KHÜNBOLUNGKHÜN 7:4 - AMÜSÜH HÜM CL Bible (BSI)

⁴ Nü hung thsotorü rünchang nangde lah. Nü mükjibo Heshbon ching kekungbo, Bath-rabbim ripit ki lakhi nangde lah. Nü nupung ju Damaska lim chinzhinpung Lebanon rünchang nangde lah.

KHÜNBOLUNGKHÜN 7:4 Iomraidhean Croise

THRÜNTAN 15:2

Tüshe Abramnü alo, “ Atungpuh Thrünpuh , nünü I tümü jihba, tümütüsho I a tsührü mülade lah, tüsho I yamrüplurüp lupü thsüde Damaskarü Eliezer lah?”

2 SAMUEL 8:6

Judüki Damaska ching lakhi Siriarü bolung Davidnü bonungrü yambo thsü; tüsho Siriarü ju David yamlarü kam tüsho ruk hanbah arü, David yüpungbo ching Atungpuhnü akuk ngüshih.

1 KIULONG THSÜRÜ 10:18

Kheaküshe kiulongthsüpuhnü kiulongthsü-binkiu ato thsotorünü thsü, tüsho ju kheak suna müthsün yihkih.

1 KIULONG THSÜRÜ 10:22

Tümüde keto ching Hiram sangkungbo lung kiulongthsüpuh sangkungbo lakheah. Kam mahsam ching khülang ki Tarshish sangkungbonü suna, shotoyinchi, thsotorü, shihngü tüsho shuhyibo hanbah arü.

1 KIULONG THSÜRÜ 22:39

Kheakü aningkhi Ahab rhimobo, apinü arhimokhi alala, apinü athsükhi thsotorü yam, tüsho apinü athsükhitkhi kiutobo alala, Israel kiulongthsürübo yukhean hüm ching thrüta müla de?

1 KIULONG THSÜRÜ 7:2

Apinü Lebanon Murung yam ju ayunglim khahnap 100, atolim khahnap 50, tüsho achanglim khahnap 30 cedar dungjing ru phüyinü abinkiu bebah thsü.

1 KIULONG THSÜRÜ 9:19

kheaküshe Solomon zowupung kiutobo alala, api khora tüsho khoralolungbe kiutobo, tüsho Solomonnü Jirusalem, Lebanon, tüsho apinü kiulongthsükhi lo ching rhimopü lümkhibo alala.

2 KIUTHSÜYUKHEAN 8:6

tüsho Baalath, Solomon kukruk zopung kiutobo she, tüsho khora-lolungbebo thsungkheak kiutobo, api khoraberü thsungkheak kiutobo, tüsho Jirusalem, Lebanon, tüsho apinü yakzan shuhkhi lomi alala ching Solomonnü athsüpü lümkhibo thsü.

MUNGSHIKHÜN 144:12

junangde isa tsührübo ju arü athunuchoki sangdung nangde azokihbah; akhamshihkhi dungjingbo nangde alabah;

MUNGSHIKHÜN 45:8

Nü khimmihbo alala rhümthüneabe, aloe tüsho kassianü rhümthüneashih, thsotorü yambo chingnü arünü nü asühshih.

KHÜNBOLUNGKHÜN 1:10

Nü müchipbo kheak nüpünü akhamlah, nü hung kheah suna laknü akhamlah.

KHÜNBOLUNGKHÜN 4:1

Nü küdükhüh she jak atsü, I tsübe, küdükhüh khide jak atsü! Amuhiudokhi khüp nü mük ju müthrithrümpü mük ruk lah. Nü kuyü ju mihnu boto Gilead düpheak yükikhi nangde lah.

KHÜNBOLUNGKHÜN 4:4

Nü hung ju David aheangsadam nangde lah, mükamde shahshah thsülah; ju kheak thirithsürü tsungbo nangde tsungnini chithürü zhinlah.

KHÜNBOLUNGKHÜN 4:5

Nü niuh mahne ju shihmüchi nunu mahne nangde, rimsung nunu mahne thrilung sangbün bolung niuh duhkhi nangde lah.

KHÜNBOLUNGKHÜN 6:5

I kheaknü nü mükjibo anguhde tsoang, tümüde arünü I tahdochoh! Nü kuyü ju mihnu boto Gilead wungdüpheak kheak yükikhi ruk ah.

ISAIA 54:4

Dütre, tümüde nü achih müngü; mulong dünini, tümüde nü achih ngüde müküpkhuk; nü athunu achihahean nünü amihbah, tüsho nü khimokhi achihahean nünü mülümkhitlo.

IBRI 5:14

Tüshe tsühyungbe amüküp ju azorü thsungkheak ah, tümüde sherünü athsükhukpü lanü amütsü chingnü atsü mütsankhitpü rhimoakheahde yeanzamdo.