KOLOSI 2:4 - AMÜSÜH HÜM CL Bible (BSI)

⁴ Shenü she thiyu akenü nüsa mümülapyukshihpü inü ha thachoh.

KOLOSI 2:4 Iomraidhean Croise

MATHI 24:24

Tümütüsho arükchih Khristabo tüsho arükchih wukihrübo akhiukbah tüsho kuksho amokhitrü she bede mülapyukpü amütsan atobe tüsho amüyinsahbebo rhimobah.

MATHI 24:4

Jisunü arü ki alo, “Shenü she nüsa mümülapyukshihpü kurhangang.

MARK 13:22

Tümütüsho arükchih Khristabo tüsho arükchih wukihrübo akhiukbah tüsho kuksho amokhitrü she mülapyukpü amütsanbo tüsho amüyinsahbebo huhbah.

YUNIRÜBO RHIMO 20:30

tüsho nüsa bolungnü she akeangyu thaa akinrübo arü dunglim yüshihpü mihtsürü akhiukbah.

1 KORINT 2:4

tüsho I yu thakhi le I yusheak ju thiyu-ake tüsho lümlung yu chingnü yung, tüshe Me tüsho wu huhpü lakheah,

2 KORINT 11:3

Tüshe inü trejihde alakhi ju phurutonü arük hode Eve mülapyukkhi nangde, lümrhangkhi tüsho Khrista kilim shuhmülanga jihkhi chingnü nüsa lümkhibo bephülapde atsobah.

GALATIA 2:4

Arükchih keoniorü khürünü isa rukhüh ah de thsübah Khrista ching isa zuzu lakhi yimkhitpü tüsho isa azhorü kamshihpü rhimokhi dünkheaknü hadürü akhiukkheah.

EFISIA 4:14

junangde kheaküa isa thsunga yüla arüla de tüsho kingaün-yakzan apungnü yünde, arü rük amütsü ching azürü nangde müla.

EFISIA 4:17

Kheaküa khiungkerü amüthülünkhi lümkhi nangde nüsa düla de inü Atungpuh mung chingnü mütsande thachoh;

EFISIA 5:6

Shenü she thiyu akeangkeangnü nüsa dümülapyukshih, tümüde hadürü hode mihyumanirübo kheak Thrünpuh mulong zhipzhip arüchoh.

KOLOSI 2:18

Michihbo, arükchih azhihayih tüsho yunirübo kingaünkhi hode ato khea lurünü nüsa dübahyukshih. Tümü amütsan mülade, hadürü mihtsürü nihbuh lümkhinü sheak dükipchoh

KOLOSI 2:8

Khrista yungde mihtsürü lalim tüsho alomiküp yuzüng yande lümlung-yu akeangkeang tüsho mülapyukbe hode shenü she nüsa mümünityukpü kümkangang.

2 TIMOTHI 2:16

Amükinrü yu thakhibo bahkhiang, tümüde junü mihtsürübo alü amükinrü yakli lim bebah,

2 TIMOTHI 3:13

mihtsürü amütsü tüsho rükmütsürü a mülapyukde tüsho mülapyukabahde amütsü chingnü amütsübe kambah.

1 JOHAN 2:18

Azürübo, ha akheam kim ah; Khrista azhihrü arüchoh de nüsanü asokhi nangde kheakü Khrista azhihrü ahihkhüh arüdo; jumonü ha akheam kim ah de isanü mükheahlah.

1 JOHAN 2:26

Sherünü nüsa mülapyukpü lanü ju dünkheak inü nüsa ki thrütchoh;

1 JOHAN 4:1

Amuzho müyamrübo, me alala kheak dükin, tüshe mebo ju Thrünpuh kilimnü a shi yungnü rükakheahang; tümüde arükchih wukihrübo ahihdo alomi ching akhiukdo.

2 JOHAN 1:7

Jisu Khrista mihtsürü kambah arükhi müleangkhipü lakhi mihtsürübo, mülapyukrü ahihdo alomi ching wukhiukdo; hadürü ju mülapyukrü tüsho Khrista azhihrü ah.

AMIKHEAKAKHIUKKHI 12:9

Tüsho dragon ato, ju jipü phuruto, Amünean tüsho Arimri de ajikhi, alomiküp athrünkhi mülapyukbuh ju api lung anihbuh yunirübo bede alomi ching jipkhia bah.

AMIKHEAKAKHIUKKHI 13:8

Alomi ching larü, thrüna lakhi alomi chingnü alaksahkhi Namfimihnunu rhangdung hüm ching mung thrüta mülarü alalanü shiwüh ju kingaünbah.

AMIKHEAKAKHIUKKHI 20:3

tüsho trükshihbo mümülapyukshihpü thsüde api ju alokhünbit ching jipyukbah rih tüsho yümdo. Ju dunglim api ju anükhüh thsungkheak dükhepü lah.

AMIKHEAKAKHIUKKHI 20:8

tüsho alomi thrip phüyi ching lakhi trükshihbo mülapyukpü, Gog tüsho Magog thirithsü bemukhungpü akhiukbah; arü khekhi ju keto loyi nangde lah.