KOLOSI 2:8 - AMÜSÜH HÜM CL Bible (BSI)

⁸ Khrista yungde mihtsürü lalim tüsho alomiküp yuzüng yande lümlung-yu akeangkeang tüsho mülapyukbe hode shenü she nüsa mümünityukpü kümkangang.

KOLOSI 2:8 Iomraidhean Croise

KHÜNBOLUNGKHÜN 2:15

Rimrebo ramang, rimre nunubo, küpünü kurungasolu thsümünimcho– tümüde isa kurungasolubo pungkhitde lah.”

JEREMIA 29:8

Tümüde Wuto Atungpuh , Israel Thrünpuhnü ha thachoh: Nüsa lung larü wukihrü tüsho müchitrübonü nüsa dümülapyukshih, tüsho arünü milim mikhi nüsanü dani,

MATHI 10:17

Tüshe mihtsürübo dünkheak kümkangang, tümüde arünü nüsa kiuthsü-binkiubo kilim jihbah tüsho sinagogbo ching nüsa rhapbah.

MATHI 16:6

Judüki Jisunü arü ki tha, “Pharisirü tüsho Sadukirü phaüm dünkheak atünadoang.”

MATHI 7:15

“Arükchih wukihrübo dünkheak kümkangang; arünü namfimihnu küp yihbah nüsa kilim arüchoh tüshe alung ching a arübo ju amütsü rimrebo ah.

YUNIRÜBO RHIMO 17:18

Epikur tüsho Stoik lümlung-yimrü khürünü she api shoru. Tüsho khürünü tha, “Mudukmükerünü tümü thacho?” Püpürünü tha, “Apinü khiungkerü thrünpuhbo dünkheak thachoh khunuh.” Arünü ha tha tümütüsho Paulnü Jisu tüsho arhang kamlokhi dünkheak thsangyuthsangra.

YUNIRÜBO RHIMO 17:32

Küyimki arünü asherü arhang kamlokhi dünkheak sokhea, khürünü münejih; tüshe püpürünü tha, “Ha dünkheak kheaküshe isanü nü ki anibah.”

ROMRÜ KILIM PAULNÜ ATHRÜTKHI KIHÜM HUHTANYU 16:17

Keoniorübo, nüsa ki thsangyukhi akin-yakzan azhihde achamnak tüsho küpkhuk rhimorü mütsanpü nüsa ki tuthsukchoh; arü kheaknü chamkhiang.

1 KORINT 10:12

Jumonü shepünü zhiplah de lümchonü mulungpü thsüde kümkangang.

1 KORINT 8:9

Tütüshe nüsanü zuzude arhimokhinü reangmüzahrü ki jingmükhelung mükampü kümkangang.

2 KORINT 10:5

Thrünpuh mükheahmudu lim atsangachih tüsho lülüshishi limkhudo aban isanü thsümünimchoh, tüsho lümkhi aban Khrista yu anipü ramde arüchoh.

GALATIA 1:14

I thülün Jihudarü ahihdo kheaknü Judea ching I müngüh ajindo tüsho I buh pürü lalim-yakli thsungkheak khide mulong jihdo.

GALATIA 4:3

Junangde küyimki isa azürü lakheanü alomi yuzüng bukkhüp lakheah.

GALATIA 4:9

tüshe kheakü, nüsanü Thrünpuh mükheahdo, yungsho Thrünpuhnü mükheahdo, küde thsah nüsanü jurü bukkhüp azhorü kamlopü reangmüzahkhi tüsho achimudo yuzüngbo lim rholoba?

GALATIA 5:15

Tüshe nüsanü nguhachihde tüsho tsühachihsho, khülangnü khülang mütsühkhamachihpü thsüde kümkangang.

EFISIA 2:2

küpü ching nüsanü khülangki ha lomi limro, apung wu yakzanshuhrü, kheakü mihyumanikhi tsührübo kheak rhimode alakhi me yande atsahkhea,

EFISIA 4:20

Nüsanü Khrista manikhitdebahdo!

EFISIA 5:6

Shenü she thiyu akeangkeangnü nüsa dümülapyukshih, tümüde hadürü hode mihyumanirübo kheak Thrünpuh mulong zhipzhip arüchoh.

YUZÜNGTHALO 6:12

nüsa Ijip lo, azhorü kuhi chingnü abekhitbuh Atungpuh mümihpü kümkangang.

FILIPI 3:2

Khihnubo, amütsü rhimorü, shih thsümünimrü aheangang.

KOLOSI 2:18

Michihbo, arükchih azhihayih tüsho yunirübo kingaünkhi hode ato khea lurünü nüsa dübahyukshih. Tümü amütsan mülade, hadürü mihtsürü nihbuh lümkhinü sheak dükipchoh

KOLOSI 2:20

Khrista lung nüsa ha lomi yakliyakko ching shekheasho, nüsanü tümüde kheakü khiungde alomi yo nangde lacho le? Tümüde nüsanü hadürü yuzüngbo anicho,

KOLOSI 2:22

Rhimode harü alala dükheakpü thsülah, tümütüsho jurübo mihtsürü yukhüm tüsho thsangyukhibo kheak ningkihlah.

KOLOSI 2:23

Harü yuzüngbo ju arünü arochihde yunirübo kingaünkhi, arükchih azhihayih, tüsho pang thsümünimkhi ching a lümlung kheak ningkihkhi nangde lah, tüshe shihnü akünkhi danyukpü ching a tümü adungto müla.

1 TIMOTHI 6:20

O Timothi, inü nü ki tümü thiyidünü kümkangang. Amükinrü yu tüsho arükchihnü “Mükheahmudu” de ajikhi atsangachihkhibo bahkhiang,

2 TIMOTHI 3:13

mihtsürü amütsü tüsho rükmütsürü a mülapyukde tüsho mülapyukabahde amütsü chingnü amütsübe kambah.

IBRI 13:9

Aphuaphu tüsho aso thsüde thsangyukhibonü dübephülapshih; sherünü tsühchonü arü ki alü mülakhi arüngako tsühyungbenü yungde amüthsümnü isa mulong düküngshihkhi ju atsü ah.

IBRI 3:12

Keoniorübo, kümkangang, jude yungsho nüsa bolung mükinkhi mulong khürünü nüsa arhang Thrünpuh kheaknü bekhide atsobah.

1 PETER 1:18

Nüsa jipürü kheaknü yamrüplurüp lukhi akeangkeang limrobo chingnü, adükheakbe shotoyinchi yungsho sunanü yungde nüsa rhokhitkheah de nüsanü mükheahlah,

2 PETER 3:17

Jumonü amuzho müyamrübo, nüsanü ha mükheahla le, mihbukmuyuk mihtsürü amülimnü nüsa bede mutsopü tüsho nüsa düküngkhi chingnü mangakpü kurhangang.

2 JOHAN 1:8

Nüsanü arhimokhi dün müdükheakde nüsa thsambah suhdahde angüpü kurhangang.