KOLOSI 1:22 - AMÜSÜH HÜM CL Bible (BSI)

²² api miki nüsa amüsüh, areak mükihde tüsho amülim mülashihpü thsüde api shekhi hode apang ching kheakü apinü tsüarihlodo.

KOLOSI 1:22 Iomraidhean Croise

2 SAMUEL 22:24

I api miki amülim mülade alakheah, tüsho amülimbo chingnü inü danyuk.

JOB HU H T ANYU 15:15

Thrünpuhnü api yo amüsührü kheak she akin müla, tüsho yinmibo api mük ki amüsüh yung;

JOB HU H T ANYU 25:5

Api miki khinu she müyinsho tüsho chiningbo she mütsangkhitsho,

MUNGSHIKHÜN 51:7

Monamnü I müsühjang, tüsho I müsühde akambah; I müsühjang, tüsho I phürüm kheaknü amüyebe labah.

LUKNÜ ATHRÜTKHI THIYUSHEAK-ATSÜ HUHTANYU 1:75

isa nimungbo alala ching api miki amüsüh tüsho thiyuro-lungki ching lapü.

ROMRÜ KILIM PAULNÜ ATHRÜTKHI KIHÜM HUHTANYU 7:4

Junangde, I keoniorübo, Khrista pang hode nüsa yakzan ching she, jude athsükhinü isanü Thrünpuh thsungkheak aso asopü thsüde ashekhi chingnü asürübuh kilim nüsa khülangnü khülang yo labah.

2 KORINT 11:2

Inü nüsa kheak amüsüh mükthsülah, tümüde inü nüsa ju atsangkhit arhangberü nangde yamkhünbuh khülang, Khrista ki rhangshihpü alokhido.

2 KORINT 4:14

Shepünü Atungpuh Jisu arhang kamloshihkheanü isa she Jisu lung arhang kamloshihbah tüsho nüsa lungnü api miki bede ayübah de isanü mükheahlah.

2 KORINT 5:18

Ha alala Khrista hode isa api lung tsüarihkhi tüsho tsüarihkhi tankih rhimo isa kilim jihbuh Thrünpuh kilimnü lah;

EFISIA 1:4

Api miki isa amüsüh tüsho areak mükihde alapü alomi khimtan müngühnü apinü isa api lung mokhit.

EFISIA 5:27

tüsho api kilim borü ju müretahde, areak yungsho aduhrhuh, yungsho judürü püpü mülade alabah, junangde anihbe lapha mükihde amüsüh labah.

KOLOSI 1:28

Isanü mihtsürü aban Khrista ching khiukdahkhi kamshihpü mihtsürü aban lümlung alala ching dande thsangyuchoh.

1 TESALONIKA 4:7

Tümüde Thrünpuhnü mümüsühde alapü yungde amüsüh ching lapü isa jikheah.

TITA 2:14

Apinü isa mülimkhibo alala chingnü rhokhitbah atsü rhimopü mulongrü api mihtsürü thsüpü thsungkheak tsangkhitpü isa thsungkheak anihbuh jihabah.

IBRI 10:10

Tüsho ju lümkhinü Jisu Khrista pang rüpde khülangki lang ajihkhi hode isa tsangkhit.

IBRI 10:20

api shih, zhindokhim hode apinü isa thsungkheak khimshuhkhi aso tüsho rhangdung limronü,

IBRI 13:21

api lümkhi rhimopü atsü lüpdükhi ching nüsa ayuk lashang, tüsho apinü amulongkhi Jisu Khrista hode isa kheak rhimoshang; lünnü lün api müretahshang. Amen.

1 PETER 3:18

Tümüde Khrista she neakbo dünkheaknü thiyuro-mülungkirü dünkheak thiyuro-lungkirü khülangkinü lang ashekheah, junangde shih ching ashekhi kamshihbah me ching arhang lashihde apinü isa ju Thrünpuh kilim bede arüpü lakheah;

2 PETER 3:14

Jumonü amuzho müyamrübo, tümütüsho nüsanü ha kheahde lale, areak mükihde, amudopü mülade tüsho mungtsü lade apinü angüshihpü mürangang.

JUDNÜ ATHRÜTKHI KIHÜM HUHTANYU 1:24

Kheakü nüsa mangakde akümpü tüsho areak mükihde api müretah miki asühachihde nüsa yüshihbuh kilim,