KHÜNBOLUNGKHÜN 7:5 - AMÜSÜH HÜM CL Bible (BSI)

⁵ Nü ku thrankhi Karmel wung nangde, tüsho nü kuyü leamkhi mürümmüri zhingzhing nangde; kuyü thsünkhi ching kiulongthsüpuh tholochoh.

KHÜNBOLUNGKHÜN 7:5 Iomraidhean Croise

THRÜNTAN 32:26

Tüsho apinü anihbuh ki tha, “I tsoshang, tümüde ayinkhipü thsüchoh.” Tüshe apinü tha, “Nünü I mümüngühjihsho inü nü mutsoshih!”

MUNGSHIKHÜN 68:24

I Thrünpuh, I kiulongthsüpuh arüngakopung ching dungde ayüzahkhi arünü ngüdo, O Thrünpuh.

MUNGSHIKHÜN 87:2

Atungpuhnü Jakob lapungbo alala kheaknü Zion chipiripitbo muzhobah.

MÜCHITMUDU 5:19

Amuzhokhi shihmüchi tüsho drelü nangde, kim alala ching anihbe treangbonü nü reangkeamshang; tüsho kamruhroro anihbe amuzhonü nü kapdoshang.

KHÜNBOLUNGKHÜN 1:17

Ike yam binkiu ju cedar sang, damzü ju tsünsang labah.

KHÜNBOLUNGKHÜN 4:1

Nü küdükhüh she jak atsü, I tsübe, küdükhüh khide jak atsü! Amuhiudokhi khüp nü mük ju müthrithrümpü mük ruk lah. Nü kuyü ju mihnu boto Gilead düpheak yükikhi nangde lah.

KHÜNBOLUNGKHÜN 4:4

Nü hung ju David aheangsadam nangde lah, mükamde shahshah thsülah; ju kheak thirithsürü tsungbo nangde tsungnini chithürü zhinlah.

KHÜNBOLUNGKHÜN 5:11

Api ku ju suna müthsün; api kuyü duphungbo zhokhilah, khüyak nangde müraklah.

ISAIA 35:2

suhdahde apungbah tüsho asühde khün thsüde asühachihbah. Lebanon müretahkhi ju kheak jihbah, Karmel tüsho Sharon wüntre-müretah labah. Arünü Atungpuh müretahkhi, isa Thrünpuh wüntre-müretah ngübah.

MIKA 7:14

Nü tsonü nü mihtsürü, nü yo namfimihnu boto neakang, küpü murung khülang ching alo atsü phulung la; arübo awün nimungbo nangde Bashan tüsho Gilead ching yimtsühshang.

WÜHKHE 21:26

Tümüde Heshbon ju Amorrü kiulongthsüpuh Sihon kiuto lakheah, api hode akhuhlim Moab kiulongthsüpuh kheak keochih, tüsho api lomi Arnon khiungde lukham.

MATHI 18:20

Tümütüsho küching I mung chingnü mahne yungsho mahsam mukhunga lanü, arü bolung I lah.”

MATHI 28:20

inü nüsa ki thiyukhüm jihkhi alala anipü arü ki thsangyuang; tüsho kheahang, I nüsa lung kamruhroro, lün akheam khiungde alabah.”

EFISIA 1:22

tüsho apinü alala api jing khüp yüzahshih, tüsho borü thsungkheak alala kumung api aku kamshih.

KOLOSI 1:18

Api ju borü, pang yo aku ah; api ju atankih, asherü bolungnü adüjibuh, junangde lüpdükhi ching apinü kihokhi labah.

KOLOSI 2:19

tüsho Thrünpuhnü azoshihkhi pang abümnü, amüchinbo tüsho sühbonü tholobah alakhi yo aku kheak düküngde mutholo.

AMIKHEAKAKHIUKKHI 1:14

api ku tüsho api kuyü ju alamlam hing müye, phürüm müyekhi nangde alakheah; amükbo ju motru nangde,