KOLOSI 4:17 - AMÜSÜH HÜM CL Bible (BSI)

¹⁷ Tüsho Arkeppa ki thaang, “Atungpuh tankihpü ching nü kilim jihkhi rhimo akuk ngüpü thsang.”

KOLOSI 4:17 Iomraidhean Croise

2 KIUTHSÜYUKHEAN 29:11

I tsührübo, dübahkhit, tümüde Atungpuhnü nüsa api miki zhipde api tankihpü, api tankihrü thsüpü tüsho api ki kingaünshihpü mokhitdo.”

LEVI 10:3

Jumonü Mosanü Aron ki tha, “Atungpuhnü athakhi ju ha: I phünide arürü abannü I müsühkhitkhi kheak wüntre jihbeah; tüsho mihtsürübo alala ki I müretahshihbeah.” Tüshe Aronnü düsheak makhiukde la.

WÜHKHE 18:5

Tüsho Israel mihtsürü kheak bukakhiukkhi mülaloshihpü thsüde nünü arüngyam tüsho kingaün sadam hahmülang rhimo alala thsang.

MATHI 25:17

Tüsho 2000 leangkhibuhnü she 2000 alü kamshih.

YUNIRÜBO RHIMO 1:17

tümüde api isa bolung kheyuk tüsho ha tankihpü shihcham ching lakheah.”

YUNIRÜBO RHIMO 14:23

Tüsho küyimki arünü borü aban ching azothsürübo tamkhüntamnüde tüsho khümkeak thsüde amokhitkhea, arünü kinde alakhi Atungpuh kilim arübo shuhmülanga jih.

YUNIRÜBO RHIMO 20:28

Nüsa le Amüsüh Menü nüsa aheangrü kamshihkhi namfimihnu boto tüsho api tsührü thiyih hode nihbuh yo kamkhi Thrünpuh borü kümpü kurhangang.

EFISIA 4:11

Tüsho api thsambahbo ju khürü amüsühthsangyurü, khürü wukihrü, khürü thsangyuthsangrarü, khürü namfimihnu neakrü tüsho thsangyurü,

1 TIMOTHI 4:14

Azothsürübonü nü kheak arü khah nimde müchityu thachoki nü kilim jihkhi thsambah dübahyuk.

1 TIMOTHI 4:16

Nü rhangdung tüsho nü thsangyukhi aheangang. Ju kheak ramloang, junangde ju rhimokhi hode nü tüsho nü ki anirü chido khümkhitbah.

1 TIMOTHI 4:6

Nünü harü thsangdankhibo keoniorübo ki thasho, nü ju thiyuro akin tüsho nünü anide alakhi thsangyukhi atsü ching bezokhi, Jisu Khrista tankihrü atsü thsübah.

1 TIMOTHI 6:20

O Timothi, inü nü ki tümü thiyidünü kümkangang. Amükinrü yu tüsho arükchihnü “Mükheahmudu” de ajikhi atsangachihkhibo bahkhiang,

2 TIMOTHI 1:6

Jumonü I khahbo nimkihkhi hode nü kheak lakhi Thrünpuh thsambah takkihloang de inü nü ki thalochoh;

2 TIMOTHI 2:2

tüsho thiyumütsan ahihdo mikinü nünü I kheaknü tümü sodünü püpürü ki thsangyukhukpü thiyuro lakhi mihtsürübo ki thiyiang.

PHILEMON 1:2

tüsho isa keoniorü Applia, isa müyamrü bonungrü Arkipa, tüsho nüsa yam ching lakhi borü kilim: