KOLOSI 3:13 - AMÜSÜH HÜM CL Bible (BSI)

¹³ khülangnü khülang arümkheamachihde, tüsho khürünü püpürü azhihde atsangpü lasho, neak bahachihang; Atungpuhnü nüsa neak bahjihkhi nangde nüsanü she neak bahjihbeah.

KOLOSI 3:13 Iomraidhean Croise

MÜCHITMUDU 19:11

Mihtsürü lümlungnü api arümkheam jihchoh; tüsho amülim thsükhi amümürang thsükhi ju api müretahkhi lah.

MATHI 5:44

Tüshe inü nüsa ki thachoh: Nü riribo muzhoang tüsho nü thsümüchirü thsungkheak tamkhüntamnüjang,

MATHI 6:12

isanü isa mahputungrü neak bahjihkhi nangde, isa mah she bahjang;

MARK 11:25

Tüsho küyimki nü zhipbah tamkhüntamnüba, khürü kheak nü azhihkhi tümükhüh lasho, api neak bahjang, junangde yinmi ching nü Buhnü she nü neak bahjihbah.

LUKNÜ ATHRÜTKHI THIYUSHEAK-ATSÜ HUHTANYU 11:4

Isa azhihde neak yihbeakrü ki isanü neak bahjihkhi nangde isa neakbo bahjang. Tüsho rükakinü isa dübeshih, tüshe amütsübe chingnü isa bekhitang.’ ”

LUKNÜ ATHRÜTKHI THIYUSHEAK-ATSÜ HUHTANYU 23:34

Judüki Jisunü tha, “Abuh, arü neak bahjang, tümütüsho arünü tümü rhimochonü mümükheah.” Tüsho arünü azan thsüde api khimmihbo chama lu.

ROMRÜ KILIM PAULNÜ ATHRÜTKHI KIHÜM HUHTANYU 15:7

Khristanü Thrünpuh müretahpü thsungkheak nüsa leangkhikhi nangde khülangnü khülang leangkhiang.

2 KORINT 2:10

Nüsanü sherü neak bahjihchonü, inü she neak bahjihchoh. Inü tümükhüh neak bahjihsho, Khrista miki nüsa thsülimnü ju neak bahjihbah,

2 KORINT 6:6

atsangkhitkhi, mükheahmudu, arorikhi, amuzho, Amüsüh Me, atsütsü amuzho,

GALATIA 6:2

Khülangnü khülang hahmülang hanrungachihang, tüsho junangde Khrista yakzan dünjishang.

EFISIA 4:2

azhihayihde tüsho tsüyihde, arümkheamde, amuzho ching khülangnü khülang arümkheamachihde,

EFISIA 4:32

tüsho Khrista ching Thrünpuhnü nüsa neak bahjihkhi nangde khülangnü khülang neak bahachihde, amuzho mulongnü khülangnü khülang muzhoachihang.

EFISIA 5:2

Tüsho Khristanü isa muzhode tüsho isa thsungkheaknü rhümthüneade Thrünpuh kilim api shuhmülanga jihkhi nangde amuzho ching laang.

KOLOSI 3:12

Thrünpuhnü mokhitkhi, amüsüh tüsho amuzhokhi a le, amuzho, tsüyihkhi, aninirü kamkhi, azhihayih tüsho arümkheam yihang,

JAKOB 2:13

Tümüde mihmüthsüm muhuhrü ki mahkhapkhinü mihmüthsüm mülachoh; tütüshe mihmüthsümnü mahkhap kurungkheak kukchoh.

1 PETER 2:21

Tümüde nüsa ha ching jikheah, tümütüsho nüsanü api jingshu ching yanpü amütsan zojihde Khrista she nüsa dünkheaknü thsünü.