KOLOSI 2:16 - AMÜSÜH HÜM CL Bible (BSI)

¹⁶ Jumonü atsühpü tüsho ayungpü yungsho thünio le khinu aso yungsho amuni dünkheak keokhikhibo ching shenü she nüsa kheak thiyudükhapshih.

KOLOSI 2:16 Iomraidhean Croise

2 KIULONG THSÜRÜ 4:23

Apinü tha, “Tümüde khihni api kilim yüpü? Ha khinu aso yungsho amuni yung.” Alibenü tha, “Ju atsübah.”

1 KIUTHSÜYUKHEAN 23:31

tüsho amuni, khinu aso, tüsho akhukhitkhi thüniobo ching Atungpuh kilim taka kingaünkhi, arü khekhi yihnüpü ayannü mutuklode Atungpuh kilim jihchoki labah.

2 KIUTHSÜYUKHEAN 31:3

Kiulongthsüpuhnü nihbuh alakukruk chingnü arung jihkhi ju taka kingaünbebo thsungkheak lakheah: yapsu le are tüsho amunibo, khinu aso, Atungpuh yakzan ching thrütkhi yande akhukhitkhi thüniobo thsungkheak taka kingaünbebo.

NEHEMIA 10:31

Mürangkhüh khiungkerünü hi yungsho tümükhüh handarü Amuni yungsho püpü amüsüh nimung isa ki yinsho muthulo. Kam athünepü ching isanü thulu müthsü, shozüng alala mulude abahbah.

NEHEMIA 10:33

Arüngyam kingaün thsungkheak isanü harü alokhi: dükhüm kheak yikhap zopü, nimung aban hi jihchungpü, nimung aban shiwüh taka kingaünpü, Amuni amüsüh kingaünpü, khinu aso niobo, püpü niobo, püpü amüsüh kingaün, Israelrü münean dünthsükhipü kingaün, tüsho arüngyam thsungkheak yihnüpü püpübo.

NEHEMIA 8:9

Küyimki mihtsürübonü yakzan sokhea, arü mulong khide qiu tüsho atrippü tankih. Jumonü kovünor Nehemia, amükeambuh tüsho yakzan mükheahmudurü Ezranü mihtsürübo ki tha, “Ha nimung ha Atungpuh nüsa Thrünpuh kilim amüsüh ah, nüsa mulong dürozhak tüsho dütrip.

MUNGSHIKHÜN 42:4

Küyimki inü harü lümkhitbanü, I me thurukhitchoh. Tümüde inü asühkhi düsheak thsüde, tüsho makshe jihde boto lung Thrünpuh yam lim yü.

MUNGSHIKHÜN 81:3

Khinu aso kim ching, khinu münichoki, isa arüngako anioji nimung hulipungpung mütang.

ISAIA 1:13

Kingaünbo handarükhi yihnüpü müla; arhümthüneakhi inü thraneanlah. Khinu aso tüsho amuni tüsho mukhungmüdan– amülim kihde arüngako mukhungmüdankhi inü marümkhuk.

EZEKIEL 4:14

Judüki inü tha, “Jude yung, Wuto Atungpuh ! Inü küyimkishe I müneana mükheah. I athunu kinü kheakü khiungde inü küyimkishe ashekhi yungsho mütüm shiwühbonü athonakkhi mütsühakheah. Mümüsühkhi shih tümü she I mün ching yüzah-a mükheah.”

EZEKIEL 45:17

Tüshe taka kingaün, hi kingaün, tüsho ayungbe kingaün, thüniobo, khinu aso, amunibo, Israel yamkhün yo akhukhitkhi thünio alala ching thsungkheaknü kiulongthsüpuh rhimo ha labah: apinü neak kingaün, hi kingaün, taka kingaün tüsho mungtsü kingaünbo Israel dünthsükhipü jihbah.

LEVI 16:31

Ha nüsa thsungkheaknü sühakhim amunimung tüsho nüsanü khümkeak thsübeah. Ha kamruhroro thsungkheak yakzan thsükhi lah.

AMOS 8:5

ha tha, “ Küyimki khinu aso hobaki, junangde isanü hi yinbah; tüsho amuni hobaki, junangde isanü yukyinpü thsungkheak wheat hi jihbah? junangde isanü alü kheangbah, amülim adünara ahoribah, tüsho thülothiyirü ki akeara ching rük thsübah,

WÜHKHE 10:10

Nüsa asüh nimung she, thünio akhukhitkhi tüsho nüsa khinu aso ching, nüsa taka kingaünkhi tüsho mungtsü kingaün shuhmülanga jihkhi kheak nüsanü hulipungpung mütang; jurübo nüsanü Thrünpuh miki nüsa thsungkheak mümihbe labah; I Atungpuh nüsa Thrünpuh.”

MATHI 15:11

Tümü mün ching yüzahchonü junü mihtsürü mümüneanjihchoh; tüshe tümü mün chingnü akhiukchonü junü mihtsürü müneanjihchoh.”

MARK 7:19

Tümüde ju api mulong ching yungde ho ching yüzahchoh, tüsho akhiukabahchoh, hanangde tsühyungbe alala amüsüh ah.”

YUNIRÜBO RHIMO 15:20

ju müthri isanü arü ki sangthsübo kilim kingaünkhi amümüsüh mütsühpü, müzammüram müyihbeakpü, tüsho athünitsahkhi shiwüh yungsho thiyih mütsühpü thrütbeah.

ROMRÜ KILIM PAULNÜ ATHRÜTKHI KIHÜM HUHTANYU 14:10

Tümüde nünü nü keoniorü thiyukhapcho le? Yungsho tümüde nünü nü keoniorü khenocho le? Tümütüsho isa alala Thrünpuh thiyukhappung miki zhipbah;

GALATIA 4:10

Nüsanü nimungbo, khinubo, akheahmünchibo, tüsho kambo arüngchoh!

KOLOSI 2:20

Khrista lung nüsa ha lomi yakliyakko ching shekheasho, nüsanü tümüde kheakü khiungde alomi yo nangde lacho le? Tümüde nüsanü hadürü yuzüngbo anicho,

IBRI 13:9

Aphuaphu tüsho aso thsüde thsangyukhibonü dübephülapshih; sherünü tsühchonü arü ki alü mülakhi arüngako tsühyungbenü yungde amüthsümnü isa mulong düküngshihkhi ju atsü ah.

IBRI 9:10

tümütüsho arünü jim, ayungbe, tüsho atsangkhitbe aphuaphu arüngako thsungkheak lang amüthrilokhi khiungde arhimokhukpü lakhi akhualokhi lah.

JAKOB 4:11

Keoniorübo, khülangnü khülang azhihde amütsü düthaachih. Shepünü keoniorü azhihde amütsü asukcho yungsho keoniorü yukhapchonü yakzan azhihde amütsü asukchoh tüsho yakzan yukhapchoh. Tüshe nünü yakzan yukhapsho, nü a yakzan yande arhimorü yung tüshe thiyukhaprü ah.

1 SAMUEL 20:18

Jonathannü api ki tha, “Shido a khinu aso ah; nü mülakhi mütsanbah, tümütüsho nü binpung akeangkeang labah.

1 SAMUEL 20:5

Davidnü Jonathan ki tha, “Shido a khinu aso ah, tüsho yimtsühchoki I kiulongthsüpuh ki binpü mülakphahbeah; tüshe I tsoabahanü, junangde mahsam re khiungde I thulu ching jikbah.