KHÜNBOLUNGKHÜN 8:6 - AMÜSÜH HÜM CL Bible (BSI)

⁶ I nü mulong kheak yümkihkhi nangde, nü bin kheak yümkihkhi nangde zoang; tümüde amuzho ju ashebe nangde müranglah, mükthsükhi kiuyuk nangde bukakhiukkhi lah. Atrukhi ju, mo trukhi, momulo nangde lah.

KHÜNBOLUNGKHÜN 8:6 Iomraidhean Croise

1 KIUTHSÜYUKHEAN 11:18

Judüki mahsamnü Filistiarü binpung lakashungde yü tüsho ripit ki lakhi, Bethlehem kekhip chingnü ke khipa lu, tüsho arünü ju David kilim lubah arü. Tüshe Davidnü ju muyung; apinü ju Atungpuh kilim dunga bah,

MUNGSHIKHÜN 120:4

Thirithsürü ayuk hühzobo, mokhih-mürüm bede!

MUNGSHIKHÜN 63:1

O Thrünpuh, nü I Thrünpuh ah; nahde inü nü yimbah; I menü nü thsungkheak kethürilah; ke mülapung akung lo tüsho asüksük lo ching I shihnü nü mürheangchoh.

MUNGSHIKHÜN 84:2

Atungpuh arüngyam thsungkheak I menü künsahde kamchoh; I mulong tüsho I shihnü arhang Thrünpuh thsungkheak zhichoh.

ABEKHIT 28:21

Tüsho lung thürükheak mahne kheak ju Israel trük abande Jakob tsührübo mung kheande dokihang.

MÜCHITMUDU 25:22

junangde nünü api ku kheak mokhih lamlamkhi mujungshihbah, tüsho Atungpuhnü nü thsambah jihbah.

MÜCHITMUDU 6:34

Tümüde mükjomükranü niubuhrü mulong zhipzhipshihchoh, jumonü royimkhi nimung apinü maningshih.

KHÜNBOLUNGKHÜN 5:8

Inü thachoh, O Jirusalem tsührü liberübo, nüsanü I tsübuh ngüsho, I a muzhoachih tukthsülah de api ki thaang.

ISAIA 49:16

Kheahang, inü nü I müyilung kheak thrütkihdo; nü chipibo mutuklode I miki lah.

JEREMIA 22:24

Atungpuhnü thachoh, Jehoiakim tsührü, Juda kiulongthsüpuh Jehoiakin I khah tsülim peang mütsan-dokhi yingkhüm thsüthsü she, ju chingnü she inü nü rukkhita bahbah

HAGGAI 2:23

Wuto Atungpuhnü thachoh, ju nimung, inü nü bea lubah, O I yamlarü Zerubbabel, Shealtiel tsührü, Atungpuhnü thachoh, tüsho nü ju mütsanyüm yingkhüm nangde akamshihbah; tümüde inü nü mokhitdo, Wuto Atungpuhnü thachoh.

ZEKARIA 3:9

Tümüde inü Jihusua miki zokhi lung khülang thrip thüne lakhi kheak, inü adokihbah, Wuto Atungpuhnü thachoh, tüsho ha lomi amülim inü nimung khülangnü yihkhita bahbah.

WÜHKHE 25:11

“ Amükeambuh Aron kheak yo, Eleazar tsührü Phinehasnü I bukakhiukkhi Israelrü kheaknü tsoloshihdo; tümütüsho inü arü bolung mulongkhi kheak apinü mulongkhit, junangde inü I mükthsükhi ching Israelrübo müdükheakshih.

WÜHKHE 5:14

mükthsükhi me api kheak akihbah nihbe zangrü müneanbe aniube kheak mükthsüde kamsho; yungsho mükthsükhi me api kheak akihbah anihbe mümüneanean she aniube kheak mükthsüde kamsho;

YUNIRÜBO RHIMO 20:24

Tütüshe, inü alihpü bansho tüsho Atungpuh Jisunü I kilim jihkhi rhimo Thrünpuh amüthsüm thiyusheak-atsü lang she bansho, inü I rhangdung tümü thülünde mülüm.

YUNIRÜBO RHIMO 21:13

Tüshe apinü alo, “Hanangde tripde tüsho I mulong thsümünimshihde nüsa tümü thsücho? Jirusalem ching rhükpü lang yung tüshe Atungpuh Jisu mung chingnü ashepü she inü thsakhambah lah.”

ROMRÜ KILIM PAULNÜ ATHRÜTKHI KIHÜM HUHTANYU 12:20

Ju müthri, “Nü riri khümsho, api yimkipang; api kethürisho, ke duhang; tümüde jude athsükhinü nünü api ku kheak mokhih lamlam thsukkihjihbah.”

2 KORINT 11:2

Inü nüsa kheak amüsüh mükthsülah, tümüde inü nüsa ju atsangkhit arhangberü nangde yamkhünbuh khülang, Khrista ki rhangshihpü alokhido.

YUZÜNGTHALO 32:21

Arünü arü thrünpuh kheak I bukakhiukshih, tüsho arü sangthsü kheak I bukakhiukshih. Jumonü inü arü mihtsürü yungde püpü kheak bukakhiukshihbah; inü arü abünrü trük kheak mükthsüshihbah.

2 TIMOTHI 2:19

Tüshe ha amütsan bede Thrünpuh yo adüküng khimtan zhiplah: “Sherü api yoanü Atungpuhnü mükheahlah,” tüsho, “Atungpuh mung jirü abannü amülim chingnü chamkhishang.”

AMIKHEAKAKHIUKKHI 12:11

Namfimihnunu thiyih tüsho arü thiyumütsan yu hode arünü api kuk, tümüde arünü ashepü she thsüde nihbuh rhangdungbo mümuzho.