KOLOSI 2:1 - AMÜSÜH HÜM CL Bible (BSI)

¹ Nüsa tüsho Laodikea ching larü le I miro müngürü alala thsungkheak inü küdükhüh tode mürangchonü nüsanü mükheahshihnelah,

KOLOSI 2:1 Iomraidhean Croise

THRÜNTAN 30:8

Rachelnü tha, “Inü I chi kheak tode shochihdo, tüsho inü kukdo.” Jumonü alibenü api mung Naphtali de ji.

LUKNÜ ATHRÜTKHI THIYUSHEAK-ATSÜ HUHTANYU 22:44

Tüsho küpkhuk ching, apinü khide mushude tamkhüntamnü. Tüsho api shoke ju alo kheak thiyih ato atsamkhikhi nangde kam.

YUNIRÜBO RHIMO 20:25

Tüsho kheakü kheahang, inü nüsa bolung kiulongthsü thsangyuthsangrakhi alalanü I miro müngülo.

YUNIRÜBO RHIMO 20:38

Arünü api miro müngülo de athakhi hode arü khide mulong thsümünim. Tüsho arünü api sangkung ching bedarü.

GALATIA 4:19

Amuzho I tsührübo, Khrista yakli nüsa kheak mülayi khiungde kheaküshe nüsa lung I zübe-thsünü ching lah!

FILIPI 1:30

tümütüsho nüsanü angükhi tüsho kheakü I kheak sode alakhi shochihkhi ruk nüsanü dünjide lah.

KOLOSI 1:24

Kheakü nüsa dünkheak thsünükhi ching I asühchoh, tüsho Khristanü api pang, ju borü dünkheak thsünükhi ching mübanthsangkhi I shih ching inü banthsangshihchoh.

KOLOSI 1:29

Khristanü ajihkhi sühmüh tüsho I kheak rhimode alakhinü inü ha rhimochoh tüsho mürangchoh.

KOLOSI 2:5

Tümütüsho pangnü I mülalashe, me ching I nüsa lung lade, nüsa tsüde alakhi tüsho Khrista ching nüsa akin düküngkhi asühde kheahchoh.

1 TESALONIKA 2:2

tüshe isa Filipi ching küpkhukde achih ngüa lalashe, azhihkhi ato mikhuh ching Thrünpuh thiyusheak-atsü nüsa ki khipkhitpü isa Thrünpuh kheak isa mulong tode alakheah de nüsanü mükheahlah.

IBRI 5:7

Jisunü api rhangdung lachoki achangnü zhide tüsho chike bukde api khümkhitkhukpü labuh ki tamkhüntamnüde amushukhibo lakheah, tüsho apinü wüntre lade amushukhinü api ki sojih.

1 PETER 1:8

Api müngüngü she nüsanü api muzhochoh; api müngüngü she nüsanü api kheak kinchoh tüsho müthakhukbe asühachihchoh.

AMIKHEAKAKHIUKKHI 1:11

hade tha, “Nünü tümü ngülanü hüm kheak thrütang tüsho borü thüne, Efisia, Symrna, Pergamum, Thyatira, Sardis, Philadelphia, tüsho Ladokia lim mühahang.”