KOLOSI 2:9 - AMÜSÜH HÜM CL Bible (BSI)

⁹ Tümüde api kheak abanathsangkhi Thrünpuh pangnü lachoh,

KOLOSI 2:9 Iomraidhean Croise

ISAIA 7:14

Jumonü Atungpuhnü nü kilim amütsan khülang jihbah. Kheahang, anünürü khülang mübünkeangde akambah tüsho tsührü khülang zübebah, tüsho api mung Immanuel de ajibah.

MATHI 1:23

Kheahang, atsangkhitkhi khülang mübünkeangde akambah tüsho tsührü khülang zübebah, tüsho arünü api mung Immanuel de ajibah, ju amütsan, “Thrünpuh isa lung lah.”

LUKNÜ ATHRÜTKHI THIYUSHEAK-ATSÜ HUHTANYU 14:22

Tüsho yamlarünü tha, ‘Atungrü, nünü thiyukhüm jihkhi nangde rhimodo, tüsho kheaküshe binpung lah.’

LUKNÜ ATHRÜTKHI THIYUSHEAK-ATSÜ HUHTANYU 3:22

tüsho müthrithrümpü nangde Amüsüh Me api kheak aki, tüsho yinmi chingnü düsheak khülang arü, “Nü inü amuzhodakkhi tsührü; nü kheak inü tsüde mulong keamchoh.”

JOHAN 1:14

Thiyu ju shih kam tüsho isa bolung la, tüsho mihmüthsüm le thiyuronü mide alakhi lapkhiung tsührü müretah isanü ngü.

JOHAN 1:16

Tüsho api kim khiukkhi ching isanü müngühmühi kheaknü müngühmühi leangkhi.

JOHAN 10:30

I tüsho I Buh khülang ah.”

JOHAN 10:38

tüshe inü rhimosho, nüsanü I mükina lalashe, rhimobo kinang, junangde I Buh I kheak lah tüsho l api kheak lah de nüsanü amükheahbah tüsho akinbah.”

JOHAN 14:20

Ju nimung I Abuh kheak lah, nüsa I kheak lah, tüsho I nüsa kheak lah de nüsanü amükheahbah.

JOHAN 17:21

junangde nü, Abuh I kheak, tüsho I nü kheak lakhi nangde arü alala khülang labah; isa nangde arü she khülang labah, junangde nünü I thiyikheah de alominü akinbah.

JOHAN 2:21

Tüshe apinü api pang arüngyam dünkheak thade alakheah.

YUNIRÜBO RHIMO 17:29

Jumonü Thrünpuh tsührübo a le, isanü aphü ju suna, shotoyinchi, lung, kikiukkhi tüsho mihtsürü lümkhi nangde ah de mülümbeah.

2 KORINT 5:19

juju mihtsürübonü arü azhihde neak yihbeakkhi mükhede Thrünpuhnü alomi ju Khrista ching anihbuh kilim tsüarihshih. Tüsho apinü isa kilim tsüarihkhi yusheak jihdo.

KOLOSI 1:19

Tümüde api kheak Thrünpuh khiukdahkhi alala lapü asüh,

1 TIMOTHI 3:16

Isanü alokhikhi isa kingaün aramyu ato lah: Api shih ching akhiuk, me ching alim mütsanjih, yunirübonü ngü, trükshih bolung thsangyuthsangra, alomi alala chingnü kin, müretahkhi ching bekih-a lu.

TITA 2:13

isa müngühmühi mulonglam aleangpü, isa ato Thrünpuh tüsho akhümkhitrü Jisu Khrista müretah akhiukpü thaa huhdo.

1 JOHAN 5:20

Thrünpuh tsührü arüdo tüsho thiyuro lakhi api mükheahpü isa kilim anikhitkhi jihdo de isanü mükheahlah; tüsho thiyuro lakhi, api tsührü Jisu Khrista kheak isa lah. Ha thiyuro Thrünpuh tüsho lün rhangdung.

1 JOHAN 5:7

Tüsho Me ju thiyumütsan lah, tümütüsho Me thiyuro ah.