KOLOSI 3:4 - AMÜSÜH HÜM CL Bible (BSI)

⁴ Küyimki isa rhangdung lakhi, Khrista akhiukbanü, nü she müretahkhi ching api lung akhiukbah.

KOLOSI 3:4 Iomraidhean Croise

MUNGSHIKHÜN 17:15

I thsungkheak a, inü nü miro thiyuro-lungki ching ngübah; küyimki I asürübanü nü jak ngükhi hode I reangkeambah.

MUNGSHIKHÜN 73:24

Nü lümthiyannü I bebah, tüsho ju dunglim müretahkhi lim I leangkhia lubah.

MATHI 13:43

Judüki thiyurolungkirü arü Abuh kiulongthsü ching ani nangde atahbah. Nüsa nükhün kihlasho aniang.

LUKNÜ ATHRÜTKHI THIYUSHEAK-ATSÜ HUHTANYU 17:30

Mihtsürü Tsührü amikheak akhiukkhi nimung ching junangde alabah.

JOHAN 11:25

Jisunü alibe ki tha, “I arhang kamlokhi tüsho rhangdung. Shepünü I kheak kinchonü, api shea lalashe arhang labah.

JOHAN 14:3

Tüsho nüsa thsungkheak lapung thsakhampü I yüsho, I alode arübah tüsho I kilim nüsa bea lubah; junangde I küching labanü, nüsa she ju ching labah.

JOHAN 14:6

Jisunü api ki tha, “I limro, thiyuro tüsho rhangdung. I hode yungsho shenü she I Buh kilim marüchoh.

JOHAN 17:24

Abuh, nünü I kilim jihrü she I lapung I lung lashihnelah, junangde nünü I kilim jihkhi I müretah ngübah; tümüde alomi khimtan müngühnü nünü I muzho.

JOHAN 20:31

tüshe Jisu ju Khrista, Thrünpuh tsührü de nüsanü akinpü thsüde, tüsho akinkhi hode api mung ching nüsa rhangdung lapü thsüde harü thrüta lah.

YUNIRÜBO RHIMO 3:15

tüsho Thrünpuhnü ashe chingnü arhang kamloshihbuh, rhangdung Putungpuh laksah. Ha thsungkheak isa thiyumütsanbo ah.

ROMRÜ KILIM PAULNÜ ATHRÜTKHI KIHÜM HUHTANYU 8:18

Kheakü isa thsünükhibo ha isa ki akhiukpü lakhi müretah lung akepü müthülün de inü lümchoh.

ROMRÜ KILIM PAULNÜ ATHRÜTKHI KIHÜM HUHTANYU 8:19

Thrünpuh tsührübo thsungkheak amikheak akhiukpü thrüna lakhi alalanü mulong dukde aleanglah;

1 KORINT 1:7

junangde isa Atungpuh Jisu Khrista amikheak akhiukpü nüsanü aleangkhi ching me thsambah tümü ching she nüsa muzholüm;

1 KORINT 15:43

Wüntre mülakhi ching hiuchoh, müretah ching asürüchoh. Reangmüzahkhi ching hiuchoh, wu ching asürüchoh.

2 KORINT 4:17

Tümüde ha anükhühkheak thsünükhi junü makekhukkhi akheam müla müretah isa thsungkheak thsakhamde lah.

GALATIA 2:20

I Khrista lung yümkih tüsho kheaküa I müla, tüshe Khrista I kheak lah. Pang ching I rhangdung lakhi ju, I muzhobuh tüsho I thsungkheaknü api jihabahbuh Thrünpuh tsührü lung akin hode lah.

FILIPI 3:21

Apinü anihbuh yakzan bukkhüp lüpdükhi hande arükhukkhi wu hode isa reangmüzahkhi pang müthrijihbah tüsho müretahkhi api pang nangde akamshihbah.

1 TESALONIKA 4:17

judüki isa aninga larü, thüning ching Atungpuh shorupü arü lung amo ching rukhüh bemukhungbah tüsho isa lünnü Atungpuh lung labah.

1 TIMOTHI 6:14

isa Atungpuh Jisu Khrista marüyi khiungde areak yungsho mungchih mülade ha yukhüm zopü inü nü ki tuthsukchoh;

2 TIMOTHI 1:1

Jisu Khrista ching lakhi alokhikhi rhangdung yande Thrünpuh lümkhi hode Jisu Khrista amüsüh-thsangyurü Paul kilimnü,

2 TIMOTHI 4:8

Kheakü Atungpuh, thiyuro-lungki mahkhapbuhnü ju nimung I kilim thsambah jihpü zowupung ching thiyuro-lungki kuthranbo zojihlah–I kilim lang yung tüshe api arüpü lakhi muzhode aleangrü alala kilim she ah.

TITA 2:13

isa müngühmühi mulonglam aleangpü, isa ato Thrünpuh tüsho akhümkhitrü Jisu Khrista müretah akhiukpü thaa huhdo.

IBRI 9:28

ahihkhüh neak hanpü Khrista khülangki jihkhi ju, neak phüpü yung tüshe mulong dukde api aleangrü khümkhitpü mahne kipü arübah.

1 PETER 1:13

Jumonü rhimopü thsungkheak nüsa lümkhi thsakhamang, nihbuh danyukang, Jisu Khrista amikheak akhiukchoki nüsa kilim amüthsüm arüpü lakhi kheak nüsa mulonglam alala zoang.

1 PETER 5:4

Tüsho küyimki namfimihnu neakrü atobuh arübanü amükheambe müretah kuthran nüsanü angübah.

1 JOHAN 2:28

Tüsho kheakü azürübo, api kheak laang, junangde api amikheak akhiukchoki isa mulongram labah tüsho api arüchoki api miki achih müngü.

1 JOHAN 3:2

Amuzho müyamrübo, isa Thrünpuh tsührübo ah; isa künangde alabeanü amikheak makhiukyi, tüshe küyimki api amikheak akhiukbanü, isa ju api nangde alabah de isanü mükheahlah, tümüde api küjuanü isanü api ngübah.

1 JOHAN 5:12

Shepü atsührü lanü rhangdung lah; shepü Thrünpuh tsührü mülanü rhangdung müla.

JUDNÜ ATHRÜTKHI KIHÜM HUHTANYU 1:24

Kheakü nüsa mangakde akümpü tüsho areak mükihde api müretah miki asühachihde nüsa yüshihbuh kilim,

AMIKHEAKAKHIUKKHI 2:7

Shepü nükhün kihlanü, Menü borübo ki tümü thachonü apinü aniang. Akuk ngübuh kilim Thrünpuh sühakhimpung ching lakhi rhangdung sangdung aso tsühpü inü mülüjihbah.’

AMIKHEAKAKHIUKKHI 22:1

Judüki apinü I ki huhkhi ju rhangdung ke ayung, lungmüsang nangde, Thrünpuh kiulongthsü-binkiu tüsho Namfimihnunu kilimnü bukde

AMIKHEAKAKHIUKKHI 22:14

Arünü rhangdung sangdung ki alim lapü tüsho ripitbo hode kiuto ching yüzahpü thsüde sherü shulünkhimbo müsühchonü müngühmühi.