KOLOSI 4:6 - AMÜSÜH HÜM CL Bible (BSI)

⁶ Nü yu thakhi kamruhroro amuzho lade tüsho thiyu-kede laang, junangde mihbüm aban ki küde alobeanü nünü amükheahbah.

KOLOSI 4:6 Iomraidhean Croise

1 KIUTHSÜYUKHEAN 16:24

Api müretahkhi trükshih bolung, api amüyinsahbe atsü rhimobo mihtsürü bolung khipkhitang.

MUNGSHIKHÜN 105:2

Api ki khün thsang, api ki mungshikhünbo thsang; api amüyinsahbe rhimobo alala dünkheak thaang.

MUNGSHIKHÜN 119:13

Nü mün ching yo mahkhapkhibo alala inü I münküpnü khipkhitdo.

MUNGSHIKHÜN 119:46

Inü nü yukhümbo kiulongthsüpuh miki thabah, tüsho achih müngüde alabah.

MUNGSHIKHÜN 45:2

Nü a mihtsürü tsührü bolung akhamkhi lah; nü münküp kheak mihmüthsüm bukkih; jumonü Thrünpuhnü lünnü nü müngühjihbah.

MUNGSHIKHÜN 66:16

Nüsa Thrünpuh trerü alala, arang tüsho aniang, tüsho apinü I me thsungkheak tümü rhimoa lanü inü athabah.

MÜCHITMUDU 10:21

Thiyuro-lungkirü yubonü ahihdo kilim alü thsüshihchoh, tüshe makharü a lümlung mülakhinü shechoh.

MÜCHITMUDU 15:4

Athsüngu hande arükhi mulo ju rhangdung sangdung ah, tüshe mülapmüji mulonü me thsümünimchoh.

MÜCHITMUDU 15:7

Lümlung larü münküpbonü mükheahmudu bushihchoh, tüshe makharü mulongnü jude müthsü.

T H S AN GYU T H S AN GR ARÜ 10:12

Lümlung larünü athakhi yunü api mungthu hande arüchoh, tüshe makharü münküpnü anihbuh muyuabahchoh.

EZEKIEL 43:24

Nünü jurü Atungpuh miki jihbah, tüsho amükeamrübonü jurü kheak thimi sukbah tüsho Atungpuh kilim taka kingaünbah.

LEVI 2:13

Hi kingaün aban ching thimi yukang, tümüde thiminü nüsa le Thrünpuh dükeak tangzüng zokhi huhchoh; nüsanü nüsa kingaün alala ching thimi yukang.

MATHI 5:13

“Nüsa alomi thimi ah; tüshe thimi ju amüsüpbe dükheakabahsho, ju küde thsah amüsüpshihba? Ju tümü thsungkheak she atsü müla, ju abahbah tüsho mihtsürübonü ajungbah.

MARK 9:50

Thimi ju tsülah, tüshe ju amüsüpkhi dükheakabahsho, nünü küde thsah akeloshihba? Nüsa kheak thimi lashang, tüsho khülangnü khülang ki mungtsü laang.”

LUKNÜ ATHRÜTKHI THIYUSHEAK-ATSÜ HUHTANYU 4:22

Alalanü api dünkheak tsüde asuk, tüsho api mün chingnü akhiukkhi amuzho yubo ju müyinsah; tüsho arünü tha, “Ha Josep tsührü yung de?”

EFISIA 4:29

Asorü kilim amüthsüm ngüde alü thsüpü yihnüpü atsü kheak hode nüsa mün chingnü amütsü dakhiukshih.

YUZÜNGTHALO 11:19

Nüsa yam ching binchoki, nüsa limro ching tsahchoki, nüsa ayapchoki tüsho asürüchoki nüsanü harü nüsa tsührübo ki thsangyubah.

KOLOSI 3:16

Khrista yusheaknü lümlung alala ching, khülangnü khülang thsangyude tüsho thsangdanachihde nüsa kheak suhdahde lashang, tüsho nüsa mulong ching Thrünpuh kilim makshe jihde mungshikhünbo, khünbo tüsho me khünbo thsang.

1 PETER 3:15

Tüshe nü mulong ching Khrista ju Atungpuh de wüntre jihang. Nü kheak lakhi mulonglam amütsan thanakpü khürünü akeokhichoki alopü thsüde kamruhroro thsakhambah laang. Tüshe ha azhihayihde tüsho wüntrede rhimoang;