KOLOSI 2:22 - AMÜSÜH HÜM CL Bible (BSI)

²² Rhimode harü alala dükheakpü thsülah, tümütüsho jurübo mihtsürü yukhüm tüsho thsangyukhibo kheak ningkihlah.

KOLOSI 2:22 Iomraidhean Croise

ISAIA 29:13

Atungpuhnü tha: Tümütüsho harü mihtsürünü arü münnü phünide arüchoh tüsho arü münküpnü I wüntrechoh, tüshe arü mulong a I kheaknü limshulah, tüsho arü kingaünkhi ju mihtsürü yukhüm lümkangyunü anikhitkhi lah;

ISAIA 29:18

Ju nimung nükhünpeangrünü thrütqiu yubo sobah, tüsho azhingdokhi tüsho amiting chingnü müktukrü müknü angübah.

DANIEL 11:37

Apinü api jipürü thrünpuh yungsho aliberübonü amuzhokhi ki manijih; apinü püpü thrünpuh ki akin müjih, tümüde apinü alala kheaknü anihbuh atobe de alümbah.

JOHAN 6:27

Adükheakpü lakhi tsühyungbe thsungkheak yung, tüshe Mihtsürü Tsührünü nüsa jihpü lakhi akheam müla rhangdung rünkhiungpü tsühyungbe thsungkheak rhimoang, tümütüsho Abuh Thrünpuhnü api kheak anihbuh amütsan yümkih-a lah.”

1 KORINT 6:13

“Tsühyungbe ju buk thsungkheak tüsho buk ju tsühyungbe thsungkheak”–tüshe Thrünpuhnü ane chido dükheakshihbah. Pang ju müzammüram thsungkheak adungto yung, tüshe Atungpuh thsungkheak, tüsho Atungpuh ju pang thsungkheak.

KOLOSI 2:21

“Ha dürhimo, ha düthsüakheah, ha düqiu”?

TITA 1:14

tüsho Jihudarü yo mümütsankhi yukhean yungsho thiyuro bahyukrü yukhümbo manide alabah.

2 PETER 2:12

Tüshe harü mihtsürünü arünü manikhitkhibo ching mükhemükimchoh. Arübo bukmüke shiwühbo yakli nangde, aphuhpü tüsho asheshihpü lang zübea lah, tüsho shiwühbo nangde arü she adükheakbah.

AMIKHEAKAKHIUKKHI 17:18

Tüsho nünü angükhi aliberü ju alomi kiulongthsürübo kurungkheak yakzan shuhkhi ato kiuto ah.”