsho,

WÜHKHE 15:8

Tüsho nünü taka kingaünpü yungsho thiyuchihchimkhi dünkheak shuhmülanga kingaünkhi yungsho Atungpuh kilim mungtsü kingaünpü moshipung nunu lusho,

WÜHKHE 19:2

Ha Atungpuhnü thiyukhüm jihkhi yakzan; Israelrübo ki moshi nunu amürüm areak yungsho lapha mükihkhi tüsho küyimkishe hah mühankhi nüke kilim lubah arang de thaang.

WÜHKHE 23:19

Thrünpuh ju akeangyu thapü thsüde mihtsürü ruk yung, yungsho lümkhi müthripü thsüde mihtsürü tsührü ruk yung. Apinü thabah mürhimocho de? Apinü alokhibah akuk müngücho de?

WÜHKHE 23:27

Balaknü Balaam ki tha, “ Muzhobah arang, inü nü dangpung püpü ching bebah ayübah; khükijua ju ching nünü I thsungkheak arü athrukhi Thrünpuhnü asühbah.”

WÜHKHE 23:3

Tüsho Balaamnü Balak ki tha, “Nü a taka kingaünkhi miki zhipang, tüsho I yüanü; Atungpuh I shorupü arübah, tüsho apinü I ki tümü huhbanü inü nü ki thabah.” Jumonü api azhikpung awung achang ching wutu.

WÜHKHE 23:30

Balaamnü athakhi nangde Balaknü rhimo tüsho kingaün sadam abande moshipung 1 tüsho mihnupung 1 de kingaün.

WÜHKHE 28:11

Khinu aban akhuhbe nimung nüsanü Atungpuh kilim harü taka kingaünang: moshipung nunu 2, mihnupung 1, tüsho kam khülang bankhi lapha mükihkhi namfimihnunu 7;

WÜHKHE 28:19

Tüsho nüsanü Atungpuh kilim monü taka kingaünkhi harü jihang: moshipung nunu 2, namfimihnupung 2 tüsho kam khülang bankhi namfimihnunu 7; jurübo ju lapha mükihkhi thsübeah.

WÜHKHE 28:31

Nüsanü harübo nimung abande taka kingaünkhi tüsho hi kingaün jihkhi lung ajakde ayungbe kingaün lungnü jihang. Shiwühbo ju lapha mükihkhi thsübeah.

WÜHKHE 29:13

Nüsanü A TUN GPU H kilim taka kingaünde arhümthüneashihpü ju: moshipung nunu 13, namfimihnupung 2, tüsho kam khülang bankhi namfimihnunu 14. Jurü alala lapha mükihkhi thsübeah.

WÜHKHE 29:2

Nüsanü Atungpuh kilim taka kingaünde arhümthüneashihpü ju: moshipung nunu 1, namfimihnupung 1, tüsho kam khülang bankhi namfimihnunu 7, jurübo alala lapha mükihkhi thsübeah.

LUKNÜ ATHRÜTKHI THIYUSHEAK-ATSÜ HUHTANYU 1:35

Tüsho yunirünü alibe ki alojihde tha, “Amüsüh Me nü kheak arübah tüsho Achangbe wunü nü alamdobah; jumonü shepü Amüsüh Khülang zübepü lanü Thrünpuh tsührü de ajibah.

JOHAN 1:36

Tüsho api tsahde alachoki Jisu kheak kheahde tha, “Thrünpuh namfimihnunu kheahang!”

JOHAN 10:7

Judüki Jisunü arü ki tha, “Atsütsü inü nüsa ki thachoh, I namfimihnu ripit ah.

JOHAN 10:9

I ripit ah. Khürünü I hode yüzahsho, api khümkhitbah, tüsho yüzahla akhiukla de rimlopung ngübah.

2 KORINT 8:12

Tümüde thsakhama lasho, amülakhi yande yungde, mihtsürü ju tümü lanü ju yande aleangkhikhukbe lah.

2 KORINT 9:7

Mihtsürü abannü mükünmuthsung yungsho arochihde yungde nihbuh mulongnü apungkhikhi jihang, tümüde asühde ajihrü Thrünpuhnü muzhochoh.

EFISIA 2:18

tümütüsho api hode isa chido Me khülang ching Abuh kilim arüshihpü lah.

EFISIA 5:27

tüsho api kilim borü ju müretahde, areak yungsho aduhrhuh, yungsho judürü püpü mülade alabah, junangde anihbe lapha mükihde amüsüh labah.

YUZÜNGTHALO 12:27

Tüsho nünü taka kingaünkhi shih tüsho thiyih Atungpuh nü Thrünpuh kingaün sadam kheak kingaünang; tüsho nünü laksah-a kingaünkhi thiyih ju Atungpuh nü Thrünpuh kingaün sadam kheak bukkihang, tüsho nünü shih ju tsühang.

YUZÜNGTHALO 15:21

Tüshe ju kheak tümükhüh athsareak kihsho, akikkhi yungsho amüktukkhi yungsho thsara zahkhi nünü Atungpuh nü Thrünpuh ki laksah-a dükingaün.

YUZÜNGTHALO 17:1

“Nünü Atungpuh nü Thrünpuh ki lapha kihkhi moshipung yungsho namfimihnununü dükingaün, tümüde ju Atungpuh nü Thrünpuh kilim athraneanbe lah.

IBRI 7:26

Hadürü amükeamrü amüsüh, jakreak mükihkhi, aneakrü kheaknü achamkhikhi, yinmibo kumung shuhkihkhi isa thsungkheak lapü ayedo.

IBRI 9:14

lün lakhi Me hode areak mükihde Thrünpuh kilim anihbuh jihkhi Khrista thiyihnü ashekhi rhimo chingnü arhang Thrünpuh tankihpü nüsa lümkhi küdükhüh she atsangkhitba!