KOLOSI 3:19 - AMÜSÜH HÜM CL Bible (BSI)

¹⁹ Niubuhrübo, nüsa niuberübo muzhoang, tüsho arü kheak müküpde düla.

KOLOSI 3:19 Iomraidhean Croise

THRÜNTAN 24:67

Judüki Isaknü alibe ju abe Sara khimyam ching bede yüzah; apinü Rebeka bea lu tüsho aniube kam, tüsho apinü anihbe muzho. Jumonü abe sheabah dunglim Isak mulong shukheam.

T H S AN GYU T H S AN GR ARÜ 9:9

Alomiküp ching Thrünpuhnü nü kilim jihkhi akeangkeang rhangdung nimungbo alala ching nünü muzhokhi nü yamkhünbe lung asühang, tümütüsho ju alomiküp ching nü rhimo tüsho rhangdung ching nü shihcham lah.

LUKNÜ ATHRÜTKHI THIYUSHEAK-ATSÜ HUHTANYU 14:26

“Khürünü I dunglim arübah abuh, abe, aniube, atsührübo, khiungmungrü le chiniurü, tüsho nihbuh rhangdung she müthraneansho, api I jingyanrü thsüpü müthülün.

ROMRÜ KILIM PAULNÜ ATHRÜTKHI KIHÜM HUHTANYU 3:14

Arü mün athruajibo tüsho akhühnü milah.

EFISIA 4:31

Akhüh, mulong zhipzhip, bukakhiuk, alanaji tüsho dünthamungtha athsümünim alala bede bahang,

EFISIA 5:25

Niubuhrübo, Khristanü borü muzhode anihbe thsungkheak api jihkhi nangde nüsa niuberübo muzhoang,

EFISIA 5:33

tüshe nüsa mihbüm abannü nihbuh nangde niuberü muzhobeah, tüsho niuberünü nihbe niubuhrü muzhobeah.

KOLOSI 3:21

Buhrübo, nüsa tsührübo bukdakhiukshih, jude yungsho arü mulong ninide akambah.

JAKOB 3:14

Tüshe nü mulong ching mükthsü akhüh, tüsho mükhütmüra lasho, ju dünkheak dükükheang tüsho thiyuro düreanglo.

1 PETER 3:7

Niubuhrübo, junangde nüsa niuberü lung anikhitkhinü laang, tüsho reangmüzahkhi nüsa atrurü tüsho nüsa lung shoto rhangdung thsambah yamrüplurüp lurü nangde arü ki akin jiang, junangde nüsa tamkhüntamnü tümünü she müzhipdo.