KHÜNBOLUNGKHÜN 7:13 - AMÜSÜH HÜM CL Bible (BSI)

¹³ Mandrak wophüyakbonü arhüm thüneashihchoh, tüsho ike khimdopübo ki amokhitkhi sangasobo, aso le awün chido lah, küpü inü nü thsungkheak zojihkhea, O I tsübuh.

KHÜNBOLUNGKHÜN 7:13 Iomraidhean Croise

THRÜNTAN 30:14

Wheat yimlupü kim ching Reuben thulu lim yü tüsho mandrak ngü, tüsho abe Lea kilim lude alung. Judüki Rachelnü Lea ki tha, “Muzhobah nü tsührü yo mandrak anükhüh I kilim jihang.”

KHÜNBOLUNGKHÜN 2:3

Mukhiukdung khülang sangdung bolung nangde, athrününgtsüng bolung I tsübuh lah. Khide asühde inü api alamme khüp bindo, tüsho api sangaso kede tsüh.

KHÜNBOLUNGKHÜN 4:13

Nü sangdungbo ju tsarümkiu, ju lung amokhitkhi sangasobo, mürümmüri-sang lung molisang,

KHÜNBOLUNGKHÜN 4:16

Asürang, O dukulim apung! tüsho arang, O düjinglim apung! I wündo kheak yünang, junangde arhümthüneakhi yünmüzütbah. I tsübuh api wündo ching arüshang, tüsho amokhitkhi sangasobo tsühshang.

KHÜNBOLUNGKHÜN 6:11

Inü almond sangaso yi ching, jindükhün ching pungkhibo kheahpü, kurungasobo duduhkhi tüsho tsarümkiu pungkhi kheahpü yükido.

KHÜNBOLUNGKHÜN 8:1

Nü a I khiung thsükhülaa, I be niuh duhde mütrükhi thsükhülaa! Inü nü wungdo ching shorukhülaa, inü nü müthsüpa labah, tüsho shenü I mükhenojih.

ISAIA 23:18

Anihbenü shothsümolokhi tüsho mihkhah mulokhibo Atungpuh kilim müsühkhitbah; anihbenü alü thsükhibo ju muzomukhung yungsho rama muzo, tüshe anihbenü amulokhi ju Atungpuh miki larü thsungkheak tsühyungpü tüsho khimmih suhdahde ahiuh-a jihbah.

MATHI 13:52

Judüki apinü arü ki tha, “Jumonü yakzan thsangyurü yinmi kiulongthsü ching jingyanrü kamrü ju thüyam putungrünü anihbuh rahpung chingnü aso tüsho awün kukrukbo lude akhiukkhi kiphahlah.”

MATHI 25:40

“Kiulongthsüpuhnü arü ki alobah, ‘Atsütsü inü nüsa ki thachoh, nüsanü tümüpürü I keoniorü bolung aninibe thsungkheak rhimokheanü, nüsanü I thsungkheak rhimodo.’

JOHAN 15:8

Nüsanü aso hihde asokhinü I Buh müretahbah; junangde nüsa I jingyanrübo thsübah.

1 KORINT 16:2

Amu-khip akhuhbe nimung nüsa mihbüm abannü nihbuh lalim ayannü tümükhüh zomukhungang, junangde küyimki I arübanü müthrezüthredo.

1 KORINT 2:9

Tüshe ha thrüta lah, “Tümü she müknü müngükhea, yungsho nükhünnü muso, yungsho mihtsürü mulongnü mülümkhea, juju Thrünpuhnü api muzhorü khilim thsakhamkheah.”

EFISIA 5:9

(tümüde ayinatrüm sangaso ju atsü, alungki tüsho thiyuro alala ching ngüchoh),

FILIPI 1:11

Thrünpuh müretahpü tüsho mungshipü, Jisu Khrista hode arükhi thiyuro-lungki sangasonü mide akambah.

KOLOSI 3:17

Tüsho nüsanü tümüpürü rhimobeanü thiyu yungsho rhimo thsüthsü, Abuh Thrünpuh kilim api hode makshe jihde lüpdükhi Atungpuh Jisu mung chingnü rhimoang.

1 PETER 4:11

Shepünü thachonü Thrünpuh yu thabeah; shepünü tankihchonü, Thrünpuhnü api kilim jihkhi sühmühnü atankihbeah, junangde lüpdükhi ching Jisu Khrista hode Thrünpuh müretahbah. Müretah tüsho wu lünnü lün api yo ah. Amen.