KOLOSI 1:25 - AMÜSÜH HÜM CL Bible (BSI)

²⁵ Tüsho nüsa tsüpü thsungkheak ha rhimo I kilim jihbuh Thrünpuhnü I borü tankihrü kamshih. Ha suhdahde api yusheak zhiyukpü rhimo,

KOLOSI 1:25 Iomraidhean Croise

1 KORINT 3:5

Dale tüsho Apollo ju tümü a? Paul ju tümü a? Atungpuhnü mihbüm aban thiyikhi nüsanü arü hode akinkhi tankihrübo lang ah.

1 KORINT 9:17

Tümüde inü ha akeangnü rhimosho, I thsambah khülang lah; tüshe akeangnü yungsho, I a le athiyikhi rhimo lang rhimochoh.

EFISIA 3:2

nüsa thsungkheak Thrünpuh amüthsüm rhimopü I kilim jihkhi nüsanü sodo de lümlah,

EFISIA 3:7

Api wu rhimokhinü I kilim jihkhi Thrünpuh amüthsüm thsambah yande I ha thiyusheak-atsü tankihrü kamshih.

KOLOSI 1:23

Judüalalashe, nüsanü akin düküngkhi ching mutukzhakde tüsho mütsanmükhi khimtan labeah, tüsho nüsanü thiyusheak-atsü sobah alü thsükhi I mulonglam chingnü nüsa matrütshihbeah. I Paul, alomiküp ching alala ki thsangyuthsangrakhi ha thiyusheak-atsü tankihrü kamkheah.

1 TESALONIKA 3:2

tüsho isanü isa keoniorü tüsho Khrista thiyusheak-atsü ching Thrünpuh yamlarü Timothi nüsa akin düküngshihpü tüsho atuthsukpü thiyi,

1 TIMOTHI 4:6

Nünü harü thsangdankhibo keoniorübo ki thasho, nü ju thiyuro akin tüsho nünü anide alakhi thsangyukhi atsü ching bezokhi, Jisu Khrista tankihrü atsü thsübah.