KOLOSI 4:11 - AMÜSÜH HÜM CL Bible (BSI)

¹¹ tüsho Justa de ajikhi Jisunü she salüm mühahchoh. Thrünpuh kiulongthsü thsungkheak rukhüh rhimorü bolung harü lang tsütabahkhi mihtsürübo ah, tüsho arü ju I mulong shukheam khülang lakheah.

KOLOSI 4:11 Iomraidhean Croise

YUNIRÜBO RHIMO 10:45

Tüsho Peter lung arükhi tsütabahrü bolung akinrübonü müyinsah, tümütüsho khiungkerü kheak she Amüsüh Me dungkih.

YUNIRÜBO RHIMO 11:2

Jumonü küyimki Peter Jirusalem lim wutukhea, tsütabahrübonü api amülim jihde tha,

ROMRÜ KILIM PAULNÜ ATHRÜTKHI KIHÜM HUHTANYU 16:3

Jisu Khrista ching I lung rukhüh rhimorü Priscilla tüsho Aquila büne ki salüm jihang;

ROMRÜ KILIM PAULNÜ ATHRÜTKHI KIHÜM HUHTANYU 4:12

Tüsho api ju tsütabahrü thsungkheak lang yung tüshe api tsütamübahyichoki isa abuh Abraham akin jingshu ching tsahrü tsütabahrü abuh ah.

2 KORINT 6:1

Rukhüh Thrünpuh tankihrü thsükhinü Thrünpuh amüthsüm akeangkeang ching düleangkhi de isanü nüsa ki tuthsukchoh.

EFISIA 2:11

Jumonü kim khülang ching, pang ching khahnü tsütabahrünü nüsa khiungkerü ki shih ching tsütamübahrü de ajikhi lümkhitang–

FILIPI 4:3

Tüsho harü liberübo rungpü nüsa rukhüh rhimorü ki she inü keokhichoh, tümüde arünü Klement tüsho rhangdung hüm ching mungbo thrüta lakhi püpürü I lung rukhüh rhimorü lung thiyusheak-atsü ching banthsangde rhimodo.

KOLOSI 4:7

I rhimo alala dünkheak Tykikanü nüsa ki thabah; api ju amuzhokhi keoniorü, thiyuro tankihrü tüsho Atungpuh lung rukhüh tankihrü ah.

1 TESALONIKA 3:2

tüsho isanü isa keoniorü tüsho Khrista thiyusheak-atsü ching Thrünpuh yamlarü Timothi nüsa akin düküngshihpü tüsho atuthsukpü thiyi,

1 TESALONIKA 3:7

Jumonü keoniorübo, isa lümthsünü tüsho thsümüchi alala ching, nüsa akin hode nüsa dünkheak isa mulong shukheamdo;

TITA 1:10

Tümüde ahihkhüh mihyumanikhi mihtsürü, akeangkeang asukrü tüsho mülapmüjirü, adungto thsüde tsütabahrü bolungnü lah;

PHILEMON 1:1

I Paul, Jisu Khrista dünkheaknü aramrü, tüsho isa keoniorü Timothi kilimnü, Isa rukhüh rhimorü amuzho Philemon

PHILEMON 1:24

Tüsho I lung rhimorü Mark, Aristarka, Dema, tüsho Luknü she ah.