KOLOSI 1:6 - AMÜSÜH HÜM CL Bible (BSI)

⁶ alomi alala ching lakhi nangde, küpü nüsa kilim arükhea, tüsho nüsanü asokhi nimungnü nüsa bolung lakhi tüsho Thrünpuh amüthsüm thiyuro ching zokhi nangde;

KOLOSI 1:6 Iomraidhean Croise

MUNGSHIKHÜN 110:3

Nü thirithsü nimung nü mihtsürübo ju nü rungrü labah; yapsu mükikde ayinke nangde nü mihtsürü athunurü nü kilim amüsüh wungbo kheak arübah.

MUNGSHIKHÜN 98:3

Apinü Israel yamkhün kheak api amüthsüm tüsho thiyuro lakhi lümkhitdo; alomi akheambo alalanü isa Thrünpuh akhümkhit ngüdo.

MATHI 24:14

Tüsho ha kiulongthsü thiyusheak-atsü alomiküp alala ching thiyumütsan thsüde trükshih alala ki thsangyuthsangrabah, tüsho jushu akheam arübah.

MATHI 28:19

Jumonü yüang tüsho Abuh, Atsührü tüsho Amüsüh Me mung chingnü baptide trükshih alala jingyanrübo kamshang,

MARK 16:15

Tüsho apinü arü ki tha, “Alomiküp alala ching yüang tüsho mihtsürübo alala ki thiyusheak-atsü thsangyuthsangraang.

MARK 4:8

Tüsho püpü ju alo atsü kheak hiuyuk tüsho hi mukhuhde asürübah khürünü samrü bande, khürünü rukrü bande, tüsho khürünü chi bande alü asojih.”

JOHAN 15:16

Nüsanü I mokhitkhi yung, tüshe inü nüsa mokhit tüsho yübah tsüpde alabe nüsa sangaso asopü thsüde nüsa moyuk, junangde nüsanü tümüpürü I mung chingnü I Buh ki kheangbanü apinü nüsa kilim jihbah.

JOHAN 17:19

Tüsho arü dünkheaknü I tsangkhitchoh, junangde thiyuro hode arü she atsangkhitbah.

JOHAN 4:23

Tüshe thiyuro kingaünrünü me tüsho thiyuro chingnü Abuh kingaünpü kim arüchoh; tüsho ha kheak lah; tümüde Abuhnü api kingaünshihpü hadürü yimchoh.

YUNIRÜBO RHIMO 11:18

Küyimki arünü ha sokheanü zhikde kamabah. Tüsho arünü Thrünpuh müretahde tha, “Judüasho khiungkerü kilim she Thrünpuhnü rhangdung lapü mulong müthrishihpü mülüjih-a lah.”

YUNIRÜBO RHIMO 12:24

Tüshe Thrünpuh yu alü jade yü.

YUNIRÜBO RHIMO 16:14

Isa ki anide alarü bolung aliberü khülang amung Lydia, Thyatira kiuto chingnü, mürümmuchu khimmih yinrü Thrünpuh kingaünrü lakheah. Paulnü athakhi anipü Thrünpuhnü anihbe mulong khimshuhjih.

YUNIRÜBO RHIMO 26:18

arü mükbo khimshuhbah amiting chingnü ayin lim tüsho Arimri wu chingnü Thrünpuh kilim rholoshihpü lah, junangde arünü neak bahkhi tüsho I kheak akin hode atsangkhitkhi nüsa bolung lapung leangkhibah.’

ROMRÜ KILIM PAULNÜ ATHRÜTKHI KIHÜM HUHTANYU 1:13

I keoniorübo, püpürü khiungkerü bolung nangde nüsa bolung yimlupü thsüde inü nüsa kilim arüpü ahihdo ki lümkhi thsükhi kheakü khiungde zhipdolah de nüsanü mükheahang.

ROMRÜ KILIM PAULNÜ ATHRÜTKHI KIHÜM HUHTANYU 15:19

Me wu hode amüyinsahbe tüsho khinthiyinbe wunü, junangde Jirusalem chingnü mükamde yünü Illyrikum khiungde Khrista thiyusheak-atsü khiukde zhiyukdo.

ROMRÜ KILIM PAULNÜ ATHRÜTKHI KIHÜM HUHTANYU 15:28

Jumonü küyimki inü ha banba, tüsho inü thremukhungkhi arü kilim jihbanü, limro ching nüsa shorude Spain lim yübah;

ROMRÜ KILIM PAULNÜ ATHRÜTKHI KIHÜM HUHTANYU 16:26

Judüalalashe kheakü, wukihrübonü athrütkhi hode thiyuro ju amikheak akhiukshih; tüsho akheam müla Thrünpuh yukhüm hode trükshih alala ki ju mükheahshih, junangde alalanü akinbah tüsho mihyuanibah.

2 KORINT 10:14

Isanü nüsa mukhiungkhi nangde isa küdah thsüde müpeangshangchoh; nüsa khiungde Khrista thiyusheak-atsü lubah arükhi ju isa akhuh lakheah.

2 KORINT 6:1

Rukhüh Thrünpuh tankihrü thsükhinü Thrünpuh amüthsüm akeangkeang ching düleangkhi de isanü nüsa ki tuthsukchoh.

EFISIA 3:2

nüsa thsungkheak Thrünpuh amüthsüm rhimopü I kilim jihkhi nüsanü sodo de lümlah,

EFISIA 4:21

dükdüpüa nüsanü api dünkheak sodo tüsho Jisu kheak lakhi thiyuro nüsa ki thsangyudo.

EFISIA 4:23

tüsho nüsa mulong tüsho lümkhi aso kamloang,

EFISIA 5:9

(tümüde ayinatrüm sangaso ju atsü, alungki tüsho thiyuro alala ching ngüchoh),

FILIPI 1:11

Thrünpuh müretahpü tüsho mungshipü, Jisu Khrista hode arükhi thiyuro-lungki sangasonü mide akambah.

FILIPI 4:17

Ju inü thsambah yimkhi yung; tüshe nüsa alü thsükhi ching bukhi sangaso inü yimchoh.

KOLOSI 1:10

Atungpuh ki athülün rhangdung lapü, api tsüde asühshihpü, rhimo atsü aban ching aso asoshihpü tüsho Thrünpuh mükheahkhi ching rünkihpü lah.

KOLOSI 1:23

Judüalalashe, nüsanü akin düküngkhi ching mutukzhakde tüsho mütsanmükhi khimtan labeah, tüsho nüsanü thiyusheak-atsü sobah alü thsükhi I mulonglam chingnü nüsa matrütshihbeah. I Paul, alomiküp ching alala ki thsangyuthsangrakhi ha thiyusheak-atsü tankihrü kamkheah.

1 TESALONIKA 1:5

isa thiyusheak-atsü ju nüsa kilim thiyu chingnü lang yung, tüshe wu tüsho Amüsüh Me ching, akin mütsande arü. Nüsa thsülimnü isanü nüsa bolung küdürü mihtsürü amütsan thsüde alakheanü nüsanü mükheahlah.

1 TESALONIKA 2:13

Tüsho küyimki isa kheaknü nüsanü asokhi yu leangkhikhea, nüsanü ju mihtsürü yu nangde yung, tüshe kheakü nüsa akinrübo kheak rhimode alakhi, atsütsü Thrünpuh yu de aleangkhikhi thsungkheak isanü mutukzhakde Thrünpuh ki makshe jihchoh.

2 TESALONIKA 2:13

Tüshe Atungpuhnü muzhokhi keoniorübo, isanü kamruhroro Thrünpuh ki makshe jihpü lah, tümütüsho Menü atsangkhitkhi hode akhümkhitpü tüsho thiyuro ching kinpü atankih chingnü Thrünpuhnü nüsa mokhit.

1 PETER 5:12

Athülünkhi keoniorübo de inü khejihde alakhi Sila arung hode, ha atsütsü Thrünpuh amüthsüm ah de tuthsukde tüsho khipkhitde inü nüsa kilim akhihkhühnü thrütchoh.