KOLOSI 2:19 - AMÜSÜH HÜM CL Bible (BSI)

¹⁹ tüsho Thrünpuhnü azoshihkhi pang abümnü, amüchinbo tüsho sühbonü tholobah alakhi yo aku kheak düküngde mutholo.

KOLOSI 2:19 Iomraidhean Croise

LUKNÜ ATHRÜTKHI THIYUSHEAK-ATSÜ HUHTANYU 5:38

Tüshe yukhu amühdo ju shihküpkeluh aso ching yukbeah.

JOHAN 17:21

junangde nü, Abuh I kheak, tüsho I nü kheak lakhi nangde arü alala khülang labah; isa nangde arü she khülang labah, junangde nünü I thiyikheah de alominü akinbah.

YUNIRÜBO RHIMO 4:32

Kheakü akinrü borü ju mulong tüsho me khülang lakheah, tüsho shenü she nihbuh kukruk ju api yo ah de mütha, tüshe lüpdükhi rukhüh yo lakheah.

ROMRÜ KILIM PAULNÜ ATHRÜTKHI KIHÜM HUHTANYU 11:17

Akhimkhi oliv-dung khürü akhah yihshak, tüsho ju ching mütüm oliv-dung khah müchin. Nüsa khiungkerü ju mütüm oliv-dung kiphahlah, tüsho kheakü nüsanü Jihudarü rhangdung me düküngkhi ching shihcham luchoh.

1 KORINT 1:10

Keoniorübo, nüsa alala arihakode nüsa bolung achamnak mülapü tüsho lümkhi rukhüh tüsho zanzhak rukhüh ching arihakopü inü nüsa ki tuthsukchoh.

1 KORINT 11:3

Tüshe mihtsürü aban kurungkheak aku ju Khrista, aliberü kurungkheak aku ju aniubuh, tüsho Khrista kurungkheak Thrünpuh ah de nüsanü anikhitshihnelah.

1 KORINT 3:6

Inü khim, Apollonü ke duh, tüshe Thrünpuhnü toshih.

EFISIA 1:22

tüsho apinü alala api jing khüp yüzahshih, tüsho borü thsungkheak alala kumung api aku kamshih.

EFISIA 1:23

Borü ju Khrista pang, alala mishihbuh api abanathsangkhi lah.

EFISIA 2:21

api kheak atrung alala rukhüh müchinru tüsho Atungpuh lung amüsüh arüngyam ching zokihkhi lah;

EFISIA 4:3

mungtsü shuründe Me arihako lapü mulong jihang.

EFISIA 5:29

Tümütüsho shenü she nihbuh pang müthraneanchoh, tüshe Khristanü borü ki rhimokhi yande kipduhchoh tüsho kümchoh,

FILIPI 1:27

Nüsa rhangdung yakli ju lang Khrista thiyusheak-atsü thülünde laang, junangde I arübah nüsa shoruru she yungsho mülalashe, thiyusheak-atsü akin thsungkheak lümkhi khülang thsübah thripkhüh thripkhüh mürangde me khülang ching nüsa düküngde azhipkhi inü asobah.

KOLOSI 1:10

Atungpuh ki athülün rhangdung lapü, api tsüde asühshihpü, rhimo atsü aban ching aso asoshihpü tüsho Thrünpuh mükheahkhi ching rünkihpü lah.

KOLOSI 1:18

Api ju borü, pang yo aku ah; api ju atankih, asherü bolungnü adüjibuh, junangde lüpdükhi ching apinü kihokhi labah.

KOLOSI 2:2

junangde dükde anikhitkhi lakhitbo tüsho Thrünpuh mükheahmudu aramyu, Khrista lapü arü amuzho ching rukhüh kamkhinü arü mulong toshihbah.

1 TESALONIKA 3:12

tüsho isanü nüsa ki rhimokhi nangde, khülangnü khülang tüsho mihtsürü alala ki muzhoachihpü ching Atungpuhnü nüsa alü rünkihde kamshang,

1 TESALONIKA 4:10

Tüsho atsütsü nüsanü Macedonia ching keoniorü alala muzhochoh, tüshe keoniorübo, nüsanü alü thsüde arhimopü tuthsukchoh.

2 TESALONIKA 1:3

Keoniorübo, isanü nüsa thsungkheak alungki lakhinü kamruhroro Thrünpuh ki makshe jihpü lah, tümütüsho nüsa akin alü thsüde zokihpü, tüsho nüsa khülangnü khülang muzhoachihkhi ching alü kamchoh.

1 PETER 3:8

Akheam ching, nüsa alalanü, me arihako, lümrhihachihkhi, keoniorü amuzho, mulong athünak tüsho azhihayih lümkhi laang.

2 PETER 3:18

Tüshe isa Atungpuh tüsho akhümkhitbuh Jisu Khrista amüthsüm tüsho mükheahmudu ching zokihang. Kheakü tüsho lünnü api müretah lashang! Amen.