KOLOSI 4:10 - AMÜSÜH HÜM CL Bible (BSI)

¹⁰ I lung rihyam ching lakhi Aristarka tüsho Barnaba phüle Marknü nüsa kilim salüm mühahchoh (Mk dünkheak küde arhimobeanü nüsanü thsangdan ludüle, api nüsa kilim arüsho beyukang),

KOLOSI 4:10 Iomraidhean Croise

YUNIRÜBO RHIMO 12:12

Küyimki api müsükhea, Mark de ajikhi Johan abe Mari yam ching, mihtsürü ahihkhüh mukhunga tamkhüntamnüde alapung yü.

YUNIRÜBO RHIMO 12:25

Tüsho Barnaba le Saul bünenü arü rhimo akuk ngü dunglim, Mark de ajikhi Johan bebah Jirusalem chingnü arülo.

YUNIRÜBO RHIMO 13:13

Paul tüsho api müyamrübo Paphos chingnü hantsahmusu tüsho Pamphylia ching lakhi Perga ching arü. Tüsho Johannü arü zojihbah Jirusalem lim alode yü;

YUNIRÜBO RHIMO 13:5

Küyimki arübo Salami khiungkhea, arünü Jihudarü sinagogbo ching Thrünpuh yu zhiyuk. Tüsho arü rungpü Johan lakheah.

YUNIRÜBO RHIMO 19:29

Jumonü kiuto ju ayingyingnü mide kam; tüsho arünü khiunglün-yam ching nanachihde yüzahbah Paul lung tsahkhi Macedoniarü Gaia tüsho Aristarka arü lungnü yankhit.

YUNIRÜBO RHIMO 20:4

Pyrrha tsührü Berearü Sopaternü api atru; tüsho Tesalonikarü Aristarka tüsho Sekunda; Derberü Gaia tüsho Timothi; tüsho Asiarü Tykika tüsho Trophima.

YUNIRÜBO RHIMO 27:2

Jumonü Adramittium sangkung ching yüzahbah isanü Asia keyeannü bede ayüpü keto ching yüzah. Tesalonika ching lakhi Macedoniarü Aristarka isa lung bekheah.

YUNIRÜBO RHIMO 4:36

Junangde amüsüh-thsangyurübonü Barnaba (amütsan, mulong toshihkhi tsührü), Saipra chingnü azübekhi Levirü Josepnü

ROMRÜ KILIM PAULNÜ ATHRÜTKHI KIHÜM HUHTANYU 16:2

Amüsührünü arhimopü thülünkhi ching, Atungpuh mung chingnü nüsanü alibe leangkhiang, tüsho nüsa kilimnü yihnüpü tümüpürü labanü anihbe rungang, tümüde alibenü ahihkhüh kilim tüsho I she rungde arüdo.

ROMRÜ KILIM PAULNÜ ATHRÜTKHI KIHÜM HUHTANYU 16:7

I keoniorü tüsho rukhüh aramrübo Andronika tüsho Junia ki salüm jihang; ane ju amüsüh-thsangyurü bolung amükheahkhi tüsho I müngüh Khrista ching lakheah.

2 TIMOTHI 4:11

Luk lang I lung lah. Nü lung Mark bebah arang; tümüde I rungpü ching api khide yihnüpü lah.

PHILEMON 1:23

Jisu Khrista ching I lung rukhüh aramrü Epaphranü nü kilim salüm mühahchoh,

PHILEMON 1:24

Tüsho I lung rhimorü Mark, Aristarka, Dema, tüsho Luknü she ah.

1 PETER 5:13

Thrünpuhnü mokhitkhi Babilon ching lakhi borü tüsho I tsührü Marknü nüsa kilim salüm mühahchoh.