KOLOSI 2:18 - AMÜSÜH HÜM CL Bible (BSI)

¹⁸ Michihbo, arükchih azhihayih tüsho yunirübo kingaünkhi hode ato khea lurünü nüsa dübahyukshih. Tümü amütsan mülade, hadürü mihtsürü nihbuh lümkhinü sheak dükipchoh

KOLOSI 2:18 Iomraidhean Croise

THRÜNTAN 3:13

Atungpuh Thrünpuhnü alibe ki tha, “Tümü thsükhi nünü ha rhimokhea?” Alibenü alo, “Phurutonü I mülapyukjih, tüsho inü tsüh.”

JOB HU H T ANYU 38:2

Mükheahmudu mülakhi yubonü I lümlung mitingabahshihkhi ju shepü a le?

ISAIA 57:9

Nünü müdangke hanbah Molek kilim yü, tüsho nü yo rhümthüneabebo hihde muju; nünü nü yunithsürübo limshude yüshih tüsho Ashe-lomi ching she yüzahshih.

EZEKIEL 13:3

Wuto Atungpuhnü thachoh: Nihbuh me yanrü makharü wukihrü tüsho tümü müngürü ayokhe!

DANIEL 11:38

Harü müthri apinü chipi thrünpuh ki wüntrebah; api jipürünü mümükheahkhi thrünpuh ki apinü suna tüsho shotoyinchi, shoto lungbo tüsho amo-achak thsambahbonü wüntre jihbah.

WÜHKHE 25:18

tümüde arünü Peor ching nüsa kheak mülapyukjih tüsho Peor ching arüm lachoki laksahbe, Midia limberü tsührü Kozbi dünkheaknü nüsa thsümüchi.”

MATHI 24:24

Tümütüsho arükchih Khristabo tüsho arükchih wukihrübo akhiukbah tüsho kuksho amokhitrü she bede mülapyukpü amütsan atobe tüsho amüyinsahbebo rhimobah.

ROMRÜ KILIM PAULNÜ ATHRÜTKHI KIHÜM HUHTANYU 1:25

tümütüsho arünü Thrünpuh dünkheak thiyuro ju akeangyu dün müthriachih tüsho lünnü müngühmühikhi Athrünrü müthri loriloko kingaün tüsho tankih! Amen.

ROMRÜ KILIM PAULNÜ ATHRÜTKHI KIHÜM HUHTANYU 16:18

Tümüde hadürü mihtsürübonü isa Atungpuh Khrista mütankihchoh, tüshe arü buk thsungkheak ah, tüsho arü yu atsü tüsho atsankhinü amülim mülarü mihtsürü mulongbo thsungyukchoh.

1 KORINT 13:4

Amuzho ju arümkheam tüsho lümrhihkhi; amuzho ju mükthsü yungsho lülüshishi yung;

1 KORINT 3:3

tümüde nüsa kheakü khiungde shih kilim lah. Tümütüsho nüsa bolung mükthsü tüsho rukachih lachoki, nüsa shih kilim yung de tüsho mihtsürü yancho nangde yakli huhchoh yung de?

1 KORINT 4:18

I nüsa kilim marüpü müdam nüsa khürü a kükheangde kamdo.

1 KORINT 4:6

Keoniorübo, nüsa alü thsungkheak inü harü Apollo ki tüsho inü rhimodo, junangde nüsanü ha thakhi amütsan ike kheaknü anikhitbah, “Tümü thrüta lanü ju hode düyü.” Junangde nüsanü püpürü azhihde khülang dünkheaknü mükükheang.

1 KORINT 8:1

Kheakü sangthsübo ki kingaünkhi tsühyungbe dünkheak isa alala mükheahmudu lah de inü mükheahlah. Mükheahmudunü lülüshishi kamshihchoh, tüshe amuzhonü thsükihchoh.

1 KORINT 9:24

Alihachihkhi ching alihrü alalanü alihchoh, tüshe khülangnü lang thsambah ngüchoh de nüsanü mümükheah de? Thsambah ngüpü thsüde alihang.

2 KORINT 11:3

Tüshe inü trejihde alakhi ju phurutonü arük hode Eve mülapyukkhi nangde, lümrhangkhi tüsho Khrista kilim shuhmülanga jihkhi chingnü nüsa lümkhibo bephülapde atsobah.

2 KORINT 12:20

Tümüde küyimki I arübanü inü alümkhi nangde nüsa mülapü tüsho nüsanü alümkhi I mülapü inü trede lah; junangde rukachih, mükthsü, bukakhiuk, yihnelune, mülapmüji, dünthamungtha, mungshilokhi, tüsho ayingying lapü kuklah.

EFISIA 4:17

Kheaküa khiungkerü amüthülünkhi lümkhi nangde nüsa düla de inü Atungpuh mung chingnü mütsande thachoh;

EFISIA 5:6

Shenü she thiyu akeangkeangnü nüsa dümülapyukshih, tümüde hadürü hode mihyumanirübo kheak Thrünpuh mulong zhipzhip arüchoh.

YUZÜNGTHALO 29:29

“Aramkhi kukruk ju Atungpuh isa Thrünpuh yo ah, tüshe akhiukahuhkhibo lünnü isa tüsho isa tsührübo yo ah, junangde isanü ha yakzan anibah.

FILIPI 3:14

Jumonü inü Jisu Khrista hode Thrünpuhnü ajikhi akulim thsambah ngüpü langakindo münchi lim alihchoh.

KOLOSI 2:23

Harü yuzüngbo ju arünü arochihde yunirübo kingaünkhi, arükchih azhihayih, tüsho pang thsümünimkhi ching a lümlung kheak ningkihkhi nangde lah, tüshe shihnü akünkhi danyukpü ching a tümü adungto müla.

KOLOSI 2:4

Shenü she thiyu akenü nüsa mümülapyukshihpü inü ha thachoh.

KOLOSI 2:8

Khrista yungde mihtsürü lalim tüsho alomiküp yuzüng yande lümlung-yu akeangkeang tüsho mülapyukbe hode shenü she nüsa mümünityukpü kümkangang.

1 TIMOTHI 1:7

Arünü yakzan thsangyurü thsüpü künlah, tüshe arünü tümü dünkheak thacho yungsho tümü mütsande asukchonü mümükheah.

1 TIMOTHI 4:1

Kheakü ashulim kimbo ching mebo mülapyukkhi tüsho amünean yukhümbo anide akin chingnü khürü chamkhide atsobah de Menü thachoh.

2 PETER 2:14

Mükbo yüliyüranü mide, neak yihbeakpü mutuklo; reangmüzahkhi mihtsürübo arünü münityukchoh. Arü mulongbo mükhütmürapü thsükhita lah. Arübo muthrumünean khüp lah!

1 JOHAN 2:26

Sherünü nüsa mülapyukpü lanü ju dünkheak inü nüsa ki thrütchoh;

AMIKHEAKAKHIUKKHI 12:9

Tüsho dragon ato, ju jipü phuruto, Amünean tüsho Arimri de ajikhi, alomiküp athrünkhi mülapyukbuh ju api lung anihbuh yunirübo bede alomi ching jipkhia bah.

AMIKHEAKAKHIUKKHI 13:14

khinthiyinbebo hode akhuhbe shiwüh thsung thsüde apinü arhimopü wu jih-a lakhinü, apinü alomi kheak larü mülapyuk. Nukshangnü yuribah arhang lakhi shiwüh wüntre jihde mejak khülang thsüpü arü ki thiyukhüm jih.

AMIKHEAKAKHIUKKHI 13:8

Alomi ching larü, thrüna lakhi alomi chingnü alaksahkhi Namfimihnunu rhangdung hüm ching mung thrüta mülarü alalanü shiwüh ju kingaünbah.

AMIKHEAKAKHIUKKHI 19:10

Judüki inü api kingaünpü ajing ki mükhüm, tüshe apinü I ki tha, “Nünü jude düthsü! I nü lung rukhüh tankihrü tüsho Jisu thiyumütsan thsürü nü keoniorü ah. Thrünpuh kingaünang.” Tümüde Jisu thiyumütsan ju müchitkhi me lah.

AMIKHEAKAKHIUKKHI 3:11

I nahde arüchoh; shenü she nü kuthran mulupü thsüde nü tümü lanü düngde ramrihang.