KOLOSI 3:23 - AMÜSÜH HÜM CL Bible (BSI)

²³ Nünü tümüpürü rhimobanü, mihtsürü thsungkheak yungde, Atungpuh thsungkheak rhimokhi nangde nü mulong alalanü rhimoang,

KOLOSI 3:23 Iomraidhean Croise

2 KIUTHSÜYUKHEAN 31:21

Apinü Thrünpuh yam ching tankih rhimo aban tüsho api Thrünpuh yimpü yakzan tüsho thiyukhümbo yankhi ching, apinü mulong alalanü rhimo; tüsho apinü akuk ngü.

MUNGSHIKHÜN 103:1

Atungpuh shiang, O I me; tüsho I kheak lakhi alala, api amüsüh mung shiang!

MUNGSHIKHÜN 119:10

I mulong athrünkhinü inü nü yimdo; O, I nü yukhümbo chingnü dakhinshih!

MUNGSHIKHÜN 119:145

Inü I mulong athrünkhinü zhichoh; I ki aniang, O Atungpuh ! Inü nü yakzan thsükhibo zobah.

MUNGSHIKHÜN 119:34

I kilim anikhitpü jihang, tüsho inü nü yakzan zobah; atsütsü, inü ju I mulong athrünkhinü aleangkhibah.

T H S AN GYU T H S AN GR ARÜ 9:10

Tümüpürü nü khahnü arhimopü ngübanü, mürangde rhimoang; tümütüsho nü yüde alakhi Ashe-lomi ching rhimo yungsho lümkhi yungsho mükheahmudu yungsho lümlung müla.

JEREMIA 3:10

Tütüshe dükde mülakhi anihbe achi Judanü mulong athrünkhinü I kilim malodarü, tüshe rüklimnü lang ah, Atungpuhnü thachoh.

MATHI 6:16

“Küyimki nünü khümkeak thsübanü, yiuhkhaprübo nangde jak mitinga dühuh tümüde arünü mihtsürübo ki arü khümkeak thsükhi huhpü arü mirobo müneanchoh. Inü nüsa ki thiyuro thachoh, arü thsambah ngüabahdo.

ROMRÜ KILIM PAULNÜ ATHRÜTKHI KIHÜM HUHTANYU 14:6

Shepünü nimung leangkhichonü, Atungpuh wüntrekhi chingnü leangkhichoh. Shepünü tsühchonü Atungpuh wüntrekhi chingnü tsühchoh, tümütüsho apinü Thrünpuh kilim makshe jihchoh; shepünü mütsühnü Atungpuh wüntrekhi chingnü mütsühchoh tüsho Thrünpuh kilim makshe jihchoh.

ROMRÜ KILIM PAULNÜ ATHRÜTKHI KIHÜM HUHTANYU 14:8

Isa lasho, isa Atungpuh thsungkheak lachoh; tüsho isa shesho Atungpuh thsungkheak shechoh. Jumonü isa lala she yungsho sheshe she, isa ju Atungpuh yo ah.

EFISIA 5:22

Niuberübo, Atungpuh ki nangde nüsa niubuhrü bukkhüp laang.

KOLOSI 3:17

Tüsho nüsanü tümüpürü rhimobeanü thiyu yungsho rhimo thsüthsü, Abuh Thrünpuh kilim api hode makshe jihde lüpdükhi Atungpuh Jisu mung chingnü rhimoang.

1 PETER 1:22

Mulong jihde keoniorübo muzhopü thsungkheak nüsanü thiyuro ching mihyuanikhi hode nüsa mebo tsangkhitde khülangnü khülang mulong ching tsüde muzhoachihang.

1 PETER 2:13

Atungpuh thsülimnü nüsanü mihtsürü thiyukhüm-sühmüh aban bukkhüp laang: thiyukhüm-sühmüh atobe kiulongthsürü,

1 PETER 2:15

Tümüde alim rhimokhinü makha mihtsürü yakli mümükheahde athakhi nüsanü zhikde akamshihpü Thrünpuh lümkhi lah.