KOLOSI 1:15 - AMÜSÜH HÜM CL Bible (BSI)

¹⁵ Api ju amüngübe Thrünpuh mejak, thrüna lakhi alala kheaknü adüjibuh ah;

KOLOSI 1:15 Iomraidhean Croise

MUNGSHIKHÜN 89:27

Inü api I tsührü adüjirü, alomi kiulongthsürübo kheaknü achangbe thsüshihbah.

ABEKHIT 24:10

tüsho arünü Israel Thrünpuh ngü. Tüsho api jing khüp ju shotolung-bluknü athsükhi limro thüning nangde müsühkhabündo alakheah.

WÜHKHE 12:8

Jumonü inü api kheak mironü miro khipkhitde asukachih, neamneamde yung; tüsho apinü Atungpuh pang she ngüdo. Jumonü tümüde nükenü I yamlarü Mosa azhihde athapü mütrekhea?”

JOHAN 1:1

Atankih ching Thiyu lakheah, Thiyu ju Thrünpuh lung lakheah tüsho Thiyu ju Thrünpuh lakheah.

JOHAN 1:14

Thiyu ju shih kam tüsho isa bolung la, tüsho mihmüthsüm le thiyuronü mide alakhi lapkhiung tsührü müretah isanü ngü.

JOHAN 1:18

Shenü she tümü kim ching she Thrünpuh müngü. Abuh khüh kheak lakhi lapkhiung tsührünü lang api khipkhit.

JOHAN 14:9

Jisunü api ki tha, “Philip, I nüsa lung khide ruhde lado, tüsho kheaküshe nünü I mümükheah de? Shepünü I ngüdünü I Buh ngüdo; jumonü küde thsah nünü, ‘Isa ki Abuh huhang,’ de thacho?

JOHAN 15:24

Shenü she mürhimokhi inü arü bolung mürhimokhülaa, arü neak mülade alabah; tüshe kheakü arünü ngüdo tüsho I le I Buh chido thraneando.

JOHAN 3:16

“Tümütüsho Thrünpuhnü alomiküp muzhokhinü api tsührü lapkhiung jih, junangde shepünü api kheak kinbanü müdükheak tüshe akheam müla rhangdung labah.

ROMRÜ KILIM PAULNÜ ATHRÜTKHI KIHÜM HUHTANYU 8:29

Sherü Thrünpuhnü mokhita lanü, api tsührü nangde akampü büthsüde zochoh, junangde keoniorü ahihdo bolung api tsührü ju akhuhbuh thsübah.

2 KORINT 4:4

Thrünpuh kiphahkhi, Khrista müretah thiyusheak-atsü ayin arünü müngüshihpü ha lomi thrünpuhnü amükinrü lümkhibo yihdojih.

2 KORINT 4:6

Tümüde Thrünpuh, shepünü “Amiting chingnü ayin tahshang,” de athakheanü, Khrista miro ki Thrünpuh müretah mükheahmudu ayin isa kilim jihpü isa mulongbo ching api ayin tah.

FILIPI 2:6

api Thrünpuh nangde lalashe, apinü Thrünpuh akede rukhüh kampü mülüm,

KOLOSI 1:13

Apinü amiting yakzan shuhkhi chingnü isa bekhit tüsho apinü muzhokhi tsührü kiulongthsü ching beakhinjih,

1 TIMOTHI 1:17

Amüshebuh, amüngübuh, lünbo Kiulongthsürü, Thrünpuh lang lünnü lün wüntre lashang tüsho müretahkhi thsang. Amen.

1 TIMOTHI 6:16

api lang amüshebe tüsho mukhiungkhukbe ayin ching lah, shenü she müngü yungsho angüpü mukuk. Api kilim lünnü wüntre tüsho sühmüh lashang. Amen.

IBRI 1:3

Atsührü ju Thrünpuh müretah tahkihlokhi tüsho wulakhi api yu hode lüpdükhi lashihde, dükde api mihtsürüpang huhkhi lah. Apinü neak tsangkhitpü jih dunglim yinmi ching wüntremüretah khah tsülim bin.

IBRI 1:6

Tüsho kheaküshe apinü adüjibuh ha lomi ching bede arüchoki tha, “Thrünpuh yunirübo alalanü api kingaünshang.”

IBRI 11:27

Akin hode apinü kiulongthsüpuh bukakhiukkhi mütrede Ijip bahbah tso; tümüde apinü amüngübuh ngükhinü arümkhuk.

AMIKHEAKAKHIUKKHI 3:14

“Tüsho Laodikea ching borü yunirü ki thrütang: ‘Amen de athakhi, athülünkhi, thiyuro thiyumütsan, Thrünpuhnü athrünkhi atankih yubo.